أضف سؤال أو موضوع جديد          

الإستعجال بالحكم على السيارات الجديده

up 16 down 6
speed for ever 3705
قبل 6 سنه و 8 شهر



السلام عليكم ورحمة الله وبركاته

اليوم بتكلم عن مشكلة الإستعجال بالحكم على السيارات الجديده ؛ يعني مثلا فيه أحد يمشي على سيارته30 ألف أو 50 ألف كيلو فقط ومحافظ عليها ويقولك تتحمل الكرف وحمارة مكده والخ...

أو يسافر عليها مره ويقول محركاتها 10 على 10

يعني بصراحه شيء مضحك مع إحترامي الشديد لهم

اذا بتحكم على السياره أصبر 3 او 6 سنوات وأكثر وخلها تمشي كثير 150 ألف أو 200 ألف وأكثر ؛ عشان يكون حكمك صحيح وعادل

لكن اللي يحكم على السياره من خلال سفره واحده أو ممشى قليل ... لا تعليق

فيه سيارات ماشيه 300 ألف كيلو وأكثر و لا فيها إلا العافيه
و
فيه سيارات قديمه وماشيه كثير ولافيها إلا العافيه


نجي لمشكلة التعصب الأعمى

كل واحد يمدح سيارته ويوصلها للسماء ؛ واذا أحد إستشاره ما يقول عيوبها ؛ ولو تسأله ليش ما قلت عيوبها بيقولك عيوبها معروفه أو الخ... طيب يمكن اللي إستشارك ما يعرف العيوب هذي ؛ واذا أشتراها وتوهق بيدعي عليك + ( من إستشارك دخل في ذمتك ) وكذا ما أستفدنا من الإستشاره لأن كل واحد يمدح سيارته ويسب السيارات الثانيه

كل سياره لها سلبيات وإيجابيات ؛ وبما انك دافع دم قلبك من حقك تنتقد العيوب أو السلبيات وتقول الإيجابيات .. وممكن الوكيل والشركة يصلحون السلبيات والعيوب هذي .. لكن الصمت أو الدفاع والتعزيز يعني أن العميل راضي والوكيل والشركة بيقولون لأنفسهم بنستمر على وضعنا الحالي وبتوهق غيرك اللي بيشتري سياره جديده ومحتار .. ودفاعك عن الشركة كمستخدم ما راح تستفيد شيء يعني ما راح تجيك أسهم أو الخ... وياليت ننسى شيء أسمه ( يقولون - سمعت - على ذمة الراوي - الخ... ) اذا جربت السياره بنفسك أحكم

اتمنى انكم فهمتو قصدي

وفيه احد اذا قلت عيوب سيارته بموضوع ( إستشاره ) يزعل وكأنك سبيته !! مع أنه يعرف أن هذا العيب حقيقي أو يمكن سيارته أول مره يشتريها ولا جرّب سيارات كثيره ؛ وتلقاه يسب السيارات الثانيه عشان يغطي على عيوب سيارته أو يبرر لها أو يمكن أنه ما جرّب سيارات ثانيه ولا يعرف ان الشيء هذا عيب بسيارته

لكن بصراحة في مندوبين للشركات ويمدحون شركة واحده مثلا والشركات الباقيه سيئه جدا ؛ وبعض الأعضاء صغار سن يعني تلقى عمره 16 أو 15 والخ... أنا ما أنتقصهم ولكن الإنسان تزداد خبرته وتجاربه في الحياة كل ما زاد عمره

وفيه فرق بين واحد صغير و توه يتعلم السواقه أو أول مره يشتري سياره ؛ وبين واحد كبير وجرّب سيارات كثيره وعنده خبره وتجارب طويله وكثيره و الخ...

وبعض الصغار يمشون على مبدأ .. سيارة أبوي أحسن سياره بالعالم - سيارة أخوي أحسن سياره بالعالم - سيارتي أحسن سياره بالعالم - الشركه الفلانيه أحسن شركة بالعالم لأن سيارتي من الشركه هذي - والخ...

يعني بصراحه شيء محزن
المفروض أننا كمسلمين تكون عندنا أمانه وإخلاص بتقديم النصيحه والمشوره والخيارات المتاحه
وطز بالسياره أقول عيوبها وإيجابياتها وأبري ذمتي .. وأقوله الخيارات المتاحه وهو يقرر بعد معرفة الإيجابيات والسلبيات وتجربة السياره بنفسه .. وليس من حقك أنك تجبره على شراء سياره معينه ؛ أنت عطه كافة الخيارات المتاحه مع السلبيات والإيجابيات ( اذا كنت مجرب السياره بنفسك ) وهو يقرر لأنه هو اللي بيدفع قيمة السياره مو أنت اللي بتدفع ..

يعني اللي يستشيرك بشيء ما يبي بس الإيجابيات يبي يعرف كل شيء سلبيات وإيجابيات والخ...
( من إستشارك دخل في ذمتك )

ونبي نتميز أكثر كمسلمين ؛ ما راح يضرنا شيء بالعكس حنا بنستفيد من جميع النواحي

و لو واحد غير مسلم ويعرف يقرأ اللغه العربيه ؛ وشاف المسلمين إذا إستشارهم احد يمدحون سياراتهم ويسبون السيارات الثانيه أو متعصبين أو الخ... بياخذ فكره سيئه عنا وعن الإسلام والخ...

وإذا شافهم أمناء ومخلصين بالنصيحه والإستشاره ؛ بياخذ فكره حسنه عنا وعن الإسلام والخ...

وأخيراً أحب أذكر بأن السياره وسيله وليست غايه ؛ والله العظيم أعرف ناس سياراتهم مستعمله وقديمه و معهم فلوس ما شاء الله ويقدرون يشترون سيارات جديده ؛ لكنه يقول أهم شيء سياره توديني وتجيبني ومن زين شوارعنا ؛ أو يقول عندي أشياء أهم أبني أو أشتري بيت أو الخ...

وأعرف ناس معهم سيارات جديده وغاليه جدا أو يغيرون الموديل كل سنه ؛ مع أنه على قد حاله ويتسلف وحالته حاله .. وعائلته على قد حالها .. يعني يتعب نفسه ويتعب أهله معه بالديون

يعني الزبده لا تحكم على الشخص من خلال سيارته

حنا ما إستفدنا من شركات السيارات ؛ وكلاء نصابين وأسعار السيارات الجديده غاليه وبإرتفاع ؛ وشركات ساكته وراضيه عن الوكلاء عشان المصالح الماليه للشركه مع أنهم يتلاعبون بالمواصفات ومواصفات الأمان ويشلحون من السيارات الجديده ويرفعون الأسعار ( الشركه تفكر بمصلحتها الماليه , والوكيل يفكر بمصلحته الماليه , وكل واحد منهم له نسبه .. ولا يفكرون بالمستخدم أو المستهلك )

عندهم طز بالعرب والمسلمين ؛ تذكرون يوم رئيس تويوتا إعتذر للشعب الأمريكي وصاح !!

وعندنا ما كأن شيء صار ؛ لو يموت أحد منا بسبب التلاعب بمواصفات الأمان أو العيوب المصنعيه .. ما كأن شيء صار .. مثل الحروب لو يموت مسلم عادي عندهم ولا كأن صار شيء .. لكن لو يموت امريكي أو كلب امريكي .. يخلونها قضية فلسطين

والمقاطعه ما إستفدنا منها ؛ بالعكس طلع قرار قبل فتره بمنع إستيراد السيارات ؛ والله يستر من الجاي

يعني كأنهم يقولون غصب عليك تشتري سياره جديده من عندهم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وكلاء السيارات معهم شخصيات كبيره ؛ و حماية المستهلك ما تقدر تشوي شيء

أو أن

وكلاء السيارات يعطون رشاوي لحماية المستهلك

.. غش وتلاعب ورفع أسعار ولا حسيب ولا رقيب ..


up 5 down 2
speed for ever 3705
قبل 6 سنه و 8 شهر



ملاحظه نسيت اضيفها لموضوعي :

أنا ما أقول لا تحب سيارتك ؛ لكن خلك حيادي وكبّر عقلك وخلونا نرتقي بتقديم النصائح والإستشارات لكل من يرغب بشراء سياره جديده

و أنصح أي واحد يبي يشتري سياره أو محتار بين سيارتين أو أكثر .. بأنه يجرب السيارات بنفسه بمختلف الظروف والخ... ويحكم بنفسه ويختار الشيء اللي يناسبه




up 4 down 1
speed for ever 3705
قبل 6 سنه و 8 شهر



قال الله تعالى : { إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ إِنَّهُ كَانَ ظَلُومًا جَهُولًا ( 72 ) } . سورة الأحزاب




up 6 down 2
speed for ever 3705
قبل 6 سنه و 8 شهر



الله يبيض وجهك فعلا هنا ناس غير أمينين ومتعصبين لفئات من السيارات وتلاقيها أول سيارة يمتلكها


up 2 down 1
الفقير الى ربه 344
قبل 6 سنه و 8 شهر



كلامك صحيح وأتمنى أنك تفهم كلامك هذا مزبوط وتطبقة

ومن ناحية العيوب وخداع الوكلاء فالحمدلله انا من النوع الي أبين المشاكل والعيوب

لاكن في أط
فال في الموقع تبين مشاكل سيارة معينة

يقلب الموضوع عليك ويقول انت تمدح في السيارة هذي وووو إلخ

او انت متعصب لسيارتك وكل وكلائنا يسوون كذا في السيارات

هذا بالله وش تسوي فيه ؟؟

وأنا الحمدلله أبين للأعضاء من ناحية وسائل السلامة أقول أن سياراتنا تخلو من وسائل السلامة تماما

أيضا تخلو من مواصفات الاصلية أغلبها قطع صيني

وللمعلومية ياصاحب الموضوع قبل فترة نزل موضوع عن الاكورد ورديت فيه جاني ديسلايك في جميع مواضيعي

بما أنك محب للأكورد أقلك ياليت كلامك هذا تطبقة وماترمية على الاعضاء وتمشي






up 3 down 5
ls caprice 2078
قبل 6 سنه و 8 شهر



اط فال = أطفال ***


up 4 down 5
ls caprice 2078
قبل 6 سنه و 8 شهر



كلامك صحيح والصراحه على ماقلت بعض الاخوان يمدح سيارته تشك انه هو الي صانعها 

الله اكبر ويين الدنيا بدينا يا شعب الاسلام نتنافر على شان سيارات


up 4 down 0
دحيم٧٧٧ 2204
قبل 6 سنه و 8 شهر



بالفعل كلامك صحيح ومنطقي ،، خلونا صريحين ،، أنا بصراحة معي موتر متعبني ،، وكل ما احد سأل عنه علمته ،، وقلت له أبعد عنه ،، والموتر لازال معي


مافيها شيء الواحد يوضح لغيره


up 2 down 0
أبو أحـــمد 2424
قبل 6 سنه و 8 شهر



الله يحيكم والله يعطيكم العافيه جميعاً على الردود

ls caprice
يا أخوي أنا الحمد لله فاهم كلامي ومطبقه
لكن أنت اللي أتمنى تفهم كلامي مزبوط وتطبقه ؛ و انت متعصب و دائما تمدح وتمجد الكوري والهونداي وتسب السيارات الثانيه والأعضاء يعرفون الشيء هذا وشايفين مواضيعك وردودك حتى القديمه ؛ المشكله مو مشكلة كوري أو هونداي

لا المشكلة بالمتعصب مثلا يقول تويوتا أحسن سيارات بالعالم - هوندا أحسن سيارات بالعالم - هونداي أحسن سيارات بالعالم
والخ... ولا ينصح إلا بالشركه هذي وبنفس الوقت أنواع السب بالسيارات الثانيه

أنا ما أدافع لا عن تويوتا ولا هونداي ؛ لكن بأحد ردودك تسب التويوتا وتقول قطع صيني ومواصفات الأمان سيئه .. وثم تمدح الكوري اللي انت تقول أن وكلاء هونداي يركبون قطع صينيه

وقبل 4 ايام .. انت نزلت موضوع عن تلاعب وكلاء هونداي بالمواصفات
http://montada.haraj.com.sa/14953/%D8%B1%D8%AF-%D9%84%D8%A8%D8%B9%D8%B6-%D9%82%D9%84%D9%8A%D9%84%D9%8A%D9%86-%D8%A7%D9%84%D9%85%D8%B9%D8%B1%D9%81%D8%A9-%D9%81%D9%8A-%D8%A7%D9%84%D8%B3%D9%8A%D8%A7%D8%B1%D8%A7%D8%AA-/

وأحييك و أشكرك على موضوعك

وانت الحين تحاول تقلب الموضوع علي .. بعض كلامك اللي قلته ينطبق عليك يا أخي

طيب واذا جاك ديسلايك ؛ كل الناس يا أخي يجيها ديسلايك حتى أنا ؛ طيب أنا وش دخلني يا أخي ؟؟
أنا كاتب الموضوع هذا لحل مشكلة التعصب والإستشاره والأمانه والخ... وليس عن مشكلة الديسلايكات والنقاط

شف إبراهيم التركي خصمو يمكن 5000 نقطه أو أكثر ؛ ولا همه

وياما جتني ديسلايكات من متعصبين ولا همني ؛ النقاط تروح وتجي ولا همتني ولو تروح كلها عادي أهم شيء أعبر عن رأيي

و انا الحمد لله مطبق كلامي ولا رميت كلامي على الأعضاء ومشيت

صحيح أني محب للأكورد ولكن هذا ما يعني أني أظلم السيارات الثانيه ؛ بالعكس أقول عيوبها ومميزاتها والخ... بكل حياديه وبكل صراحه لأني غير متعصب

يعني حرام أني أكون محب للأكورد ومعجب فيها ؟ .. وحلال أنك تكون محب ومتعصب للكوري والهونداي ؟

الأكورد الستاندر (بالسعوديه .. ما أتكلم ترى عن خارج السعوديه ) أقل فئه يجي فيها ABS وإيرباقين من الموديلات القدييييييمه والآن صارت افضل في 2013 صار فيها مواصفات أمان أفضل

والوكيل ما يتلاعب بالمواصفات وخاصة الأمان لكن عيبها غاليه

يا أخي الإعجاب بسيارات معينة أو حب سيارات معينه حريه شخصيه والناس أذواق ؛ لكن المشكلة بالتعصب

وهذي أحد ردودك تسب الكراون فكتوريا والجراند ماركيز .. وتقول أنها تحب الورش والخ...
http://hyundai.montada.haraj.com.sa/10311/%D8%AA%D8%AC%D8%B1%D8%A8%D8%A9-%D8%AA%D8%B5%D8%A7%D8%AF%D9%85.-%D8%AA%D9%88%D9%8A%D9%88%D8%AA%D8%A7-%D9%83%D8%B1%D9%88%D9%84%D8%A7-vs-%D9%87%D9%88%D9%86%D8%AF%D8%A7%D9%8A-%D8%A7%D9%84%D9%86%D8%AA%D8%B1%D8%A7-/

و تقول الكابرس واللومينا متعبه وخرابات

وتقول الكورلا ما تتحمل مكينتها وتخبط

وتقول مره أنك شايف اكسنت اعدمت بودي فورد ؛ وكأن الفورد ورق والأكسنت ماجاها شيء إلا الباب فقط ... يا أخي حدث العاقل بما يعقل !!
http://toyota.montada.haraj.com.sa/11275/%D8%A7%D9%81%D8%B6%D9%84%20%D8%B3%D9%8A%D8%A7%D8%A7%D8%B1%D9%87%20%D9%85%D9%86%20%D9%86%D8%A7%D8%AD%D9%8A%D8%A9%20%D8%A7%D9%84%D8%A7%D9%85%D8%A7%D8%A7%D9%86/

ودائما تنصح بالهونداي فقط

واضح من المتعصب حتى جاني ديسلايك على الآيه الكريمه بردي السابق

قال الله تعالى : { إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ إِنَّهُ كَانَ ظَلُومًا جَهُولًا ( 72 ) } . سورة الأحزاب


وهذا آخر رد معك ؛ وأي رد منك بالمستقبل بتجاهله وما راح اتعب نفسي بالنقاش مع متعصب



up 6 down 5
speed for ever 3705
قبل 6 سنه و 8 شهر




عبدالله هاشم من موديل 2013 بدأ ينقص بالمواصفات و الإكسسوارات .. عشان تطلع عليه أرخص ويكسب فيها أكثر

مثل الكاميرا الخلفيه والحساسات الخلفيه ؛ مخليها بالفل العادي والفل النفقيشن

وبأمريكا الكاميرا الخلفيه والحساسات قياسي بكل الفئات

وبأمريكا .. نظام تعزيز الثبات VSA و نظام التحكم بالسحب TCS .. قياسي بكل الفئات
وعبدالله هاشم الستاندر مافيها VSA ولا TCS .. لكن فيها إيرباقين و ABS ونظام توزيع قوة الفرامل EBD
وباقي الفئات عند عبدالله هاشم فيها VSA و TCS

الأكورد الستاندر الإمريكيه فيها 6 إيرباقات

ميزة عبدالله هاشم أنه ما يركب قطع صينيه والخ... السياره شد بلد لكن مواصفاتها أقل من الأكورد الإمريكيه




up 4 down 6
speed for ever 3705
قبل 6 سنه و 8 شهر



أخوي speed for ever

انا ماقلت عنك شي بس قلت أتمنى تفهم الموضوع حقك وتطبقة

ولا أتهمتك

والديسلايك مايهمني وقد قلت أكثر من مره

لاكن ان ذكرت الديسلايك ان في أعضاء نتعصبين جدا للاكورد

وحبيت أنبهك فقط

وبالنسبة لردودي الي ذكرتها كلها صحيحة والحمدلله

ولاني متعصب الحمدلله وبأمكاني أقابلك ونروح نسأل الصناعية

عن اللومينا والكابرس الاستررالية

ونشوف كلامي صح ولا غلط

وبالنسبة للفورد والاكسنت الحادث هذا شفته تقريبا في عام 2001 والاكسنت الظاهر موديل في التسعينات والفورد دوبه جديد

وأنا أقسم بالله اني صادق في كلامي هذا

والكورلا خويي وهو جاي من ديرته خبطت عليه

وقريت في المنتدى كم مره مواضيع عن الكورولا مخبطة السبب كان راجع من سفر وخبطت عليه

وثق تماما أني أقول كلام وأنا صادق فيه أن شاء الله

وتبغى تاخذ رقمي وتجي تتاكد ترى معنا كورولا 2009

والله على ماقول شهيد

وماكان له داعي تنزل ردك الي فوق

والاكورد ماحد تكلم فيها وماحد سبها

وكلامي عن قطع غيارها أنها غالية فهو صدق

وأحب أقلك أترك النفاق لأنه ماكان له داعي انك تستلطف أعضاء الفورد واللومينا والتيوتا وتتهمني بأني كلامي خاطء علشان يوقفون معك

وإذ كلامي الي قلته فوق زعلك فترى ماقلت الا شي صحيح والدليل أدخل على أسمك وأنزل أخر موضوع تسب فيه السيارات الكورية وأصحاب السوناتا

وهذا هو التعصب بعينة







up 5 down 5
ls caprice 2078
قبل 6 سنه و 8 شهر



الامانة الامانة فوق كل شيء
لكن تعرفون الفساد من اين ياتي 
الله يصلح الحال


up 2 down 0
ابو عبدالله احمد 3471
قبل 6 سنه و 8 شهر



ls caprice مااقول الا الله يرفع عنك ولا يبلانا


up 3 down 3
abo fahhad 52
قبل 6 سنه و 8 شهر



اعجبني كلامك صراحة 


up 1 down 0
سلطان سعد 1014
قبل 6 سنه و 8 شهر