أضف سؤال أو موضوع جديد          

عند الحاجة الى الميكانيكي

up 30 down 1
marwan699 5854
قبل 8 سنه و 9 شهر



السلام عليكم ورحمه الله وبركاته ..

من خلال تجاربي مع صيانة سيارات .. لاحظت أخطاء كثيرة (وجهه نظري أنها أخطاء وقد أكون مخطئاً) يقوم بها أصحاب السيارات..

1- ربما يأتي ليخطب بنت الميكانيكي ! - يتكشخ ويتعطر ويلبس أحلى لبس! ورايح على الصناعية ؟
هذا النوع بيغيرون له البواجي بـ 1000 ريال .. الحل \ أنك تروح بثوب نوم عشان مايحس الميكانيكي انك عندك فلوس ..

2- يحط السيارة في الورشة ويمشي !! - لو فرضنا ان السيارة تقطع فقط .. وتركتها للميكانيكي بدون ما تشوف أيش هو يسوي .. لو يكون بس فيش تعبان او مفصول .. بترجع تستلم السيارة ويقولك فكيت البخاخ ونظفته لك وبعضهم يجيب فواتير من أصحابه خلك مع سياراتك

3- أسمع صوت من المكينة !! - لاتقول قدام الميكانيكي هذه الكلمات الثقيلة - اسمع صوت من المكينة أو من القير - .. الحل \ قول له في صوت يجي من قدام او من تحت وهكذا

4- أذا عندك عطل كهربائي في سيارة نوعها جديد لاتروح لكهربائي عادي .. أفحص كمبيوتر

5- لاتدخل الورش لحالك .. وجود جماعة يجعل الميكانيكي أكثر حذراً في التعامل معك ومع سياراتك

6- لا تصلح قير الا عند محلات القيور فقط ..

7- أذا طلب منك الميكانيكي قطعة .. أكد عليه بحيث انه مايقول لك باقي قطع

8- حاول يكون عندك أحساس بتعبيرات وجه الميكانيكي ...

9- لاتبحث عن جنسيه الميكانيكي بل ابحث عن سمعته ... وكن حذرا من ان بعض النصائح تكون من شخص صلح سيارته عند ميكانيكي محدد وضبطت سيارته وينصحك تروح عند نفس الميكانيكي .. وهذا خطأ لان مو بضرورة انه سيارتك تضبط عنده .. لازم تكون سمعه الميكانيكي على مستوى المنطقة او الحي

10- صيانة الوكالة هي أقل خطر على سيارة من الميكانيكي العادي

----------------------------

هذا اللي عندي واتمنى انه مفيد :)

.. واتمنى من يمتلك أضافه ان يشاركها معنا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


جزاك الله خير...خصوصا النقطة الاولى اذا انت كاشخ يمحطك بالسعر واذا انت جايه وشكلك مبهذل يعطيك الصافي ولو تحن عليه بالسعر يطيح لك


up 7 down 0
ابوعبدالمحسن123 531
قبل 8 سنه و 9 شهر



يب كلامك سليم السليم أي واحد يبي يروح الورش لا يفر من عند موترة ولا يتكلم كثير ترا أغلب الميكانكين يدورون أي تغرة

على الزبون عشان يطلعون منه فلوس ؟؟ ولايك لك أخوي مروان .


up 4 down 0
أبو ميان . 154
قبل 8 سنه و 9 شهر



كلامك عين الصواب وانا لي خبره قويه فالسيارات اساله واخلي نفسي غشيم اعطاني الحل الي انا عارفه قلت وش يبغاله وكم يكلف قالي يبغاله كذا وكذا اقوله اروح اشوف في ورشه ثانيه وراجعلك واعطيته سبرنت لانه غشيم او يبغى ينصب وانا مبهدل كل الميكانيكين والبناشر بهدلتهم الى الكهرباء رجال اعرفه ثقه صاحب الوالد اكثر من 20سنه ماتكلم معاه مهما يكون بالسياره واكثر الخرابات يصلحها لي سلف


up 4 down 1
احمد شريف 3176
قبل 8 سنه و 9 شهر



وبرضو أول ما يقول لك مثلاً تركيب الفحمات 100 ريال 
على طول قول ليه سلامات أخوي الي جنبك ب 30 ريال بس عنده زحمة أو مقفل ورشته الحين 
تلاحظ على طول يسوي لك خصم 50 % 
الأسعار دائماً يبالغون فيها رغم في شغلات حتى البزر يسويها خصوصاً البرمجمة 


up 5 down 0
خالد 3000 838
قبل 8 سنه و 9 شهر



الله يعطيك العافيه 
كلام من ذهب
اصحاب الورش يستغلون مثل هذي المواقف
نسأل الله حسن الخاتمه.
مشكووووور.


up 2 down 0
latest news cars2012 218
قبل 8 سنه و 9 شهر



نصائح من ذهب 
بالنسبة لي اطبق النصيحة الاولى في اي شي مو شرط ورشة حتى محلات العطور الملابس بقميص النوم ودائما لاتشتري من اول محل خذ فره تسعيرة وقرر بعدها 


up 3 down 0
موووت احبك 1625
قبل 8 سنه و 9 شهر



يعطيك العافيه اخوي بصراحه موضوع حلوو وكلامك صحح هههههههههه واحلا لايكِ ^_*


up 2 down 0
ahmmad1234 628
قبل 8 سنه و 9 شهر



صراحه موضوع جدا رائع وشكرا على المعلومه القيمه بارك الله فيك


up 2 down 0
الحمدالله والله اكبر 58
قبل 8 سنه و 9 شهر



يازين المواضيع الي مثل تتسسسسذا ..

وكلام جميل جميل جميل و واقع خصوصا الي متكشخ هه ..

+1      :)


up 3 down 0
yazeed793 7883
قبل 8 سنه و 9 شهر



كلامك صحيح وعين العقل ... عندي تعقيب على اخر نقطه انه الوكاله لها الخبره وللاسف عن تجربه اكتشفت انه الوكاله ماعندهم سالفه وقد مره تسببو في خراب الدفرنس وعدمو وزنيته وصارت فيها مشكله كبيره وصلتها شكوى للاداره فدبي لحد ماغيرو الدفرنس كامل مثلا خويي معاه تورس ليتيمد وخرب فيها نظام السينك والوكاله ماعرفوا ايش سبب المشكله وقالوا خل سيارتك نتاوصل مع الشركه الام ونشوف وش المشكله خويي سحب سيارته وراح تواصل مع منتديات اجنبيه لسيارات فورد سئل عن المشكله وقالوا له انها مجرد فيوز تفصله 10 دقائق بعدين ترجع تشبكه عشان تعيد البرمجه وتنحل المشكله !!! والوكاله ماهم عارفين وش الطبخه خصوصا اخوي مروان السيارات الجديده بشكل عام صارت حساسه جدا وزادت التقنيه وصارت صيانتها صعبه ومعقده ومكلفه والله يستر من سيارات المستقبل محد بيعرف يصلح فيها شي


ابعد عن اليمني واي جنسية عربية وانت بخيييييييييييييييييييييييرررررررررررررررررر من وااااااااقع تجررررررربة ..!!


up 2 down 2
alwasee6 66
قبل 8 سنه و 9 شهر



شكرا للجميع الردود :) ولايك للكل +1
بالنسبة أخوي شاقح بس تظل الوكالة أكثر امان من الورش .. اليس كذالك؟


up 1 down 0
marwan699 5854
قبل 8 سنه و 9 شهر



نصيحه لوجهه الله بحكم تجربتي مع ورش كثيره لكثره شراء سياراتي او سيارات اصدقاء لاتقربون اي ورشه الي يشتغلون عرب ينصبون بالسعر دايما
وجربت الهنود والباكستانيه والفلبينين افضلهم بالشغل والسعر يكاسرك


up 0 down 1
nnna 1028
قبل 8 سنه و 9 شهر



موضوع رائع تستحق الشكر عليه .. ولك لايك


up 0 down 0
طلال666 2765
قبل 8 سنه و 9 شهر