أضف سؤال أو موضوع جديد          

مسيوم قبل كذا والحد قريب .. من اللي سامه ...

up 6 down 4
كروز_وبس 1042
قبل 8 سنه و شهر



بسم الله الرحمن الرحيم 

السلام عليكم ورحمة الله وبركاته 

اخواني كيفكم عساكم تكونون بخير وبصحة وعافية 

طبعا نحن هنا في موقع اسمه حراج وهو شامل لكل شيء وأكثر شيء يهتم به الموقع السيارات 

طبعا الكل يبي يعرض السيارة وفي باله سعر البيع ومايبي يتنازل عن حده فيه 

في أسئلة تدور في بال المشتري وقت السوم في الموقع والبائع يجاوب على كل سؤال او نقص 

ولاكن ؟ في أحد يسوم شيء ماشافه ؟ ( جوابوا على هذا السؤال ) 

الكثير يعرض سلعة ما لها صورة ولا مصداقية ولاحتى رقم للتواصل ويبيع من خلال الخاص وفي الأخير يكون المشتري هو الضحية 

كيف يكون ضحية لبائع ؟ 

1- سلعة غير موجودة من الأساس تباع على انها موجودة والمشتري يقوم بالدفع وبعد مدة لا يعرف ان السلعة غير موجودة .
2- سلعة ثمنها في السوق جديد معروف فيقوم البائع ببيع سلعة مستخدمة على أساس انها جديدة بسعر المعروضة بالسوق الجديدة .
3- يقوم بمعاينة السلعة في الصورة على اساس انها للبائع وفي الأخير يجد أن السلعة المعروضة ليست للبائع وهو مجرد معلن .
4- يعرض البائع السلعة في الموقع بالسعر والمعلومات والصور ورقم الاتصال ولكن وقت الجدية في البيع يتنازل البائع عن البيع بحجة أن السيارة قد تعدت الحد المذكور في الموضوع لكي يلبس المشتري قيمة سيارة جديدة قد فكر فيها البائع لكي لايدفع فرق وقت شرائه للسيارة الجديدة .
5- يذكر البائع أن السيارة قد تم تسعيرها قبل هذا في الموقع على الخاص بسعر كذا دون ان يذكر حد البيع ويتحجج بأن الحد قريب ونتفاجئ بأن سعر الحد يتعدى المعقول .

هناك اسباب كثير توقع المشتري ضحية لبيع سلعة رخيصة + غير موجودة وقد وقع وللأسف ضحايا كثيرون في هذا لموقع بسبب سلع غير موجودة قد دفعوا قيمتها دون رؤيتها 

بخصوص خبرتي في إدارة الأعمال سأقوم بوضع نصائح للجميع وقت شراء سلعة من الموقع :

1- لا تقوم بتسعير السلعة .
2- ابحث عن السعر الحقيقي للسلعة قبل شرائها وذلك بتصفح المواقع او سؤال احد المحلات سواء كانت سيارة او غيرها قبل شراء هذه السلعة .
3- تسليم النقود للبائع بعد معاينة السيارة وعدم التعامل من بعيد الى بعيد .
4- عندما تقوم بتسعير سلعة فأنت جاد بالبيع ولا تريد بخس السلعة بوضع رقم جوالك او اي طريقة اخرى للإتصال و ذكر الجدية تعني أنت جاد وتريد معاينة السلعة للتأكد من وجودها وهل هي تستحق هذا السعر .
5- دفع رسوم البيع للموقع لانه قام بمساعدتك في البيع او الشراء وهذا حق له و نسبته 1% تعني انها نسبة قليلة جدا بالنسبة للموقع الأخرى التي تجعلك تدفع نسب لاتقل عن 5 % وقت البيع .
6- اذا شككت ان الموضوع المذكور فيه السلعة مخادع لعدم وجود شيء يثبت لاتتردد في ابلاغ المشرف الخاص بالموقع عن طريق خاصية الابلاغ لكي يتفادى الجميع نصبه واحتياله .

هناك نصائح كثيرة وأهمها ( التعامل المباشر مع السلعة افضل من التعامل من بعيد ويفضل ان تكون السلعة من مدينتك أو أن تقوم بالسفر هذا يرجع لك ) 

شكرا للجميع وأنا وضعت هذا الموضوع لكي أحذر من التعامل البعيد مع الأشخاص المخادعين وللأسف يتبين أنهم صغار في السن يتراوح اعمارهم من 15 الى 20 سنة وليس لديهم اي خبرة في البيع او الشراء وقد يكونون من كبار السن لذلك احذر ...

ولاتنسى أن تسأل عن الذي قام بتسعير السلعة لان البعض يقوم بزيادة الحد بحجة أن احد قام بتسعيرها هكذا . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والكـــل بيــسافر للدراســـة بالخـــارج


up 5 down 2
w1w1 2206
قبل 8 سنه و شهر



يقولك رشوش تجميلية

ياخي قول حكات دقات حتى لو صدمات عادي بس لا تضحك علينا ماحنا هنود حتى تقول رش تجميلي

عادي قول الحقيقة حتى لو ورع بمفتاحه شخط البوية قول هالشيء او قول حكيت بالغلط في موتر او اي شي



اخاف بكرة يقولون طالعة الايرباقات ومغير الكبوت بدون صدمات ههههههههههههههههههههههههههههههههههه


up 5 down 2
sultan-q 466
قبل 8 سنه و شهر



فيه ناس مغفلة وتصدق هم الملامون
لان النصابين في الكبارية وماراح تفرق مع الصغار


up 0 down 1
ابو عبدالله احمد 3508
قبل 8 سنه و شهر



اول ماتسمع كلمة مرشوشة رش تجميلي قل له ايه خير ان شاء الله جهز البضاعه تراني بسحب عليك 

اللي يفتح عقله زين قبل لايشتري ماراح احد يضحك عليه لو هو اكبر نصاب في العالم 


up 1 down 0
hamad2008 1557
قبل 8 سنه و شهر



الدلوخ كثيرين وبعدين يقولك حدي في السيارة خمسين الف وشوية يقول مسيومة 62الف ونطلب الزود كيف مدري استخفاف بالناس ولانصاب


up 1 down 0
محمد ال سلمان 820
قبل 8 سنه و شهر



طيب غير السيارات عندك جميع الاجهزة وغيرها الصغيرة
طيب ليش الموقع مايستخدم ارامكس والدفع عند الاستلام وكل الطرفين يضمنون حقهم او التعامل مع موقع paypal 


up 1 down 0
موووت احبك 1625
قبل 8 سنه و شهر



اخوي البعض ما عنده باي بال ومايعرف له و يفضل التعامل المباشر يعني اسلمك تسلمني وبس 


up 0 down 1
كروز_وبس 1042
قبل 8 سنه و شهر



هذا احد المحتالين ( http://haraj.com.sa/111840985/%D8%A8%D9%88%D8%B1%D8%B4_%D9%83%D8%A7%D8%B1%D9%8A%D8%B1%D8%A7_%D8%A7%D8%B3_2005_%D8%A8%D8%B3%D8%B9%D8%B1110_%D8%B1%D9%8A%D8%A7%D9%84_%D9%84%D9%84%D8%AC%D8%A7%D8%AF%D9%8A%D9%86_%D9%81%D9%82%D8%B7/ ) 


up 0 down 1
كروز_وبس 1042
قبل 8 سنه و شهر



الي يسمون كثيرين وفي الاخير مايشتري او يقولك ليش تبيعة او ارسلي صور ويزبن زبنة الكلاب الي صامل يشوف السيارة يدفع عربون اما مضيعة الوقت مالة لازوم ناس كبيرة تفهم ماهم بزران ت


up 0 down 0
محمد ال سلمان 820
قبل 8 سنه و شهر



ياخةي خذها قاعدة 
اذا بتشتري سياره رح للمعارض والحراج وشف كم تسوى خاصه الحراج ... فررررق بين السماء والارض عن الي هنا
يعني حدد نوع سياره ورح للمعارض وشف كم تسوى واسال ثم تعال وطب فموقع حراج وحط سومتك وماعليك من الي يسومون

هنا ناس ما تخاف الله يحط سومه ويزيد وهو ماهو ناوي الشراء والمصيييييبه راعي الموتر يصدق ان السومه جاده ويطمع ولا ينقص...


up 0 down 0
salih-m 384
قبل 8 سنه و شهر



ايه والله انك صادق انا اشوف سومات مهي زي الي في السوق والشغله فيها انا ياان راعي السياره متفق مع خويه يسوم سومه على كيفه ويجي دلخ ويصدق انها مسيومه ولا ان عنده عظويه ثانيه يسوم بها وياليت الكل ينتبه ولاتغرك السومات الوهميه وشغل مخك شوي قبل الاتشتري اي شي 


يا اخوان الموضوع هو عن الخداع والاحتيال وليس عن الجدية لان الجاد لو يبي يشتري بيتصل عليك ويقولك ابي اشوف السيارة انا اقول انتبه تتعامل من بعيد الى بعيد خلك تتعامل تعامل مباشر على شان ما ينلعب عليك وتجي الموقع وتقول لعب علي 


up 0 down 1
كروز_وبس 1042
قبل 8 سنه و شهر



الزبده خوذوها مني موقع حراج الي يبي سيارته تجيب له اكثر يعرضها هنا
هذا الواقع
سيارات ماتسوى 50 الف وبالموقع تنسام ب70 و80 الف !



up 0 down 0
aazz1989 -20
قبل 7 سنه و 9 شهر