أضف سؤال أو موضوع جديد          

ان شاء الله خلال اليومين هذي بركب طقم كفرات ابي استفسر

up 13 down 9
العامري دوت كوم 2 455
قبل 8 سنه و 6 شهر



ودي اركب دانلوب
واخاف ينلعب علي فلذلك ابي الوكيل المباشر حقها؟

يمكن يكون اضمن وتاريخ الكفر اجدد وايضا بيكون التخزين افضل وايضا ممكن تعلموني عن سعره الكفر بكم؟ علما بان الجنط مقاسه 14 والسيارة ياريس فلذلك ابي تنصحوني وتجيبون لي المعلومات اللي قلتها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وهل الوكيل يبيع بتركيب او بدون تكفون عطوني علم اول مرة اغير كفرات وابي شيء مضمون لاني دايم اسافر


up 5 down 4
العامري دوت كوم 2 455
قبل 8 سنه و 6 شهر



شكلي بغير النك حقي بحطه منيرة عشان تردون علي


up 14 down 4
العامري دوت كوم 2 455
قبل 8 سنه و 6 شهر



طيب طيب يعطيكم العافية ولا بعد ديس لايك ليش؟


up 9 down 5
العامري دوت كوم 2 455
قبل 8 سنه و 6 شهر



ـهههههههههههههههههههـ

شوف يالطيب ، اشتر من الغرابي ، وافحص في العضيب على طول من أول يوم ، لأن فيه واحد توه مركب كفرات جديدة ، وراح فحص للعضيب وطلعت الكفرات فيها مشكلة ، وأخذ أبو يمن معه وجابه للعضيب ، وشافها واقتنع ، وغيرله الطقم كله ، المهم في الكفر التاريخ ، والله يوفقك


up 13 down 2
أبو أحـــمد 2434
قبل 8 سنه و 6 شهر



ولك لايك ولا تزعل <<<< 3 لايكات ولا تضيق صدرك


up 10 down 1
أبو أحـــمد 2434
قبل 8 سنه و 6 شهر



الله يسلمك ابو احمد وانا ماني بحاجه اللايكات ولكن منقهر انا محتاج اجابه ومحد رد ومع ذلك يعطوني ديس لايك كاني شتمت هم قبل كم ساعه فيه واحد منزل موضوع حط نكه (ام هشام) جاه 110 ردود عشانها حرمه وانا محد عطاني وجه


up 6 down 2
العامري دوت كوم 2 455
قبل 8 سنه و 6 شهر



بسم الله عليك
توك ما صارلك ساعه ونص
ليش الزعل
المهم ركب اللي يعجبك دنلوب ميشلان بريجستون هنكوك
مادام مقاس كفرك صغير ما عندك مشكله وركب الارخص من ذولا



up 5 down 0
yeem77 430
قبل 8 سنه و 6 شهر



انا كنت محتار بين دنلوب وهانكوك فلما شفت اسعارهم كلهم حول بعض بالسعر الدنلوب اتوقع ب240 والهانكوك 220 اتوقع فرق 20 ريال لكفر الواحد او 30 المهم مدام الفرق كذا بس 20 ريال قررت اخذ الدانلوب لانه ياباني


up 4 down 2
العامري دوت كوم 2 455
قبل 8 سنه و 6 شهر



هدي اعصابك يا العامري مش ما يبون يردون عليك هي مسألة وققت مش اكثر وقدر انك حاط موضوعك في وقت اغلب الناس في دوامها ..

المهم بخصوص موضوع الكفرات .. بصارحة ما قد جربت دانلوب انا معي كامري 2008 ودايم اركب هانكوك 

ممتازة وراسية و تعي معاك عمرها و اكثر مقاس كفري 16 الواحد بـ 370 ريال ممكن يطلع مقاسك بـ 280 ريال تقريبا و هو نفس 

السعر لـداونلوب زايد ناقص شوي 

بعطيك نصايح ممكن تخدمك بالموضوع : 

موب لازم تآخذ الكفرات من الوكيل ممكن تآخذها من محلات البنشر الكبيره او المعروفه
شرط انك تشيك على الكفرات تلاقي موجود كلمة dot  يكون بعدها سنة التصنيع و الشهر حالو انك ما تآخذ اقل من سنة 2013 
حنى لو كانت ظروف التخزين سيئة مراح يأثر واجد لان توها مصنعه و الجو بارد و التخزين غالبا بعيد عن الشمس ...

مقدار السرعة الي تبية ،، تلقى حروف بالانقليزي مكتوبه على الكفر مثلا :
حرف H  يتحمل الى 210
حرف S يتحمل الى 180
حرف Q يتحمل الى 160 و هذا الي افضله انا لان بعدها تعتبر متهور .. في انواع اكثير بس هذي الزبده 

انشاءالله اكون افدتك ولايك عشان ما تزعل هههه


up 5 down 0
بـو سـارة 179
قبل 8 سنه و 6 شهر



http://www.marhabi.com/?p=668


up 2 down 0
r4rec0in 1443
قبل 8 سنه و 6 شهر



اخوي العامري لاتثق الا في نفسك وعيونك
حاول تبحث في النت 
الكفرات بشكل عام تكون مجهزه برموز واماكنها ثابته
صعبه نحصرها برد

ابحث وتلقى صور وتحديد اماكن الرموز ومعنى كل رمز والرموز كثير والمدللوات بعد

اهم شي سرعه مفتوحه
والتحمل aa
والتاريخ يكون حديث وهذي ابسط شي ممكن انت تكون منتبه له وتعرف اماكنه

بالذات التاريخ يجي كذا مثلا
١٣٠٦
الاسبوع السادس عام ٢٠١٣ تاريخ الانتاج
يعني في نص شهر اثنين
وبالتوفيق 

وبخصوص السعر الوكيل او البناشر كسسسسر رووسهم

والوكيل عنده تركيب اصلا اغلب البناشر مايفتح الا عند الوكيل

وانتبه بخصوص الكفرات المستعمله

لاياخذونها بلاش 

يدفعون فيها من ١٥٠ وفوق انت اولابها
واذا رفضوا يشترونها

ارمها باقرب زباله الله يكرمك
او حط اعلان بموقع اللي يبيها بفلوس او مجاني من ربعنا ارسلها عحسابك

جميله واجر 

ولا ياخذها شسمه 
مب حسد ولا شي 
الاقربون اولى بالمعروف


up 3 down 1
مدرس عاطل 4
قبل 8 سنه و 6 شهر



وش نوع سيارتك؟؟؟


up 1 down 0
مستريح البال 1 1780
قبل 8 سنه و 6 شهر



مستريح البال كيف حالك عساك طيب ههههههه 

اخوي العامري ركب دونلوب تراها ممتازه ولينه بس يعيبها شوي صوت الكفر عالي نوعا ما لاني جربتها في سيارتين ونفس المشكله اللي هي كامري وجمس وكلها يطلع لها صوت بس من ناحية الليونه والتحمل والله ممتازه ماشاء الله 

بالتوفيق ان شاء الله 

اخوي مستريح البال واضح انه كاتب يارس مقاس الجنط 14  ولو تركز شوي بتقراها 




up 1 down 0
camry grandi 99 7274
قبل 8 سنه و 6 شهر



ركب عرض اكبر تلقى عند الباب فيه ارقام العرض شف اكبر واحد وركبه
تفرق معك كثير بالخطوط وتصير متماسكة


up 0 down 0
ما بنكسر صابر 2688
قبل 8 سنه و 6 شهر



مالك الا برجستون لان الموتر صغير محتاج وقوف


up 0 down 0
nnna 1028
قبل 8 سنه و 6 شهر



وكيلها بن زقر ونعم عنده تركيب وترصيص واضمن لك من ابو يمن اللي اعرفه مقاس 17 للجيب ب700 ريال


up 1 down 0
السعودي22 15
قبل 8 سنه و 6 شهر



شوف لاتركب من الغرابي وغيره ترى بعضها مخزن وبعضها يتنقل من مدينة لمدينة بشاحنات مكشوفه بهالشموس ومرصصات على بعض...غير انه شوف عيني بالمحلات الكفرات فوق يصعد ويرميه تحت تشوفه يناقز ههههههههههههههه .....


انا ماشتري الا من الوكلاء وصدقني نفس السعر ولاااا ارخص بعد ..انا شريت كفرات طقم من الوكيل (الطلائع) 1450 بينما بالغرابي 1500 ههههههههههههه.......




وكيل بريدجستون : الطلائع - طريق خريص وانت ماشي خل المعارض على يمينك وسيد الاشارة اللي بعدها على نفس الامتداد ..
دنلوب :بن زقر جنب بريدجستون ^^ بالضبط ..وفيه له فروع ثانية..

بيريلي :طريق خريص بعد الجميح او قبله مااذكر.

جوديير :شارع الثلاثين عند وكاله ساماكو بورش...

يوكوهاما ..الجميح طريق خريص ..


اتمنى تستفيد من هالكلام
((:


up 4 down 0
talal abdullah 5421
قبل 8 سنه و 6 شهر