وش رايكم في الإطارات لليوكون 2003
11
3
إضغط هنا للإخفاء
السلام عليكم ورحمة الله وبركاته ومّساكم / صبحكم الله بالخير, ياأخوان عندنا جمس يوكون2003 , ونبي نغيّرله كفرين بالكثيرلأن كفراته تكلّف, واليمين الأمامي شبه جديد مع إن تاريخه2011 من نوع هانكوك, والخلفي اليسار نص عمر من نوع جوديير, والباقي هانكوك فيهم أقل من نص عمر وأنتم عارفين إن الصيف على الأبواب, فإيش تنصحون فيه من كفرات؟ من ناحية1-رساوة وثبات 2-ليونة عند الحفر والمطبات لأنكم خابرين بشوارع جدة حلوة ما شاء الله 3-تحمل للحرارة والظروف الشاقة مثل البر والطرقات الوعرة لأن السيارة فيها دبل 4- مريح وبدون أصوات 5- يتحمل المسامير المرمية في كل مكان لأن اللّينة ماتتحمل. ولوإني أفضل الجوديير دام السيارة أمريكية لكن سمعت إنه فيه مشاكل مثل التحبيل, وخويّاني كل واحد ينصحني بنوع مختلف من الكفرات , فلا تحيروني الله يرحم والديكم وتطلعون براسي الشيب واللي ماعنده تجربة يشرفني مرورة ودمتم على خير,, ملاحظة الكفرات يفضل تكون رخيصة نسبيًّا على الأقل وشكراً
إبلاغ
الردود
اسمه LTX M/S2
في الوكالة سعره 820 ريال يعني أرخص من النوع الأول بشي بسيط
وعند الموزعين مالقيته بس لقيته عند موزع معتمد ب بكيلو 3 بسعر650 ريال
طبعاً أنا ماجربته بس حسب تقييمات المواقع العالمية والمجربين ممتاز جدًّا
وكان فيه عضو معنا هنا اسمه السهل الممتنع وهو تاجر سيارات الله يزيده إن شاء الله
شفت إعلان له كان عارض جمس 2002 مخزن وركب له طقم ميشلان من نفس النوع الثاني
وقال حسب تجربته ان هذا النوع احسن كفرات مرت عليه
وإذا كنت موسوس وماتبغى تشتري إلاّ من الوكالات فعليك باليوكوهاما
نوع نسيت اسمه وسعره عند الوكيل بطريق المدينة ب470 ريال
حسب تقييمات العملاء في المواقع العالمية يعتبر اكثر ازعاج وقساوة من الميشلان والهانكوك عموماً
لكن أنا اشوفه احسن من الهانكوك ويعتبر سعره مغري بالنسبة لكفر صناعة يابانية ومن عند الوكيل
الهانكوك سعره عند الوكيل 460 ريال
وعلى فكرة كفر الميشلان اللي شريته صناعة تايلندية
والخيار متروك لك
وبالتوفيق إن شاء الله لنا جميعاً
تحياتي لك وأي استفسار أنا حاضر
1
0
أنا بنزل موضوع إن شاء الله قريب بس مو اليوم عن تجربتي لكفرات الجمس
لكن راح اختصرها عليك
واقولك نصيحة واحد قالها هنا في المنتدى
ماينفع للجموس كفرات غير الميشلان والفايرستون
لأن الجموس وزنها ثقيل وكان راكب عندي كفرات هانكوك بس تتمسح وتشقق بسرعة لأنها ماتتحمل وزن الجمس الثقيل
اقرا البطاقة اللي على باب السواق من داخل وشوف كم الوزن
أنا طلع عندي مكتوب 3130 kg يعني 3 طن وكسور ماشاء الله
بس أنا من يوم نزلت هذا الموضوع إلى يومك هذا ماركبت إلا كفر واحد ميشلان >>> بخيل لازم يحلل الكفرات هههههه
المهم إن الكفر ممتاز
وفي شي مهم لازم اذكره !
لما تشتري كفرات لأي سيارة كانت ، لازم تعرف اسم الطراز لأن كل شركة تصنع أنواع مختلفة في التصميم والجودة والمواصفات والخ....
يعني لاتكتفي بإسم الشركة المصنعة فقط
أنا الكفر اللي شريته اسمه ميشلان لاتيتود كروس ، بالإنقليزي LATITUDE cross
وهذا مو أحسن كفر من ميشلان لكن تقييمه ممتاز حسب المواقع العالمية على النت
ودعسته لو تشوفها كأنها خشنة مقارنة بالهانكوك لكن في الواقع لاهي ولا ناعمة ، وسط
والليونة وسط والهدوء ممتاز
طبعاً الهانكوك أكثر ليونة وهدوء لكن هو أقرب لكفرات سيارات السيدان
يعني مايصلح للجموس اللي هي أصلاً أثقل من الجيوب
وكمان في نقطة
اشتريت معيار هوا من ساكو ب40 ريال وفيه بنفس الوقت مقياس لعمق دعسة الكفر
تبين إن عمق دعسة كفر الميشلان مابين ال8 وال9 ملم
وكفر الهانكوك جديد في محلات الجملة بس مو نفس النوع اللي راكب عندي لقيت قياس الدعسة مابين ال7 وال6
وأنا متأكد إن دعسة كفر الهانكوك الشكل الجديد اعمق من دعسة كفر الهانكوك الشكل القديم وهو جديد طبعاً
اخذت كفر الميشلان ب450 ريال من عند الموزعين اللي في كيلو 3
وقاالوا عليه عرض من الوكالة
يمكن عشان تاريخه 2014 الأسبوع ال20 يعني قبل حوالي سنة
وسعره في الوكالة ب840 ريال!! تخيل دبل السعر تقريباً
مايهمني التاريخ دام السعر دبل
وبعدين الكفر ممتاز وماشية اموره تمام التمام
قبل 8 سنه و 11 شهر