أضف سؤال أو موضوع جديد          

ارمادا 2009 والمصيبة

up 4 down 0
edgam 609
قبل 8 سنه و 7 شهر



سلام عليكم ورحمة الله

دايركت انتر بالموضوع

الوالد الله يحفظه عزم ياخذ ارمادا 2009 
وراح الوكالة وطلبه 
وجانا طلبية فل الفل لون ابيض بعد شهر 
مالكم بالطويلة
السيارة من اول ماخذيناها من الوكالة الباب ورى يمين كان فيه ثقل وانا علمت الوالد لكن قال يمكن عادي 

المهم قدر الله وصار فيه مخش على نفس الباب 
يوم وديناه الورشة نسويه 
طلعت الفاجعة بان السيارة بابها مرشوش وكله معجون  
والافجع من كذا اننا مطلعينها اصفــــــــــــآر 
طبعا بعد سنتين او ثلاث اكتشفنا

وفيها اصوات طقطقة ومن هالقبيل 

بالله واش الحل !؟؟؟!!
الوكيل طبعا الحمراني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يمكن  صار لها مثل السيارات الي في موضوعي


up 1 down 0
كوكو888 561
قبل 8 سنه و 7 شهر



هو بس باب واحد 
عاد لو فتشنا اكثر اخاف تطلع فضايح


up 1 down 0
edgam 609
قبل 8 سنه و 7 شهر



^^
احتمال وارد

ولكن بما ان لها 3 سنوات ما اظن تقدر تطالب بشي
وهو  صحيح انه من حقك لكن كيف بتثبت


up 3 down 1
w1w1 2206
قبل 8 سنه و 7 شهر



^^

طيب ابي اقبها معاهم 
باي حق يبيع لي موتر قيمة وكالة وهو مرشوش !!

اقدر اشكي مؤسسة النقد ولا اروح المحكمة ولا كيف ؟


up 1 down 0
edgam 609
قبل 8 سنه و 7 شهر



والله شف من البدايه اذا انت راعي طويله رح اشتكهم بس لاحظ الاحتمال ضعيف بتلقى فايده بس اهم حاجه تعلمهم انك ماتسكت عنهم


up 0 down 0
ابو عدآي 335
قبل 8 سنه و 7 شهر



ومعوض خير واللوم مو عليك لان اخر شي يفكر فيه الواحد يفحص سيارة مطلعها من وكيلها واصفار


up 1 down 0
ابو عدآي 335
قبل 8 سنه و 7 شهر



حبيبي انا ما ابغى احطمك

لكن قول اشتكيتهم 

اول سؤال بيتوجه لك 
عندك شي يثبت ؟؟


up 0 down 0
w1w1 2206
قبل 8 سنه و 7 شهر



عليكم السلام ورحمة الله وبركاته 
انا راح اعطيك تجربه لي والله على ما اقول شهيد 
انا اشتغلت من ٢٠٠٦ حتى نهاية ٢٠٠٧ مع اشهر وكيل لسيارات GMC&chevrolet بوظيفة بائع سيارات طبعا 
السيارات بالمستودع الرئيس من كثرها لازقه فبعض وطبعا مرصوصه رص عشوائي فلمن يجي العميل ويختار الموتر 
واللون اللي يبيه ممكن تكون السياره اللي اختارها العميل بوسط ٤٠٠٠ سياره ولما ترسل الطلب اللي بالمستودع يقعدون
يومين والا ثلاثه عشان يطلعونها من هالزحمه وطبيعي يصير فيه دقشات يا بالباب او الشنطه او الرفرف...الخ اللي  
ولما توصل للصاله قبل لا تتسلم للعميل تتشيك بالصيانه ولو فيه اي دقشه والا خدوش
اللي يصير تنفك هالقطعه وتتغير جديده مع رشها بويه وتتركب ولا كأن فيه شي صار والاكيد ان البياع يعرف ايش صار
في الموتر قبل لا يسلمه للعميل لان هذي من ضمن مهامه
وتقريبا ٦٠٪ من السيارات يصير فيها دقشات .
فباللنسبه لموضوعك مالك غير انك تشيكهم لرب العباد لآنه للأسف مافيه قانون يحيميك اينما اتجهت
بس نصيحتي لكل واحد راح يشتري سياره انه يحلّف البياع على ان السياره ماجاها شي
بس لو قاله الصراحه لا يشتكيه بس يدور غيرها  لأن اللي صار معي لمن دفع 
العميل العربون وجت السياره حلفني (بالله عليك السياره فيها شي) رديت عليه وقلت ايه السياره جاها بالمستودع دقشه بباب
الشنطه وتم تغييره جديد فالله يسامحه ويجزاه خير راح اشتكى وكبر الموضوع وكانت النتيجه الحتميه
هي انهم شاتوني برا الشركه 
في نفس اليوم والحمد لله كانت اجمل شوته فحياتي لان ربي رزقني بوظيفه كانت حلم يقارب الخيال
وسلامتكم واعتذر للأطاله



up 15 down 0
جامعي وحظي ما جامعي 142
قبل 8 سنه و 7 شهر



والله ماعندي شيء يثبت 
اكيد مرت 4 سنين 

اخوي جامعي الله يوفقك 
صراحة كلامك لازم يظهر للناس 
بما انك خبرة عمل سابقة 
انا لو ناوي اطلع موتر جديد هل لي حق فحصه باي مكان برا الوكالة قبل الاستلام حتى لا يكون 


up 1 down 0
edgam 609
قبل 8 سنه و 7 شهر



فيه دقشات او مشاكل


up 0 down 0
edgam 609
قبل 8 سنه و 7 شهر



2009 اذا انتا من جده فهيا حق سيول جده عام 2009 مليون بالميه .......



up 1 down 0
sloo00 606
قبل 8 سنه و 7 شهر



قبل السيول وانا اخوك الموتر شاريه اول ما نزل في عام 2008 اواخره


up 0 down 0
edgam 609
قبل 8 سنه و 7 شهر



جزاك الله خير اخوي 
بس في نظام الوكالات مش من حقك تفحص برا لان الموتر اصفار بس تقدر بعد ما تقرر وتحدد الموتر اللي تبيه تاخذ رقم 
الشاسي وتروح  للصيانه بأي فرع من فروعهم وتشوفلك فلم بطريقتك او بعلاقاتك وراح يبين وش صار في الموتر من 
طقطق لسلام عليكم لانه لمن يدخل لهم سياره يفتحون لها كرت صيانه ويكتب فيه كل ما يتعلق بالسياره بس اذا ما عندك 
احد تعرفه بالصيانه ماراح احد يقول لك الصدق
كل التوفيق


up 1 down 0
جامعي وحظي ما جامعي 142
قبل 8 سنه و 7 شهر



اشكرك على طرحك ومعلوماتك الجيدة وانشاء الله حظك جاء معك (من ترك شئ لوجه الله عوضه الله بخير منه)


up 2 down 0
khaled0123456789 2
قبل 8 سنه و 7 شهر



مثل ما قال اخوي جامعي اشتكهم لواحد ما تنام عينه. حسبي الله ونعم الوكيل عليهم ما فيه حمايه للمستهلك فيه حمايه للتاجر


up 1 down 0
abu sadeem 85
قبل 8 سنه و 7 شهر



اخوي اثبتلهم وما تسكت عنهم وارسل شكواك من بعد رب العالمين على الفرع الرئيس بس اهم شئ الاثبات وباذن ربي تاخذ حقك


up 0 down 0
muhanna e
قبل 8 سنه و 4 شهر