السيارات في المنتدى أغلى

صادق انت كلام ولعب كثير في ها الحراج في النت 

حتى تصدق واحد عارض هايلوكس ٢٠١١ ماشيه ٦٢ الف وحادها ب ٦٠ الف 

٦١ الف تجيب لي اصفار هايلوكس !٢٠١٢

لا ويقولك مخزن ماشية ماتين الف واحد يقولك بدي مرشوشه على نظافة احيانا السيارة مسيومة 15000الف ويجيك واحد ويسوم 19000الف ويطمع يعلق الي بيشترون الاسعار مرتفعة يرفعون الاسعار وذا حطة بسعر مناسب بخسوة 

الموقع يبغاله ذكاء 

الموقع يبغاله ذكاء وموكلمه تتصدق 

والله ياخوي أول أالناس كانت ترضى بربح 500 أو 1000 ريال واﻵن مايرضيها 5000 أو 10000 ألف ريال ألله يرحم ألحال.

والله صراحه اشوف اللي يعرضون سياراتهم ... اول شي ينزل مواترهم في المعارض بيشوف كم يجيب اذا ما جاب قيمه حلووه راح صور كم صووره يعرض في المنتدى ويحط السومه اللي يعجبه ... وبعضهم يعرض مورتره ويحط السعر اللي براسه لو تشوف سيارته في السووق اقل من كذا لو تجي تعانده تقوله موترك غالي يقول تبيها اهلا وسهلا ما تبيها خلها عندي من جد نفسيه

اللي يدور الربح مافي امل اشتري منه حالف اني ما اشتري من شريطي شاري سياره ويبي يترربح فيها لو ابشتري بشتري من شخص مستخدم ويبي يبيييع

اخوي العزيز الدنيا هاذي اهم شي نفسي نفسي ما فكروا فينا

ولاتنسى اللي يقول مرشوشه رش تجميلي وموديلها حديث

رش تجميلي رش تجميلي رش تجميلي

والله انك صادق زي واحد مره منزل اعلان بيع كامري ٢٠٠٨ ويقول السياره بودي بلد ونظيفه ولا فيها اي شي بس للامانه فيها حكه في الرفرف مع الكبوت ومرشوشه رشه بسيطه وكذلك الرفرف اللي فوق الكفر فيه ضربه ومرشوشه مع شويه معجون والسمكري غبي خرب الرشه 
ههههههههههههههه مدري وش يحس فيه راعي السياره مخدرات هاذي يابوي

انا انظر أول شي لحالة السيارة قبل السعر 

اذا كانت حالتها ممتازة كلمت راعيها بخصوص السعر 
لأن عندي قناعة ان النظيف سعره فيه 

وفيه ناس تعرض سياراتها في المواقع اعتقادا منها بان زبون الموقع مب مثل زبون السوق
عندهم ان زبون الموقع اسهل من الزبون الي يجيه في المعارض ومايدقق

وانا شطبت على السيارات المعروضة في المواقع لأن اغلب الي يعرضونها مايصدقون 
وصرت ما ادور الا لسيارات الشغل أو لزوم اعمالي الخاصة 
لكن سيارة استخدام شخصي اشتريها من المعارض احسن وافضل 

نسبه 80% من المعروض غير مناسب لان المعلن بالغالب لايوضح العيوب واعلانه ناقص ثم بعد ماتطق مشوار لعنده وتقوله ماذكرت هذا في الاعلان بكل بساطه يقول نسيت او صاحبي وضع الاعلان وياكثر ماضيعنا وقتنا مع هالعينات وكذب على قفى من يشيل يقولك انسامت بكذا وببجاحه يطلب من الله الزود وبحكم خبرتك بالسيارت وتطلع تشوفها تقسم يمين ان سومتها كذب ثم اغلب العالم طاحو برش تجميلي هاذي مدري شقصتها!!! يمكن بوية البلد ماعجبته ويكون الرش بسبب حكه او شخطه من لعب اطفال ويفكر المشتري عقليته مثل عقليته ضحله............لكن يوضح للمشتري الفاهم ان هالاعلان غير مناسب من خلال ثلاث مراحل: 1- صيغة الاعلان وكتابة قبل البدء بالاتصال عليه....بعضهم واضح اسلوبه بيتعبك فمن البدايه ريح راسك ووفر اتصالاتك 2- بعد الاتصال عليه بعضهم من صوته شريطي ومتمرس فحاول قدر الامكان انهاء المكالمه 3- بعد تعدي المراحل السابقه المقابله وحين ترى الشخص وتتحاور معه يتضح انه شخص طيب ومتسامح فاتفق معه على السعر والكيفيه بالشراء ولاتتردد اما الي شكله شبهه او غير متسامح فلا تحرص عليه

والله هو صحيح في موقع حراج أكثر المعروض غالي وحتى موقع مستعمل مبالغ فيها
خصوصآ دخل فيها أصحاب المعارض وتمر عليه الشهور بنفس سعره مايغيرها ..!!!
أنا عندي أشوف السيارة وموديلها في المعارض والصالات وأتاكد من أسعارها قبل كل شي
أنا قعدت اكثر من شهر أدور بين موديلات التاهو من ٢٠٠٨ لين ٢٠١٢ اعرف الفروقات وأسعارها
في معارض الشفا والنسيم بالرياض ماهو سهل الموضوع وأساسآ الاسعار طايرة شوفوا
الجديد كم يسوى من الوكلاء وشي طبيعي الزيادة بترجع على المستعمل ...