صلاحية ومدة إستخدام الزيت .. للأسف أغلبنا لا يهتم بها

13 1

لايمكنك التصويت حتى الحصول على 20 نقطة على الأقل
إضغط هنا للإخفاء

speed for ever 3706
قبل 11 سنه و 10 شهر

السلام عليكم ورحمة الله وبركاته

صلاحية ومدة إستخدام الزيت .. للأسف أغلبنا لا يهتم بها ( وأنا كنت منهم )

كثير من الناس يعتقد أن :

عمر الزيت يعتمد على الممشى فقط واللون واللزوجه والخ ... ولكنه يغفل عن مدة وصلاحية إستخدام الزيت

على سبيل المثال لا الحصر :

1) زيت المكينه كل 5000 آلاف .. ولا يهتمون بمدة وصلاحية إستخدام الزيت

2) زيت القير كل 40 أو 60 ألف .. ولا يهتمون بمدة وصلاحية إستخدام الزيت


ولكن أكتشفت من مده .. أن الزيت له صلاحيه ومدة للإستخدام ( مكتوب بكتالوج سيارتي )

زيت المكينه ( في ظروف القياده الشاقه ) .. يتغير كل 5000 آلاف كيلو أو كل 6 شهور " يعني حتى لو أنت ماشي بس 5 كيلو مثلا .. لازم تغير الزيت كل 6 شهور "

السيفون ( في ظروف القيادة الشاقه ) .. يتغير كل 10 آلاف كيلو أو كل 6 شهور " يعني حتى لو أنت ماشي بس 5 كيلو مثلا .. لازم تغير السيفون كل 6 شهور "

فلتر البنزين .. يتغير كل 80 ألف كيلو أو كل 4 سنوات " يعني حتى لو أنت ماشي بس 5 كيلو مثلا .. لازم تغير الفلتر كل 4 سنوات "

تغيير سير التيمن .. يتغير كل 100 ألف كيلو أو كل 5 سنوات " يعني حتى لو أنت ماشي بس 5 كيلو مثلا .. لازم تغير سير التيمن كل 5 سنوات " < اذا كان ربل .. بعض السيارات تكون جنزير وأقوى من الربل ويتحمل ولا يحتاج تغيير خصوصا اذا كنت محافظ على تغيير زيت المكينه

فحص السير الخارجي ( سير البكرات ) كل 40 ألف \ كل سنتين " يعني حتى لو أنت ماشي بس 5 كيلو مثلا .. لازم تفحص السير كل سنتين "


تغيير زيت القير العادي والأوتوماتيك ( في ظروف القيادة الشاقه ) كل 60 ألف أو كل 3 سنوات " يعني حتى لو أنت ماشي بس 5 كيلو مثلا .. لازم تغير الزيت كل 3 سنوات "

فحص الفحمات .. كل 10 آلاف كيلو أو كل 6 شهور

تغيير فلتر المكيف كل 20 ألف أو كل سنه " يعني حتى لو أنت ماشي بس 5 كيلو مثلا .. لازم تغير الفلتر كل سنه "

تغيير زيت الفرامل كل 3 سنوات ( لا يعتمد على المسافه )

يا أخواني ترى الكلام هذا من كتالوج السياره , يعني ما جبت الكلام من عندي
وأنا أثق بكتالوج سيارتي

و أن شاء الله ببدأ اذا غيرت الزيت .. بكتب بورقه : عداد السياره وتاريخ تغيير الزيت

وعندي لكم فكره حلوه .. ليش ما تحطون دفتر صغير بحجم كف اليد بدرج السياره ( انا تعجبني دفاتر روكو أوراقها قويه وممتازه ) وسعر الدفتر الصغير اللي يكون بحجم كف اليد بريالين

واذا غيرت شيء اكتب رقم عداد سيارتك الحالي و تاريخ التغيير

و رقم عداد التغييره الجايه والتاريخ

إبلاغ

الردود