أضف سؤال أو موضوع جديد          

السيارات الأمريكية و إغترار الناس فيها

up 14 down 8



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم حاب أناقشكم بموضوع مهم جداً !!! و كُثر الإنغماس فيه من قبل الناس للأسف
وهو شراء السيارات الأمريكية !!!! سواء عن طريق (إستيراد , صالات عرض , معارض , حراج إلخ ...) طبعاً بلا شك إن فيه
سيارات أمريكية جيدة و أحياناً فوق الممتازة !!!! لكن أنا أتكلم عن السيارات المضروبة اللي تجي عندنا و خصوصاً في صالات
العرض مثل: (البيان , العوهلي , العريني , البحر الأحمر إلخ ...) طبعاً أنا فكرتي سيئة عن السيارات الأمريكية (منذو مبطي) 
بسبب موقف حصل لأحد الشباب عام 1423 هــ وصاحبي هذا إشترى كراون فيكتوريا من أحد صالات العرض و أعتذر عن 
ذكر إسم المعرض لعدم أهميته في الموضوع , لأن للأسف أغلب صالات العرض ما تجيب نظيف !! تجيب (مضروب ومكرفس)
عشان يبيعون أقل من سعر السوق , ما علينا أرجع لموضوع صاحبي اللي إشترى كراون فيكتوريا من أحد الصالات المهم في
القصة , صاحبي لاحظ عزم غير طبيعي في السيارة !!!!! غير عن كل (الفوردات) حتى إن أصحاب السيارات اللي تقاوموا معاه
إنجنوا كيف هالعزم من وين جاء ؟ طبعاً صاحبي كان مستانس على عزم الموتر , و بصراحة أنا شكيت و وصيته يروح لأحد
الميكانيكية اللي أعرفهم زين و أعرف شطارته عشان يفحص الموتر و يعرف وش سبب عزمه (الخورافي) !!!
راح الميكانيكي و فحص الموتر و طلعت المفاجأة !!!!! السيارة كانت بوليس (دورية بالعربي) !!!! شارينها الصالة من رجيع
الشرطة الأمريكية , فعشان كذا أنا غيرت نظرتي تجاه السيارات الأمريكية !!!! طبعاً في ناس بتقول: وين راح تقرير الكارفكس
و الأوتو شك ؟ للأسف وأنا أقول هالشي بناءاً على ما سمعته من أحد الأشخاص اللي أعرفهم عز المعرفة وهو متخصص 
بإستيراد سيارات أمريكية بأن التقارير (ينلعب فيها) طبعاً اللي مشىً سوق السيارات الأمريكية بأنها أرخص نوعاً ما من السيارات
الثانية اللي في السوق !!!! و أنا ما ألوم الناس إنها تبحث عن الأرخص لقلة الخيارات أحياناً و السيولة , و لكن
ثق تمام الثقة بأن الصالات لن تبيعك سيارة نظيفة و أختها في السوق بمثل نظافتها و سعرها أعلى !!!! طبعاً اللي يغري الناس
في هالسيارات وخصوصاً إذا كانت في الصالات إنها تكون نظيفة و ملمعة و تحسها بحالة الوكالة من زود النظافة لا تغتر
يا حبيبي هذا تسويق !!!! يلمعون السيارة و بعض الأحيان ينجدون المراتب و يصلحون الديكورات عشان لمًا تشوف السيارة
 تنخدع فيها و تحسها نظيفة و هي على قول المثل (من برا الله الله و من جوا يعلم الله) عالعموم أعتذر عن الإطالة و شكراً

+
مرفق قصيدة للشاعر الجميل حمد السعيد (أبو خالد)


مات الجمر وقلوب الاحبـاب حيـه ..
. والموت لا ماتـت قلـوب الحبايـب 




ياشيشتي لو فيـك ذنـب وخطيـه ..
. معاك احس اني عن النـاس غايـب 




العام كانوا لي من الاصحـاب ميـه .
.. وقت الرخا لكـن جفـوا بالنوايـب 




لاهنت يا قلبن شكـى مـن خويـه ..
. كم راس من طعنات الاصحاب شايب 




مرات اقـول ان الخبـل يـا هنيًـه .
.. ولقيتهـم يشكـون ظلـم القرايـب 




ومرات اقول النـذل لا رحـم حيـه .
.. واثر النذل في بعض الاوقات صايب 




يا نفـس شيليهـا علـى السامريـه .
.. شيلة طرب ماعـاد فيهـا طلايـب 




وش لـي بتنبيـه القلـوب العميـه ..
. وحنا في هالدنيـا دروب وركايـب 




ابتغـزل فــي هـذيـك البنـيـه .
.. بنـت تفـل القلـب فـل الذوايـب 




كـم بعثرتنـي واجمعتنـي هنيـه ..
. بنفس المكان اللي جمعنـا غرايـب 




يا ضعفهـا معهـم وعنـدي قويـه .
.. منها غـدا ثلثيـن قلبـي خرايـب 




مرباعهـا بيـن العيـون الشقيـه ..
. ومقيضها بيـن الجـروح العطايـب 




ما اقول يذبـح زينهـا بـس هيـه .
.. تلفت لها قلب عـن الحـب تايـب 




ولا اقول مغـروره ولا هـي خليـه .
.. فيهـا دلـع طفـل تبنـاه شايـب 




جمـال نجـد وفتـنـة حايلـيـه ..
. وش جمـع الثنتيـن فيهـا عجايـب 




اليا اقبلـت بيـن احسنـات وسيـه .
.. ياكثر ذنبي بين طيـب وغصايـب 




واليا ادبـرت فـي دمعتيـن نديـه .
.. قلب معاها وقلب في الصدر ذايـب 




راح العمر ما بيـن روحـه وجيـه .
.. ياكثـر غلطاتـي ولانـي بهايـب 




شب الجمر مـادام الاشـواق حيـه ..
. وطف العتب والعمر ضحك ونصايب 

همسة: (لا تحرمني تعليقك و وجودك في موضوعي)

محبكم &&& أبو طــــــــلال

 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


فعﻻ انا معاك بالراي


up 2 down 2
xktaqx 286
قبل 6 سنه و 9 شهر



البحر الاحمر على طريق المطار عنده فورد 2008 ماشي 18 الف ميل فل كامل طاره تخشيبه بس يوم شغلته لقيت السياره فيها تفتفه والدركوسن باين عليه اثر كثرة الاستخدام والسياره وقفتها ماهي طبيعيه لذك اتوقع انه ملعوب فيها فانبتهو من المستورد


فيه طريقه ينعرف منها الموتر لأي غرض كان يستخدم في امريكا وخصوصاً الفوردات هل هو بوليسي ولا اجرة ولا شخصي عن طريق رقم الشاص ياريت الى عنده خلفيه عنها يفيدنا 


up 4 down 1
hussain4 850
قبل 6 سنه و 9 شهر



جزاك الله خيرا يابو طلال على التقرير اليوم صار كل شي يخوف وصارت فيه عصابات مثل المافيا بالتجاره والغش 


up 4 down 0
ابــو ســنــد 10639
قبل 6 سنه و 9 شهر



صحيح كلامك 
لكن فيه سيارات وردة مثل ماتفضلت فعلا ايضا
وكل له خياره 
انا لم ولن اشتري من صالات العرض الكبيرة 
فيه معارض تلقاها في الدخشة تجيب لك سيارات رخيصة او معقولة ونظيفة عالشرط وامناء حتى تعاملهم لايوجد حلفان وكثرة ثرثرة
وفيه صالات عرض اروح اسال عن اسعار السيارات فيها والله اضحك من القهر مصدقين نفوسهم وكانهم وكالات  تخرج وانت مهستر
بسببهم 
حسبنا الله عليهم وعلى الوكلاء والمسؤولين اللذين ضد الشعب دائما


up 5 down 0
ابو عبدالله احمد 3471
قبل 6 سنه و 9 شهر



الحين يوم طلع موتر نشيط وعزم مجنون كرهته هههههههههههههههه !!


up 4 down 0
x500 775
قبل 6 سنه و 9 شهر



صباح الخير .

وموضوع جميل للنقاش الله يعطيك العافية ... شف أخوي كان عندنا زمان معرض سيارات وكنا نستورد سيارات من أمريكا

كابريس - فورد - جمس - فان ... المهم كان يجينا سيارات بوليسية وكان لها زباين .. المهم يجيك مكتوب في رقم الهيكل

للسيارات البوليسية حرفين BL والسيارات المدنية ينكتبلها BU وصحيح كل ما شفنا فورد أو صابونة بوليسي نلاقي حروف BL

مكتوبة في رقم الشاص عكس السيارات المدنية لايوجد فيها BL بل يوجد BU أو BT وصلت الفكرة .... تحياتي ولايك لكم .


up 4 down 0
أبو ميان . 152
قبل 6 سنه و 9 شهر



خويك كيف السياره معه

حتى لو بوليسيه تكون ورده ,, مدامها ماشيه معه تمام


up 1 down 0
ابوخالد1397 2641
قبل 6 سنه و 9 شهر



يآخوي,

انت بكلامك هذا تبي تقولنا ان كل السيارة الامريكية مخيسة !!

طيب الحين يجيك واحد يقولك شريت موتر من الصالات زي الحلاوة !!


قول المعرض الفلاني نصابين لا تقول السيارات الامريكية مضروبة !!


up 4 down 1
sultan-q 466
قبل 6 سنه و 9 شهر



تخيلوا يا شباب
شريت كراون فكتوريا موديل 1997 من القطيف
بـ24000 ريال
والله ماندمت عليه....نظيف بالحيل
شريته قبل 6 سنين
والى الحين معي وماخرب معي....كارف ابو ابوه
يللي يبي سيارة نظيفة يروح القطيف
لك لايك


up 2 down 3
ali-911 3097
قبل 6 سنه و 9 شهر



وانا كمان ربي نجاني من فورد ماركيز 2004 في الموقع http://haraj.com.sa/111869577/فورد_جراند_ماكيز_فل_الفل_موديل_2004البيع_سمح_/وفحصت كارفكس وطلعت
السيارة مصدومة صدمة قوية في التقرير وسالت صاحبها عن عيوبها وقالي مرشوشة كامل وماذكر في الاعلان


up 0 down 1
مالقيت اسم فاضي 249
قبل 6 سنه و 9 شهر



الحين عندي سؤال: يلعبون بتقرير الكارفكس وين بالضبط؟ في السعودية ولاّ في أمريكا؟؟!!


up 1 down 0
nader2002 1656
قبل 6 سنه و 9 شهر



برأيي ان من المفترض الدوله تمنع السيارات المصدومه الممنوعه اصلا في بلدها. اكيد ان في امريكا لم يمنعوا السيارات المصدومة بشكل قوي إلا لسبب. من المفترض ان تمنع الدوله اي سيارات (سالفج) يتم إستيرادها الى السعودية ويتم التشديد على هذا الأمر.
حتى الان مسموح البيع والشراء في السعودية للسيارات الممنوعه استخدامها في بلادها الاصلية مثال السيارات الامريكية السالفج


up 1 down 0
root 756
قبل 6 سنه و 9 شهر



اساس البوليسي ينعرف برقم الشاصيه  هاذا اول شي ثاني شي البوليسي معروف بداخليتها انه مافيه لامثبت سرعه ولا ازرار على الباب يعني استندر بحت 
وصراحه بعض الورش والله يفتي ويقولك هاذي السياره كيت وكيت وهو مو داري فيه فوردات تجي بكارونه بوليسيه ولكن استخدام شخصي بالقومه اكيد اقوا من الفورد الي كارونته عاديه 
والي بيشتري مستورد مابيفحص يستاهل مهما كانتة نضيفه السياره افحصها فص فص مسمامر مسمار 


up 1 down 0
princ 18864
قبل 6 سنه و 9 شهر



السيارة حظ نصيب


up 0 down 0
kutre 400
قبل 6 سنه و 9 شهر



البوليسي يجي رقم شاصه p71 والاستخدام الشخصي يجي p75 و p74


اعتقد الكلام هذا قديم له ١١ سنة يومك تقول من ١٤٢٣ 
ولكن الان ممنوع استيراد سيارات الاجرة والبوليس 
ولكن ٩٠٪ من السيارات المستوردة الان تكون لشركات تأجير 


up 0 down 0
أبو عبد الله 2 341
قبل 6 سنه و 9 شهر



معروف ان البوليسي يصير عزمه افضل بكثير  لانه اصلا البوليسي  هو اصدار خاص للشرطه فلازم يصير قوة المكينه افضل واقوة

فلذلك  انا اشوف ان النقطة هذي من صالح خويك وماهي عيب بالسيارة عشان تغير وجهة نظرك بالمستورد


up 1 down 0
العامري دوت كوم 2 457
قبل 6 سنه و 9 شهر



ايه يلعبون بالتقارير ولاتشتري الامن شخص ثقة


up 0 down 0
رايق السيارات 590
قبل 6 سنه و 9 شهر