مغناطيس قوي لـ سيفون فلتر زيت المكينه .. مهم جدا لا يفوتك

السلام عليكم ورحمة الله وبركاته

فيه شركة أسمها FilterMAG تصنع مغناطيس لـ ( سيفون أو فلتر زيت المكينه - كارتير زيت المكينه والقير الأوتوماتيك والخ... ) لكن مشكلتها أسعارها غاليه ولازم طلبيه من الخارج
http://www.shopfiltermag.com/products.php

وظيفة المغناطيس يمسك الرايش ( برادة الحديد ) لأنه لو راح للمكينه أو القير .. بيسوي لها مثل الصنفره وبالتالي يزيد التآكل ...

والرايش ( برادة الحديد ) تنتج من الإحتكاك

والمغناطيس القوي جدا , يمسك الرايش ويقلل التآكل والإحتكاك

طبعا فيه شيء خارج عن إرادتنا لو مهما سوينا .. التآكل الطبيعي .. ونسبة الاحتكاك داخل محركات السيارات

وشركات صناعة السيارات ما يسون لك مكينه احتكاكها قليل جدا , او الرايش يكون فيها قليل جدا
لأن اذا صار الاحتكاك والرايش قليل ... بتدوم المكينه والقير والخ... لمده طويله جدا و بأفضل أداء ممكن
وشركات السيارات راح تخسر

لكن اذا صار عمر السياره أقل .. الناس بيشترون سيارات أكثر وبيغيرون سياراتهم كل فتره معينه وبيربحون من قطع الغيار والخ... و بيزيد ربح شركات صناعة السيارات

المهم نرجع للمغناطيس
المغناطيس لازم يكون قوي جدا عشان يمسك الرايش ( برادة الحديد ) لأنه اذا ما كان قوي جدا .. قوة ضغط وسرعة الزيت راح تتغلب على قوة المغناطيس .. وبالتالي ما راح يقدر يمسك الرايش (برادة الحديد) وراح ينطلق الرايش المتجمع في وقت واحد وبكميه كبيره .. وممكن يكون الضرر أكبر وأكثر من أن السيفون يكون بدون مغناطيس

لكن شركة FilterMAG عندها مغناطيس بقوة وأحجام مختلفه :

# مغناطيس لسيفون المكينه :

أحمر قوي جدا .. للسباقات و الشاحنات التي تعمل بالديزل والسيارات التي تعمل بظروف شاقه جدا جدا مثل السباقات والخ...
وسعره 89$ دولار يعني 333.75 ريال سعودي (( غير شامل تكلفة الشحن والخ... ))

الأسود أضعف شوي من الأحمر وسعر الاسود $60 دولار يعني 225 ريال سعودي (( غير شامل تكلفة الشحن والخ... )) .. للسيارات و الشاحنات الخفيفه

# مغناطيس للقير :

أحمر بـ $58 دولار .. يعني 217.5 ريال سعودي (( غير شامل تكلفة الشحن والخ... ))

طيب كيف تعرف المغناطيس المناسب لسيفون سيارتك .. أنا أقولك كيف :
1) تشتري 1 سيفون أصلي من الوكاله
2) تمسكه وتخلي فتحات الزيت للأعلى وتقيس من جهة فتحات الزيت .. قطر السيفون
3) تقيس قطرDiameter السيفون بالأنش .. طبعا تقيسه من جهة فتحات الزيت .. لا تقيسه من جهة مفك السيفون
وراح تعرف مقاس المغناطيس المناسب
أو تدخل على موقع الشركة وتدّخل نوع وموديل سيارتك والخ...
ثم يعطيك المغناطيس المناسب لحجم سيفون سيارتك
http://www.shopfiltermag.com/

مغناطيس القير تحطه خارج كارتير القير .. يعني تلصقه من الخارج
أغلب قيور السيارات فيها مغناطيس بالكارتير وصرة زيت القير
يعني ما يحتاج تشتري مغناطيس من شركة FilterMAG

لكن سيفون (فلتر زيت) المكينه .. مافيه مغناطيس

* معلومه مفيده

سيفونات السيارات فيها صمام bypass valve .. الصمام هذا يفتح ويسمح بمرور الزيت بدون فلترته :

1)عند بداية تشغيل السياره وهي بارده .. عشان يكون مرور الزيت اسرع .. يفتح الين تتزيت المكينه
2) اذا كان فلتر الزيت متوسخ و مسدود .. يسمح بمرور زيت متوسخ وفيه رايش .. أفضل من ان المكينه تكون بدون زيت .. الصمام يكون مفتوح بشكل مستمر
3) المقاومات العنيفه جدا و القيادة على RPM عالي جدا قريب جدا من الأحمر أو التفتفه .. الصمام هذا يفتح بشكل متقطع يعني غير مستمر

وممكن يفتح أيضا في حالات أخرى

فيديوهات عن المغناطيس
https://www.youtube.com/watch?v=dmDURkmM_uo
https://www.youtube.com/watch?v=CCimcP-i7bY
https://www.youtube.com/watch?v=V2ISh-abGf8
https://www.youtube.com/watch?v=JjNQsuTez4Q
https://www.youtube.com/watch?v=YlLY3AQkNGQ