لمنتظري الفاو تفضل بالدخول

11 3

لايمكنك التصويت حتى الحصول على 20 نقطة على الأقل
إضغط هنا للإخفاء

شمري و افتخر 107
قبل 10 سنه

السلام عليكم احبابي في موقع حراج جايب لكم كم معلومه عن الـ فاو (faw) الصينيه
الصراحه حاب اشكر اخونا مندوب التسويق لانه الله يجزاه خير ماقصر بي خلاني اسعى سعي في مخرج 13 و 18 على كلامه ولا حصلت المعرض المهم انا رحت وسالت عنها عند الوكيل قالو انا بنفتح معرض جديد لهاذي السيارات يعني توهم بعد كم اسبوع تبي توصل الرياض انشاء الله

المهم انا الصراحه عاجبتني ال بي 90 لانها باين عليها الفخامه وسعرها الرخيص والمعقول لكن الي انا مستغربه انها في تقلييييد واضحح على بعض السيارات منها انا اقولك من وجهت نظري

1- حركه القير P,,R,,N,,D تشبه المازدا بالضبط
2- حركه عداد السرعه نفس حركه المرسيدس الصغيره مدري والله شسمها
3- نظام الشاشه والتحكم فيها شبيه المكسيما
4-نظام تشغيل المكيف شبيه بالوكس واجن باسات
5- الزبده ان فيها اشياء كثيره تشبه بعض السيارات

لكن لا تزال عاجبتني وقبل كم يوم دخلت على الموقع حقهم اكتشفت ان السياره الـ بي 90 مشتركه فيها شركتين الي هي جيلي و فاو يعني البدي جيلي والمحركات فاو هذا الي انا قريته

ووبس مشكورين عالمتابعه واسف عالاطاله ونسيت اقول ان المعرض حقهم بيفتتحونه في مخرج 13 طريق خريص وانا باذن الله اول مايفتح المعرض راح انزل معلومات اكثر عن اسعارها وتجربتها اذا ربي كتبلي اشريها

إبلاغ

الردود