صديق بليز استخدم عقلك وشغل مخك شوي هههههههه
28
5
إضغط هنا للإخفاء
وش اللي صاير مع الشعب عندنا طايرين وكئن الواحد فيهم عنده قنبله بيروح يلحق يوقفها قبل ماتنفجر ههههههههه
طلعت صباح اليوم للشرقيه عشان ادور فورد وكنت ناوي ارجع فنفس اليوم اذا مالقيت شي طيب
فالطريق الا اشوف قدامي كذا سياره مغطين كم رقم من لوحاتهم ومسرعين وانا ماشي فحدود 140 130 المهم
قلت هذولي بيوصلون قبلي بس اكتشفت انه ماعندهم سالفه ولو استخدمو عقولهم لدقيقه وفكروا صح ماكان حطو لزقه على اللوحه
لانه قبل نقطة التفتيش يوقف وينزل ويشيل اللزقه واكون وصلت عنده ونوصل نقطة التفتيش ونمشي
بعد مسافه يرجع يوقف مره ثانيه ويحط اللزقات واكون انا قد تعديته بمسافه لانه توقف 3 مرات
مره قبل التفيش عشان يشيل اللزقه ومره عند نقطة التفتيش ومره بعد النقطه عشان يحط اللزقه واحسبو المره الرابعه عشان البنزين هههههه
طبعا يتقدموني وبعد فتره اتقدمهم لنفس السبب خخخخخخخخخخخ
طيب فالاخير دخلنا الشرقيه سوا ووصلنا فنفس الوقت
اذ انت تمشي 160 وانا امشي 140 بدون لا اوقف وانت توقف 3 مرات ويمكن المره الرابعه عشان تعبي
فليه مسوي نفسك ذكي وانك بتوصل بسرعه وانت في الاخير بتوصل بنفس توقيت اللي وصل وهو ماشي 140 !!! ياخي شغل مخك وفكر استخدم عقلك مدري هالناس شكلهم مايستخدمون عقولهم وحالهم مثل حال اللي اخذ قرض عشان يسدد قرض ويدخل نفسه فدين اكبر من اللي قبله مع العلم انه مافكر واستخدم عقله لو استخدم عقله كان عرف كيف يتصرف
مع العلم 140 لو شفت ساهر قدام يمديك تهدي لكن 160 ماتوقع تلحق
مع العلم انه وانا راجع لقيت نفس الشي كل شوي متجاوزيني وارجع اتجاوزهم مره ثانيه ووصنا الرياض سوا هههههههههه والله اني اضحك عليهم هم ولزقاتهم
اللي اقصده الحين الواحد فيهم ماوده يشغل مخه ويفكر فيها بدل مايتعب نفسه كل شوي وهو نازل يلزق ومره يشيل لزقه ومره يعبي ينزل لانه مسرع ويستهلك بنزين اكثر ههههههههههههه
يعني لو حسبها صح كان ريح دماغه ومشى 140 بس مدري وش اللي مطيرهم وكئنه فيه شي ياكل فيهم
فعلا صدق من قال انه الانسان لو يستخدم جزء من عقله ويفكر ماكان تعب فامور كثيره فحياته لكن مشكلتنا تفكير مافيه والعقل محد يستخدمه بس لزق وامشي
الشي الثاني وبرضه متعلق بالتفكير فعلا هناك ناس ماتفكر ههههههه والشرهه ماهي عليهم على اللي ينصحهم
الموضوع ومافيه احدى الصالات فالدمام كان فيه فورد مواصفات كامله توب التوب ونويت عليه بس يوم شيكت تحت لقيت الصداء اكل بطنه بشكل غير طبيعي وفيه لزقات تحت الصدام من بعد الرش باين انهم نسيو يشيلونها ههههههه
المهم جى واحد وقلب معاي وقال خلاص بشتريه !!!
قلت انت شفت بطنه ؟ ولا ماشفت !!!
ولو السياره فيها خير مابخليك تاخذه كان سبقتك عليها ...
قال لا انت شفتني معزم عليها وبشتريها وتبي تبعدني عنها عشان تشتريها هههههههههههههه
قلت اقولك تعال بوريك شغله
رحت للصدام الامامي وسحبت الشطرطون وكان عليه لون احمر من اثر الرش وقلت شوف هذا الشطرطون كانو حاطينه من بعد مارشوا الصدام ...
قال لا شكلك انت جايبه معك وتبي تخوفني !!!! يرحم امك والله لو اني ساحر عندك لكن الشرهه ماهي عليك الشررهه على اللي ينصحك
تدري اقولك اشترها بدون فحص ترى السياره نظيفه نظيفه لكن تاكد انك لو جيت تفك مسمار من تحتها راح ينكسر معاك من قوة الصداء مشيت وتركته ههههههههه
ياعالم ياهو ماهو راضي يصدق ماوده يشغل مخه كل ماجبتله عيب فالسياره قال تبي تكرهني فيها عشان تشتريها مع العلم انا كنت عندها في الاول وقادر احجزها قبله بس يعلم الله من شفت بطن السياره وانا غاسل مخي منها
فالنهايه مالقيت شي نظيف كلها مضروبه مدري التجار محد يلومهم والله دام فيه ناس تشتري سيارات مضروبه من عندهم وعلى كذا العتب مو على التاجر العتب على اللي يشتري وهو مغمض
اسف لو طولت عليكم بس مدري الناس وش فيها هالايام تناحه ولا ايش هههههه
إبلاغ
الردود
0
0
قبل 11 سنه و 9 شهر