أضف سؤال أو موضوع جديد          

الاستثمار بالزينة من الخارج

up 6 down 3
كروز_وبس 1042
قبل 8 سنه و شهر



يا أخوان ابي استثمر بالزينة اجيبها من امريكا وابيعها هنا بس ابي اعرف هل ربحها مضمون يعني ممكن الاقي اقبال شديد عليها ؟ أحد جرب قبل كذا ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


شوف اخوي اقسم بالله يافيها مكسب انا بديت اطقطق فيها ع الخفيف لاني ماعندي راس مال

باقي طالب واخذ من ابوي

شوف حصلت شاشه قيمتها هنا ب حدود 400 ريال او 450 وانا اجيبها من امريكا ب حدود 250 ريال مع كامل المصاريف

وفيه انوار اسعارها مايتعدى 50ريال بامريكا وبيعها هنا ب 250 ريال
والله يافيها مكسب

وعساك ع القوه يالغالي


up 2 down 3
المشيعلي 454 3368
قبل 8 سنه و شهر



والله واحد من العيال يقولي محلات الزينه فيهم مكسب عظيم بس جب معك عامل فنان وافتح محل ورزقك على الله


up 3 down 0
دحيم٧٧٧ 2205
قبل 8 سنه و شهر



اخيو كيف كنت تستورد ومن وين كنت تشتريها ؟ 


up 1 down 2
كروز_وبس 1042
قبل 8 سنه و شهر



معروفة زينة السيارات فيها مكسب



up 1 down 1
عمر عثمان 203
قبل 8 سنه و شهر



اخيو=اخوي 

ادري وانا في منطقة يلم عليها الشباب بالزينة و غيره والمحل موجود بس ابي اجيب القطع من الخارج لان لو جبتها من هنا بخسر فيها ابي اجيب اصطبات امامية وخلفية وابي اجيب شاشات وابي اجيب مسجلات وشاشات مقاعد واجهزة فحص سيارة وتظليل عازل و امور الزينة المعروفة والعامل موجود

واللي يعطيني معلومات عن طريقة الاستوراد و كيف الدفع والمصداقية له مني زينة ببلاش 


up 0 down 2
كروز_وبس 1042
قبل 8 سنه و شهر



من موقع امازون الامريكي

والوسيط هي شركه ارامكس للشحن عشان تشحن لك البضاعه من امريكا لين باب بيتك

ولازم يكون عندك بطاقه فيزا حقت الشراء من النت


up 1 down 1
المشيعلي 454 3368
قبل 8 سنه و شهر



اخوي كل شي فيه اكسسوارات ان شاء الله فيها مكسب طيب 
مثل اكسسوارات السيارات والجوالات والنسائيه والسباكه والكهرباء والاناره والاثاث المنزلي 
لان راس مالها بسيط ومكسبها كبير
بالنسبه لاكسسوارات السيارات الصينيه والتايوانيه الربح فيها مضمون شرط تركز على المطلوب بالسوق
استخير الله ثم توكل عليه وعليك بالصدق في التعامل مع الغير


up 0 down 0
dub_r-50 434
قبل 8 سنه و شهر



اخوي dub
انا والحمد لله رجال ما احب الغش ولا احب اللعب على الناس لا والله ولاكن ابي افيد واستفيد وانا اللحين استخرت والحمد لله ولاكن ادور كم شريك لي لاني ابي افتح محلات زيادة وانشاء الله بفتح ورشة و بصلح فيها السيارات ببلاش ما راح اخذ اجور اصلاح انت بس اشتري القطع وانا اخلي الفني يركب لك وببلاش ما ابي استغل احد 

الله يرزقني ويرزقكم من واسع رحمته 


up 1 down 1
كروز_وبس 1042
قبل 8 سنه و شهر



اخوي انا لي سنتين في هاذي الشغله والحمد لله شريت لي سيارة منها والله ان فيها مكسب ماتدري عنه ولا يدري عنه غيرك 




up 1 down 0
hamad2008 1557
قبل 8 سنه و شهر



اخي العزيز انا لي خبراء بالشراء من برا وابعطيك نصائح ..

اول شئ بعض قطع الغيار اللى تاخذها من المواقع الامريكا هي صينة ومع ذالك تاخذها بسعر تشوفه انت رخيص
لكن احسب دبلها بالشحن للذالك انصحك بالتوجهه للصين لان هي مصدر التوريد للاغلب قطع الغيار ونفس القطعة بامريكا تلقها بالصين طبعا ونصحيتي لك ياخي ركز على الصين 
وخاصه بقطع الغيار والزينة رخصيه مرة والشحن بتراب الفلوس الحاوية تقريبا تشيل 3 سيارات سعر شحنها 600دولار 
من الصين الى جدة (شحن عن طريق البحر).
طبعا تقدر تروح الصين انت بنفسك اذا كان راس مالك كبير وتختار الاشياء بنفسك وتدفع بنفسك اما اذا كان راس مالك ليس بكبير في مكاتب كثيره تسوي لك اللى تبغاه بس عليك انت فقط تتواصل مع المصنع 
وتشتري اللى تبغاه وبعد ما تتفق مع المصنع تكلم المكتب يجيب لك البضاعة والمكتب هو اللي يدفع للمصنع وليس انت طبعا  يطلب منك عربون ولم يجيك طلبك تدفع له باقي المبلغ +عمولة المكتب ...


واسال الله لك التوفيق.. 



up 0 down 0
الهايب
قبل 8 سنه و شهر