ما هو الزيت المناسب للتاهو

اي نعم نفس اللي ع المكينه
والفورد يعبون 5w20 لكن مقطوع

معلومه حراره المكينه بالداخل ثابتة صيفا شتاء ربيعا خريفا 

وحده لو تسخن قليلا ذاب وجيه الراس 


دور 5w30 مادام متوفر حط منه شوف النوع التخليقي او نصف تخليقي
وان مالقيت 10w30 

5w40
او
0w40

اهم شي يكون الرقم الاول اللي قبل الدبليو يفضل لليوكن والتاهو خمسه او صفر

ولا ترى بعد فتره بتسمع صوت الطرمبه والبلوف وامور في غنا عنها
وتخص المكينه والتخبيط والخ الخ
ع قولت اخوانا في الله المصاريه
قد اعزر من انزر

ماذا عن موبيل 1 أنا أةل أحطه بالكامري وامشي عليها من 12 الى 15 الف علماً بأن علبته سعرها 55 تقريبا
معذرة ياصاحب الموضوع

انا معاي جمس ولي خمس سنين اغير زيت اميريكي.. كاسترول 10-30 وفي عندك الترا سفن 10-30 لانها مناسبه واخف للمكينه .. شوف رقم الزيت مكتوب فوق غطاء تغيير الزيت اعلى المكينه مكتوب مقاس الزيت 5-30 وسعره غاليه سعر العلبه الوحده 35 ريال.. فأقرب شي عندك 10-30 وانت مخير بين الكاسترول والترا سفن .

ابو حميد موبيل ون هو افضل زيت 
نعم يمشي من ١٠ الى ١٥

ورائع لكن لاتاخذه من البناشر

شف المدينه اللي انت فيها ورح للصناعيه 
واسال عن محلات موزعين الزيت
واشتريه بالكرتون 
كرتون فيه ١٢ علبه
تقريبا ٣٩٥ ريال
العلبه ٣٥ ريال
واطلع لقطع غيار واخذ كم سيفون معك

للعلم انا اخذ سيفون الكامري ٢٠١٢  من النهدي بسعر الجمله 30 ريال

اذا موترك ياخذ ٤.٤ لتر مع السيفون
يصير تاخذ كرتون بالاظافه الى علبتين
علشان تكفي ثلاث تغييرات


والبنشري تعطيه من ١٠ الى ١٥ ريال شغل يد وينظف فلتر الهواء ويوزن اللكفرات وهو مايشوف الدرب

راجع حساباتك وتلقى موفر نص التكلفه او اكثر

بالتوفيق

عفوا الكرتون حدود ٤٢٠ ريال تقريبا

قريب لي من يوم طلع السيارة وكاله وهو يستخدم كوليسترول وماشي معه زي العسل

اهلا


مشكورين على الردود

اخي " مدرس عاطل " اشكرك على سرعه الاجابه و ما شاء الله عليك دائما تسارع للمساعده


اخي " مستريح البال " اولا شكرا على الرد و انا قلت بعبي كاسترول ولكني محتار بين 30-5 و بين 30-10 ولكن بعض المواقع يقول ان 30-5 انه مصمم للاماكن البارده تحت الصفر

ادا عادي اني اغير الى 30-10 بعبي منه

وفي احد المواقع مصور من الكاتلوج ويقول ان 30-5 غير مناسب بس انا بالصراحه ما فهمت شي من الكاتلوج

http://i.imgur.com/iTEF7.jpeg

حط زيت 10w30 مناسب و انتبه تحط 20w50 دايما يسبب مشاكل في طرمبة الزيت في موديل الجمس هذا بالذات

اخوي عمر الزمان

عليك بزيت موتور كرافت 10w30
مواصفات sn  ونصف تخليقي ومعبأ بامريكا
طبعا الزيت من اعلى المواصفات المتوفره
والقليل منها sm 
اللي اقل منوsn
واغلبها sl او sj مواصفات انقرضت 
طبعا استعمله انا ع كورولا ٢٠١٣ وكامري ٢٠١٢ وفورد ٢٠١٠
سعر الكرتون ١٨٥ من محلات قطع غيار فورد 
فيه ١٢ علبة 
وللمعلوميه يمشي من ٧٠٠٠ الى ١٠٠٠ كم 
وسعر لعلبه ١٥ الى ١٦ ريال
لكن انتبه قياس العلبه.  ٩٤٦. لتر اقل من اللتر ٥٠ ملي
اذا موترك ياخذ ٥.٧ لتر مع السيفون
يصير الغيار ست علب بالتمام 

وفيه نوع اخر ممتاز
اي سي ديلكو ديكسوس1
 تلقاه بمحلات قطع الغيار للشفر

اشكرك اخوي مدرس عاطل بس هل المقصود من هالحركة التوفير فقط أم ضمان أكثر وأن اللي عند البناشر مغشوشة .؟

اهلا


شكرا اخي " مدرس عاطل " على النصيحه

ولكن الامس اشتريت اي سي ديلكو 30-5 من الجميح بسعر 23 ريال للحبة

طبعا كنت رايح اشتري 30-10 ولكن قال لي ان سيارتك مثل ما هو مكتوب في الغطاء المكينة 30-5 لماد تركب نوع ثاني

قلت له لأن 30-5 غير مناسب لاجواء السعودية

قال لي غير صحيح و الناس تاخد منه و حتى الوكاله تستخدمه

اخدته اضمن لأني خايف اغير اللزوجه و تسبب مشاكل للمكينة

ابو حميد 
المقصود منها 
توفير + ضمان الزيت انه ليس مغشوش

بصراحه انصدمت يوم قلت العلبه ٥٥ ريال

وسعرهاالاساسي 
٣٥ * ٥ مثلا سياره تاخذ خمس علب= ١٧٥
وبسعر البناشر
٥٥ * ٥ = ٢٧٥ ريال

الفرق شاسع ١٠٠ ريال
تقدر بهاالمبلغ. تغير سيفون اصلي وتشتريه من قطع الغيار
وتعطيه حساب شغل يد باقصى تقدير ١٥ ريال
وتعبي بانزين فل 
وتغسل موترك
وتشتري كاسه عصير برتقال طازج + ماء بارد
خخخخخ
انت احق بكل ريال ممكن توفيره 



اخوي عمر زمان

ترى مافيه فرق بين 10w30.     و    5w30

الفرق الاساسي انه ٥/٣٠ افضل في بروده الجو وعند التشغيل فقط لاغير ويبقى سايل 

والثاني اثقل شوي


وواحسنت الاختيار يوم اخذت اي سي ديلكو
لكن الافضل تحاول تنقش الصناعيه محل محل زاويه زاويه وبتلقاه بسعر رخيص وافضل


انا سعرت موتور كرافت بتوكيلات الجزيره على فترات سعره يكون (١٨-٢٠) للعلبه
واشتريه من محلات قطع الغيار العايديه او موزعين لقطع غيار فورد (15/16)

عاد الغريب وش اني اخذه من محل بينه وبين توكيلات الجزيره جدار فقط ملاصق له
بفرق ثلااث ريال للعلبه