أضف سؤال أو موضوع جديد          

ما خاب من إستشار عن الجينيسس

up 10 down 1



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , موضوعي اليوم هو طلب إستشارة من الإخوان عن (الجينيسس) صاحبي إستشارني
عن السيارة و للأمانة أنا ما أعرف عنها شيء , خبرتي بسيطة في السيارات الكورية , و لكن أنا قلت له: ما عليك إزهل الموضوع
أنا راح أستشير النشامى بالمنتدى وبإذن الله ما يقصروًن  و أرد لك خبر , طبعاً هو ما قد جرب أي سيارة كورية و لكن شدتً إنتباهه
لمًا شافها في الوعلان قسم المستخدم 2009 نص فل ماشية 35 ألف لقاها معروضة ب 90 ألف , طبعاً أنا ما أعرف عن سعرها هل
هو مغري (لقطة) أو سعرها الطبيعي !!! طبعاً بعيداً عن (سمعت) (يقولون) (اللي أسمع فيه) (اللي إنذكر لي) إلخ ... أنا أبغى مشورة
شخص قد جرب الموتر أو يعرف أحد شخصياً إستخدمه لأن والله يا اخوان المشورة أمانة و ما أبي أنحرج من الرجًال , و فهمكم كفاية
لذلك أنا إستفساري له شقين:

1/ هل سعرها يُعتبر لقطة أو سعر عادي و ما فيه إغراء ؟

2/ هل هي عملية أو متطلبة ؟ صيانتها سهلة أو صعبة ؟ ترتقي لمصاف السيارات الفارهة أو بس شكل ؟ 
يعني أبغى إنطباع كامل عن السيارة بشكل عام لأن بصراحة أنا ما عندي أي خلفية عنها و أتمنى يا اخوان
إن الإستشارة تكون بعيدة عن (سمعت) (يقولون) لأن بصراحة هالكلام ما يوكل عيش !!! طبعاً أنا أذكر
أحد الاخوان نزلً موضوع عن تجربته للجينيسس بس ما أذكر الموضوع بالضبط لذلك أتمنى من أي
أحد من الاخوان يطرح خبرته و معرفته للسيارة إن وُجدت و أكون له من الشاكرين بالنيابة عن صاحبي.

محبكم && أبو طــــــــــلال








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلا حبيبي إبراهيم , على ما أعتقد 8 سلندر طبعاً خالية من الحوادث و الرشات و اللي مدحها له قريبه يشتغل في قسم المستخدم لوكالة الوعلان .


شف ياحبيبي 2009 كانو وكلائنا يجبون منها 8 سلندر و6 سلندر

لاكن ال8 كانت تجي بماوس و13 ارباق او أكثر وجميع أنظمة الامان يعني كانت تجي بمواصفات كاملة !!!

وإذ ممشاها صحيح فأنا أشوف انها لقطة

لان شفت موديلات 2009 تباع على 91 وماشية في الستين

وأكثر الي جربو الجنسيس يقلون العزل فيها أفضل من اللكزس تقريبا مساوي للسيارات الالمانية تتخيل

وأسأل ملاكها وتلاقي الجواب الصحيح لان هنا بيجي من يكذبني وأنا متأكد


up 10 down 2
ls caprice 2078
قبل 6 سنه و 8 شهر



أشكركم يا اخوان على التفاعل , و الصراحة أنا طرحت هالموضوع عشان أقدر أفيد الرجالً , لأنه هو من النوع العجول لو شاف أي شي و عجبه على طول يشتريه !!! بس أنا قلت له يصبر شوي لين ما أستشير أهل الخبرة و المعرفة , شاكر مروركم .


شف ياغالي انا ماجربته بس ركبت مع واحد معه جينسس 2010 ومسكنا به خط على طريق الدمام اذهلني فيه شيء صراحه
قمه وهو العزل بلا مبالغه صراحه 10/10 على سرعات عاليه ..


up 6 down 2
الالنتراوي 5152
قبل 6 سنه و 8 شهر



انا املك جنيسيس 2013 سياره حلووه وممتازه جدا وعزل خارجي ممتاز وسياره ناعمه مع المطبات والحفر سياره سلسه واي استفسار عن الجنيسيس ابشر


up 10 down 1
azam690 86
قبل 6 سنه و 8 شهر



نصيحه يالاخو ابعد عنها. 
والله ماعلمك غير بالصدق واحد من خويانا. 
معه٢٠١٣. وصدم صدمه بسيطه جداً اقتصرت عاى الصدام
والشمعه. 
وراح يسعر بالوكاله لقى الشمعه قيمتها٤٧٠٠
وتطلب من كوريا وتجي بعد ٤٠ يوم.  


up 3 down 2
الشمـــالي 1214
قبل 6 سنه و 8 شهر



خذلك سوناتا. 
ممتازه جداً وياكثرها بها الشوارع. 


up 1 down 2
الشمـــالي 1214
قبل 6 سنه و 8 شهر



اللي مدحها واحد شغال فالوكاله 

ولاتاخذ كلام اي موظف لانه فالنهايه هو يبغى يصرفها

واذا تبي الخبر الاكيد

روح قطع الغيار واسئل عن اسعار قطعها

وادخل منتدى هونداي واسئل مجربينها 


توكل على الله وخذها الجنيسيس سيارهـ تطربك وتعجبك وان شاء الله ماراح تندم


up 4 down 0
hattanatnt 127
قبل 6 سنه و 8 شهر



لو كانت ٦ سليندر او ٨ سليندر سعرها مغري جدا 

والجينسس تبيها كشخه سرعه رسميه خدومه 


up 3 down 0
دحيم٧٧٧ 2204
قبل 6 سنه و 8 شهر



خيااار موووفق ، واذا جديد بـ 90 غير الماليبو والسوناتا v4 مافي .....
وانا معرف عنها الا اسمها ، و ارشح 430 ممشاها اقل من 140 ،، أو تورس شووو


up 0 down 0
aziz..747.. 2423
قبل 6 سنه و 8 شهر



ان بغيت النصيحه فاقول ابعد عنها اولا صح هي سياره حلوه بس فيه مشكله اعتبرها كارثه ضمانها بقي عليه كم شهر او سنه بالكثير عشان كذا المهم هنا قطع الغيار يا اخوي هذي فل 8سلندر تجي هيدروليك انا ابي منك شي واحد بس مر القطع واطلب مساعد واحد شف كم قيمته خويي عنده نفس السياره والموديل يقولي المساعد ب 7500 ؟؟!!!!! ليه البانوراما ارخص الشمعه حول 5000 القطع جدا جدا جدا غاليه عليها هي حلوه بس مبالغ فيها اذا ناوي بهالسعر يدفها 30 الف وياخذ بانوراما 2006 اجود وافخم وافضل ويمسك سعر اكثر وقطعها معقوله لفئتها اذا هو مابيقدر عالبنز يشوف له غيرها بس جنسس حرام حتى سعرها يطيح


up 1 down 0
adil ali 1741
قبل 6 سنه و 8 شهر



أشكر الجميع على التفاعل في الطرح و إسداء النصايح , و بالحقيقة أنا ذكرت لصاحبي بأن الشباب يمدحون السيارة و لكن قطعها مبالغ فيها إضافة إلى قُرب إنتهاء الضمان , أشكركم جداً على التفاعل , بيضً الله وجيهكم لا عدمناكم , محبكم: أبو طـــــــــــــــــلال


خذها ولا تشاور سيارة لا يعلى عليها


up 1 down 1
albrufesoor 2100
قبل 6 سنه و 8 شهر



سياره ممتازه جدا جدا بس ابعد عن اللي فيها هيدروليك وبس


up 0 down 0
هتلر gahmd 2
قبل 6 سنه



سلام ياشباب  الله يعطيكم العافيه ناوي على جينسس 2015 بس خايف اتووورط 
تكفون ابي واحد مجربها 


up 0 down 0
الهلالي 122
قبل 4 سنه و 10 شهر



علما باني بستخدممها خطوووووووووط طويله جدا


up 0 down 0
الهلالي 122
قبل 4 سنه و 10 شهر