إفحص كمبيوتر ولا يضحكون عليك الصنايعية

16 3

لايمكنك التصويت حتى الحصول على 20 نقطة على الأقل
إضغط هنا للإخفاء

غرك جمالك يا خسارة حلاتك 6900
قبل 11 سنه و 8 شهر

السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم حاب أناقشكم بموضوع مهم جداً و كُثر الحديث حوله في المنتديات جداً في الآونة
الأخيرة وهو غش أصحاب الورش ومراكز الصيانة !!!! تروح لمهم تشتكي من خراب بسيط تتحول سيارتك إلى مختبر تجارب ساعة
يقول فيها كذا !!! و ساعة يقول فيها ماني عارف إيش !!!! هذا عدا الغش و عدم الأمانة في العمل من قبل بعض العاملين في الورش
أبقولكم قصة صارت لأحد الأشخاص اللي أعرفهم:
(صاحبي هذا كان معاه جيب 2012 ساعات كان (يهنقً) معاه القير , يهنقً = يعلقً يعني يكون حاط على N و لما يبي يرجع القير
على R و بعدها P ما يمشي معاه القير يمسك !!! المهم راح لأحد الورش اللي يثق فيها بالصناعية و لمًا راح لمهم صاحبه ما عرفه
وين المشكلة ؟؟؟ فأرسله على واحد متخصص قيور , طبعاً صاحبنا هذا كان شبه متأكد إن القير ما عليه خوف و إن المشكلة بإذن الله
ما هي فيه !!!! فلما راح للفني حق القيور على طول قاله: هذا قير يبغى له توضيب و فك !!!!! طبعاً صاحبي تضايق و شك في كلام
الفني , المهم إتصل علي و قال لي المشكلة بعدين قلت له: أنت صاحي سيارتك 2012 ولا أمداها مشت كثير و أنت شخص محافظ 
بطبعك يعني لو كل يوم تقاوم عليها ما خربتها بهالسرعة , المهم أرسلته لورشة فيها فحص كمبيوتر و قلت له: بمية ريال تعرف وين
المشكلة بالضبط و لا يجيك كل شوي واحد يفتي من راسه ؟؟؟ المهم فعلاً راح لم الورشة اللي أرسلته لها و فحص والله يا اخوان طلعت
المشكلة أبسط حتى مما كان هو يتوقع !!! طلعت المشكلة في (حساسً الفرامل) بعض الأحيان ما يمسك زين و ما يعطي إشارة لعصا
القير !!! و طلعت التكلفة كالآتي = 100 ريال فحص + 45 حساس فرامل + 30 ريال شغل يد = 175 !!! و الصنايعي اللي بالورشة
كان بيدفعه 3000 إلى 4000 ريال !!!!!! فنصيحة لي منكم يا اخوان لا تصدقون أي ورشة تروحون لمها إلا بحالة إنك تكون واثق
من هالورشة و تعرف اللي يشتغل فيها من زمان ؟؟؟ أما تجي توقف سيارتك عندهم ولا تعرف شغلهم ولا أمانتهم فهذا الشي خطأ .

تحياتي لكم

همسة:( لا تحرمني أخي من ... إضافة , مشاركة , توجيه إلخ ...)

محبكم && أبو طــــــــــــــــلال

إبلاغ

الردود