أضف سؤال أو موضوع جديد          

فقير وسيارته فارهه كيف طيب

up 15 down 16
كبار الشخصيات -18
قبل 6 سنه و 3 شهر



تحيه

ونا جالس بالبيت لحالي جاني سؤال وقلت أخذ رأي الأحباب هنا .. وش رأيكم في اللي يقترض من البنك عشان يشتري سياره فارهه وراتبه بسيط جداً وغير متزوج ويسكن بالإيجار ؟؟ 

انتظر كم ومرحبا مليون 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت اخوي 

والله اني اعرفهم ماخذين سيارات بقروض واقساط وفي اخر الشهر مايحصلون بنزين 


وواحد منهم ماخذله قرض من البنك وراح قدمه في شركة تقسيط ويقسط باقي قسط السياره 

ونصحته وكلمته وسار يتضايق من كلامي له 

سحبت عليه وقلت في حريقة وليه اضغط نفسي عشان شخص سربوت 

زعل مني لكن خويي والله اني مأرضاله المهانه 


up 13 down 15
راااضي 2531
قبل 6 سنه و 3 شهر



الامر يختلف بحسب الحالة 

يعني لو شاب موظف وراتبه بين الـ 4000 والـ 5000 وساكن مع اهله ولا حوله نية زواج في وقت قريب
محد يقدر يلومه لأن ماعنده مسؤوليات زايدة 
يعني ماعنده مشكله لو عاش على 2000 أو 3000 ريال من راتبه وهو بهالحاله 
مع انه من الافضل انه يستثمر القرض على الاقل في شي يستفيد منه 

لكن لو واحد متزوج أو قائم على بيت ويكد عليهم وساكن في اجار وعنده درزن بزران
 ويروح ياخذ لي قرض عشان يشتري سيارة 
في هالحالة بقول انه غلطان وستين غلطان 

لأنه اهتم بالكماليات اكثر من الاولويات الي هي بيته ومصروف عياله أو الي يعيلهم اخوانه او امه او ماشابه 

يعني مب مجبور اشتري سيارة بقرض واخنق نفسي عشان اتمتع في سيارة بـ 150 ألف ولا 200 ألف
واعيش اهل بيتي في ضيم 

واحلى لايك 




up 19 down 1
naac 2389
قبل 6 سنه و 3 شهر



عايدي جداً...
أصلاً ما بأيادينا حيلة..يعني ما فيه أي مجال إني أرفه عن نفسي وأطنخ إلا عن طريق القرض..والقرض هذا بأحطه في سيارة...لأن ما فيه فرصة إني أطلع قرض وأشتري بيت أو أطلع قرض وأشتري مثلاً شقة..أو حتى أطلع قرض وأشتري قطعة أرض 15*15 في وقتنا الحالي..إذا كان الشقق التمليك وصلت أسعارها لـــ450 وأنت طالع..الأراضي صارت أرخص أرض في أتفه موقع ما تقل عن الـــ150 ألف..لذلك خلني أحسس نفسي إني سويت شيء
حلو في حياتي واشتريت سيارة..

أدري
إني شطحت بس هذا حال الشعب في الفترة الحالية والفترة المستقبلية..شكراً يا كبار الشخصيات


up 6 down 0
sultan-07 2436
قبل 6 سنه و 3 شهر



نص الشعب كذا  قرض ولااقساط 


up 6 down 1
ولدجدة1 1238
قبل 6 سنه و 3 شهر



سلطان فيه ناس عندها تفكير اقتصادي وتخطيط بعيد المدى 

اعرف لك واحد طلع قرض وتسلف من كم واحد وجمع له مبلغ حول 200 ألف وشرا ارض في حي الأمانة في الرياض 

الكلام هذا عام 1421 أو 22
وقعد يسدد الديون 10 سنين وضاغط على نفسه وعلى زوجته 
حتى أنه خلف ولد واحد واتفق مع زوجته انهم يربطون الحزام شوي لين تنفرج 

وسبحان الله 
طلع قرض صندوق التنمية وبدا يبنيها العام الماضي 
وهو تقريباً في المراحل النهائية الآن ماشاء الله 
الله يبارك له ويوفقه

12 سنة تقريباً وتملك بيت 
وسدد قرض البنك الي ماخذ منه
وسدد 70 % من باقي ديونه 

وما بقى له الا قرض الصندوق 

الحياة صعبه والاوضاع أصعب 
لكن التفكير المستقبلي مهم جداً 

والحياة يبيلها جهاد وتعب 
وكل شي بأجره عند الله 


الله يوفقنا واياكم لما فيه خير الدنيا والآخره


up 10 down 0
naac 2389
قبل 6 سنه و 3 شهر



هاذي مشكلة اللي رجليه اطول من غطاه /// والله يا اخوان فيه زميل لي حق فشخرة زايده حلف لي بالله انه يبقى من راتبه 300ريال وهو متزوج وراتبه 10آلاف ريال آخر شيء ودى بزرانه عند اهل زوجته وسكن مع عزاب /// عموماً اذا كان مع الواحد مجال لابد أن يكافيء نفسه بما يحبه حتى يشعر بالرضى النفسي ولا يفكر بغيره


up 5 down 0
ابو راكان تبوك 955
قبل 6 سنه و 3 شهر



بس في حدود المعقول ولابد ان يضع خطة قوية لمستقبله


up 2 down 0
ابو راكان تبوك 955
قبل 6 سنه و 3 شهر



مد رجلك على قد لحافك وراح تعيش حياه شريفة بس فيه ناس مايفكرون الى في فلتهم 


يا رجل من قوت الطفره في نص الشهر مايمشي فييه عشان مامعه فلوس البنزين



up 2 down 0
الــشــامان 498
قبل 6 سنه و 3 شهر



على حسب فيه ناس يضطر يشتري 
اقساط لأن ماعنده سيارة او سيارته قديمة
اما إلي يطلع سيارات عشان تشوفه هذا يستاهل
إلي يجيه


up 4 down 0
mohammed shareef 973
قبل 6 سنه و 3 شهر



تشوفه الناس تصحيح ####


up 3 down 0
mohammed shareef 973
قبل 6 سنه و 3 شهر



الخلاصة كنا نتريق على بلاد الجوار 
واصبحنا اتعس منهم 
كلنا اخذنا قروض وكلنا علينا السداد 
اللهم ارحمنا برحمتك
لكن كل انسان واهتماماته في حاجياته


up 2 down 1
ابو عبدالله احمد 3410
قبل 6 سنه و 3 شهر



^^^^^

ابو عبدالله احمد 


سبحان اللي على لساني قلته

كنا نضحك عليهم يوم يشترون التلفزيون تقسيط
اللحين سرنا اخس في ناس تتقسط الجوالات


الله يعين على هالحال 

نظره للماضي

مر على المملكه خلال ٣٠ سنه طفرات 

في عام ١٤٠٠


وبعد ازمة الخليج



وفي عهد الاسهم قبل الثلاثاء الاسود خخخخخ


من زمان وتمر فرص على البشر فيه من يستغلها بالفله 
وفيه من استغلها للتفكير البعيد
لاحظوها بانفسكم واهاليكم 

فيه اللي بدا من الصفر واللحين راعي مؤسسة او معرض او عماير شقق

وهكذا. احرم نفسه عشر سنوات وارتاح بالاخير واللي حوله مرتاح

وفيه من فلها بعشر سنوات 

واللحين لبيت ايجار والبزارين ماليه البيوت والحاله حاله والعمر كبير والتقاعد قريب

الله يصلح الحال 

تنظر الى البعيد من الناس
لكن التفت بالقريب بالاعمام والخوال
وابناء العموم وكذلك ابناء الخوال والخالات

وتشوف بعينك اللي اقوله




up 5 down 1
مدرس عاطل 25
قبل 6 سنه و 3 شهر