أضف سؤال أو موضوع جديد          

مواقف المعاقين من يحتلها

up 18 down 1



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم حاب أتناقش وياكم بموضوع مهم جداً !!!!! و للأسف كثير منا لم يُعر هذا الموضوع شيء
من الإهتمام لأنه بكل بساطة مُعافى و بكامل صحته و لم يجرب (الإعاقة) !!!! نعم أحبتي موضوعي اليوم عن المواقف المخصصة للمعاقين
و إحتلالها و الوقوف فيها بغير وجه حق من بعض الناس الذين عافاهم الله و أسبغ عليهم لباس الصحة و العافية !!! و لكن البعض منهم يتكاسل
في المشي لبعض الأمتار , وهو يعتقد بأن ذلك شاق و مُجهد !!!! طيب ما فكرتً في الشخص المعاق و اللي يعاني أضعاف المشقة و التعب اللي
يصيبك لو أخذت مكانه ؟ يا اخوان للأسف والله إننا نكون مُدعين لثقافة السماحة و العطف و الرحمة بيننا كمسلمين , و لمًا نروح (مول) أو (مطار)
أو (وزارة) إلخ ... و نتسابق على مواقف المعاقين عشانها أقرب و تكون فاضية في كثير من الأوقات , أنا والله ما أمدح بنفسي لكني مستحيل أوقف
أو أفكر حتى آخذ موقف معاق و أنا ولله الحمد بكامل صحتي , بالعكس حتى لو بعدتً السيارة آخذ رياضة و أحرك رجولي شوي , للأسف بالدول
الغربية يهتمون بالمُعاق بشكل ما تتصورونه !!! حتى إن بعض الشباب لمًا أسولف عليه عن المزايا اللي يحصل عليها المعاق يقول: أتمنى أكون 
معاق من كثر ما يهتمون فيهم بأشياء كثيرة !!!!! يدعمونهم بتجهيزات سيارة إعاقة مجاناً , ياخذون خصومات من المحلات التجارية , تُصرف
لهم رواتب و إعانات محترمة , لهم إسثتناءات في التعليم و التوظيف إلخ ... و حنا موقف سيارة و حاسدينهم عليه !!!!!! أتمنى يا اخوان لو كنت
أحد الأشخاص اللي تستحل مواقف المعاقين تترك هالشي لأنه ما وُضع لك , أو إذا شفت شخص يستحل موقف معاق تنصحه و تنهاه عن هالشي
و في الختام أشكركم على حسن المتابعة و سامحونا على الزلل و القصور لو حصل منا .

همسة:( أسعد بمشاركتك و أستفيد من إضافتك و توجيهك , فلا تحرمني يا عزيزي من تواجدك في موضوعي البسيط)

محبكم && أبو طــــــــــلال
 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تسلم على الموضوع ابو طلال وترجع المشكله إلى ثقافة الناس وإحترامهم للغير وترجع أيضا للمرور في عدم متابعته للمواقف وتنضيمها

ويوم تشوف الناس أصلا توقف غلط تغسل يدك أنهم يتعلمون النظام أبو طلال إذا تبي تشوف الناس اللي توقف صح روح لدبي وتعرف 

معنى الوقوف بإنتظام على الرغم أن أكثرهم أجانب بعكس الأجانب اللي عندنا أخذوا ثقافتنا في القياده السلبيه وعدم إحترام القواعد


up 4 down 0
ابــو ســنــد 10639
قبل 6 سنه و 8 شهر



أخوي إبراهيم التركي << فعلاً معاك حق المرور نايم بالعسل لكن الشكوى لله و الصورة اللي أرفقتها خير مثال

المتألق أبو سند << هذي المشكلة لا صار الأجنبي اللي نعايره و نستهزئ فيه أحسن و أرتب منا بس العشم باللي مثلك و شرواك
يغيرون الصورة السيئة

شاكر مروركم ^^


فيه فكرة سهلة مطبقة في اميركا
وهي يحطون في لوحة سيارة المعاق او كبير السن الي ما يستطيع المشي علامة او رسمة
عربية المعاق 
فاذا وقفت حتى وانت مب عند السيارة معروف من الشعار الي باللوحة انه مصرح لك توقف
بمواقف المعاقين

واذا وقفت ولوحة سيارتك مافيها علامة العربية حقت المعاقين ع طول تتكلبش سيارتك
و تدفع غرامة و تتبهذل و تتحسف ع وقفتك و تتمنى لو وقفت بعد كيلو وجيت مشي ولا صار
لك الي صار

واذا ما شافك البوليس الناس الي مارين يدقون ع ٩١١ و يبلغون و دقيقة و البوليس جاي

هذا اذا ودنا نطبق النظام بس للاسف الدعوا سمردحة


up 2 down 0
abo riman 697
قبل 6 سنه و 8 شهر



هذا تخصص المرور


up 1 down 0
محمد ال سلمان 816
قبل 6 سنه و 8 شهر



يعتقد المعاق فكرياً ان باستطاعته الوقوف بمواقف المعاق جسدياً يجب تنبيههم .




up 5 down 0
abdullah allh allh 54
قبل 6 سنه و 8 شهر



من شفت سيارة الامن العام واقفه في موقف المعاقين وانا غاسلن يدي من هالديرة 


up 5 down 0
naac 2389
قبل 6 سنه و 8 شهر



الشعب السعودي مع احترامي لكم ماينفع لهم الانظام صارم عشان يمشون زي الاف
معن غفيه ناس تحترم وتقدر ومافيه زيها لكن الردي اكثر من الطيب 


مشكووور والله يجزاك خيرعلى الموضوع
 وهذا صحيح للأسف ظاهرة منتشرة ولابد علينا ان نحترمهم وكل واحد يحط نفسه مكانهم حينما تنتهك حقوقك
وش راح يكون شعورك وقتها!!.


up 2 down 0
حازم الفريدي 54
قبل 6 سنه و 8 شهر



جزاك الله خير الله يعطيك العافية طبعا بعض الناس ماعندة تفكير وغيرة في ذوي الاحتياجات الخاصة لاكن الله لايبلانا

ويشفي كل كريض مسلم على وجة الارض ... تسلم أخوي جمالك يازين حلاتك ولك لايك .


up 3 down 0
مستر بن . 10375
قبل 6 سنه و 8 شهر



الله يعطيك العافيه على الموضوع الرائع
لك لايك




up 2 down 0
speed for ever 3705
قبل 6 سنه و 8 شهر



اعجبتني عبارة تقول

(اذا اردت ان تاخذ مكاني .. فخذ اعاقتي !!)


up 4 down 0
w1w1 2204
قبل 6 سنه و 8 شهر



تسلمون حبايبي على المرور العطر لا هنتم , شكراً لكم و أتفق
مع كلام الاخوان إن المعاقين للأسف مهمشين !!! المشكلة اللي بصحتهم و عافيتهم مهمشين فما بالك بذوي الإحتياجات الخاصة ؟ شكراً لكم و منكم نستفيد .