أضف سؤال أو موضوع جديد          

السيارات في المنتدى أغلى

up 6 down 4
أبو حمد1982 -56
قبل 9 سنه و 3 شهر



عندي ملاحظة
أولا تلاحظ أن الاسعار تفرق عن الواقع اغلى بكثير

وأغلب اللي يعرضون مالهم نية بيع  تلقاة يقول بينة وبين نفسة ان جابت قيمة ولا خليتها
ولو انحد فعلا على البيع بيروح للسوق بيلقى الزبون الجاهز

واللي يسوم ولا يشتري. يعلق راعي الموتر ويخرب على اللي يدور الموتر

والمشكلة بعض اصحاب المواتر يجيك يقولك البدي شرط بدي وكالة بس فية رش على نظافة
والثاني يقولك والله انها سالمة من السمكرة ماعدا البيبان والكبوت
واحد يقول جايتها سمكرة خفيفة ياخي هذا تحشيش

أيضاً المحركات سليمة بس القير يقر / المحركات سليمة والمكينة موظبة

أرجو الجدية في العرض وكذلك السوم وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صادق انت كلام ولعب كثير في ها الحراج في النت 

حتى تصدق واحد عارض هايلوكس ٢٠١١ ماشيه ٦٢ الف وحادها ب ٦٠ الف 

٦١ الف تجيب لي اصفار هايلوكس !٢٠١٢


up 3 down 1
دحيم٧٧٧ 2205
قبل 9 سنه و 3 شهر



لا ويقولك مخزن ماشية ماتين الف واحد يقولك بدي مرشوشه على نظافة احيانا السيارة مسيومة 15000الف ويجيك واحد ويسوم 19000الف ويطمع يعلق الي بيشترون الاسعار مرتفعة يرفعون الاسعار وذا حطة بسعر مناسب بخسوة 


up 2 down 0
محمد ال سلمان 820
قبل 9 سنه و 3 شهر



الموقع يبغاله ذكاء 


up 1 down 2
ولدجدة1 1238
قبل 9 سنه و 3 شهر



الموقع يبغاله ذكاء وموكلمه تتصدق 


up 3 down 1
ولدجدة1 1238
قبل 9 سنه و 3 شهر



والله ياخوي أول أالناس كانت ترضى بربح 500 أو 1000 ريال واﻵن مايرضيها 5000 أو 10000 ألف ريال ألله يرحم ألحال.


up 1 down 1
al-aziiz 640
قبل 9 سنه و 3 شهر



والله صراحه اشوف اللي يعرضون سياراتهم ... اول شي ينزل مواترهم في المعارض بيشوف كم يجيب اذا ما جاب قيمه حلووه راح صور كم صووره يعرض في المنتدى ويحط السومه اللي يعجبه ... وبعضهم يعرض مورتره ويحط السعر اللي براسه لو تشوف سيارته في السووق اقل من كذا لو تجي تعانده تقوله موترك غالي يقول تبيها اهلا وسهلا ما تبيها خلها عندي من جد نفسيه


up 3 down 0
سلطان 2009 315
قبل 9 سنه و 3 شهر



اللي يدور الربح مافي امل اشتري منه حالف اني ما اشتري من شريطي شاري سياره ويبي يترربح فيها لو ابشتري بشتري من شخص مستخدم ويبي يبيييع


up 1 down 1
شكلين مابحكي 3159
قبل 9 سنه و 3 شهر



اخوي العزيز الدنيا هاذي اهم شي نفسي نفسي ما فكروا فينا


up 1 down 1
سلطان 2009 315
قبل 9 سنه و 3 شهر



ولاتنسى اللي يقول مرشوشه رش تجميلي وموديلها حديث

رش تجميلي رش تجميلي رش تجميلي


up 1 down 1
شفاوي 14
قبل 9 سنه و 3 شهر



والله انك صادق زي واحد مره منزل اعلان بيع كامري ٢٠٠٨ ويقول السياره بودي بلد ونظيفه ولا فيها اي شي بس للامانه فيها حكه في الرفرف مع الكبوت ومرشوشه رشه بسيطه وكذلك الرفرف اللي فوق الكفر فيه ضربه ومرشوشه مع شويه معجون والسمكري غبي خرب الرشه 
ههههههههههههههه مدري وش يحس فيه راعي السياره مخدرات هاذي يابوي


up 1 down 2
ابو تالين17 21
قبل 9 سنه و 3 شهر



انا انظر أول شي لحالة السيارة قبل السعر 

اذا كانت حالتها ممتازة كلمت راعيها بخصوص السعر 
لأن عندي قناعة ان النظيف سعره فيه 

وفيه ناس تعرض سياراتها في المواقع اعتقادا منها بان زبون الموقع مب مثل زبون السوق
عندهم ان زبون الموقع اسهل من الزبون الي يجيه في المعارض ومايدقق

وانا شطبت على السيارات المعروضة في المواقع لأن اغلب الي يعرضونها مايصدقون 
وصرت ما ادور الا لسيارات الشغل أو لزوم اعمالي الخاصة 
لكن سيارة استخدام شخصي اشتريها من المعارض احسن وافضل 




up 2 down 0
naac 2387
قبل 9 سنه و 3 شهر



نسبه 80% من المعروض غير مناسب لان المعلن بالغالب لايوضح العيوب واعلانه ناقص ثم بعد ماتطق مشوار لعنده وتقوله ماذكرت هذا في الاعلان بكل بساطه يقول نسيت او صاحبي وضع الاعلان وياكثر ماضيعنا وقتنا مع هالعينات وكذب على قفى من يشيل يقولك انسامت بكذا وببجاحه يطلب من الله الزود وبحكم خبرتك بالسيارت وتطلع تشوفها تقسم يمين ان سومتها كذب ثم اغلب العالم طاحو برش تجميلي هاذي مدري شقصتها!!! يمكن بوية البلد ماعجبته ويكون الرش بسبب حكه او شخطه من لعب اطفال ويفكر المشتري عقليته مثل عقليته ضحله............لكن يوضح للمشتري الفاهم ان هالاعلان غير مناسب من خلال ثلاث مراحل: 1- صيغة الاعلان وكتابة قبل البدء بالاتصال عليه....بعضهم واضح اسلوبه بيتعبك فمن البدايه ريح راسك ووفر اتصالاتك 2- بعد الاتصال عليه بعضهم من صوته شريطي ومتمرس فحاول قدر الامكان انهاء المكالمه 3- بعد تعدي المراحل السابقه المقابله وحين ترى الشخص وتتحاور معه يتضح انه شخص طيب ومتسامح فاتفق معه على السعر والكيفيه بالشراء ولاتتردد اما الي شكله شبهه او غير متسامح فلا تحرص عليه


up 1 down 1
fvcdh 98
قبل 9 سنه و 3 شهر



والله هو صحيح في موقع حراج أكثر المعروض غالي وحتى موقع مستعمل مبالغ فيها
خصوصآ دخل فيها أصحاب المعارض وتمر عليه الشهور بنفس سعره مايغيرها ..!!!
أنا عندي أشوف السيارة وموديلها في المعارض والصالات وأتاكد من أسعارها قبل كل شي
أنا قعدت اكثر من شهر أدور بين موديلات التاهو من ٢٠٠٨ لين ٢٠١٢ اعرف الفروقات وأسعارها
في معارض الشفا والنسيم بالرياض ماهو سهل الموضوع وأساسآ الاسعار طايرة شوفوا
الجديد كم يسوى من الوكلاء وشي طبيعي الزيادة بترجع على المستعمل ...


up 1 down 0
th_otaibi 338
قبل 9 سنه و 3 شهر