رايكم ي اخواني الله لا يحرمني منكم ...حسيت انه مضحوك علي

سوال واحد  .. 
هو  قال لك انه بيصير كذا  قبل لايبداء الشغل ولالا .. ؟

شوف فلوس قليل شغل اي كلام
فلوس كثير شغل 100%
يعني الخلاصة إذ تبغى تصلح سيارتك ودها عند واحد شغله فنان
اما ابو 100 و200 شغلهم اي كلام
وانا رشيت سيارتي بابين والحين كل ماغسلت السيارة تقشر جزء من البوية
رحت للي رش سيارتي قالي انا يشتغل على قد فلوس
في زيادة فلوس شغل ميه ميه
في نقص فلوس شغل اي كلام
والحين مضطر اني ارشها من جديد والله يعين

بلاك بيري ..
 هذي بيبان وجسر ورفرف  ومدري وش بعد  .. واقل شي بياخذ عليها  1500

بسس انت  صادز  بعد  .. ع‘الكلام  اللي تقوله  .. انا عن نفسي متعامل مع  ورشه  انا والعيال  كل  ماصار شي لاسمح الله  عنده  .. 
منها  انه  لاطلع  شي بعد  التصليح  يصلحه  .. ومنه يخفض السعر لنا مقابل الزباين اللي نجيبهم .. 

لا تترك حقك الي يسويها وهو مايشوف الدرب
ولاعلى الاقل تقبل تعويض..حلوه هذي اعطيه فلوس يخرب سيارتي وش لو ماحاسبته وش بسوي...يالطيب لاتترك حقك

دق ع الشرطة وانت عنده
واذا جت قل للعسكري الموضوع و خله ياخذكم للشرطة و افتح محضر شكوا عليهم
و بتطقة الرجفة سوا وافد اجنبي او سعودي
انت لك حق و هو انك تستلم سيارة مصلحة زين

والا كيف يصلحون سيارات معدومة و يقصصون فيها و تطلع تمام التمام و لا تقدر تعرف 
الا بالموت و هذا مو قادر يصلح صدمة و انت جايب كل شي جديد!!!!

وجهة نظرك اسمحلي خطأ اخوي بﻻك بيري
يعني اذا المبلغ غالي اكيد شغلهم ممتاز ياما فيه ورش شغلهم وكاله وسعرهم معقول

والشي الثاني اخوي الله يهديك صاحب السياره ترا اذا ماحصلت لك ورشه ممتازه ولى تثق فيها الحل تروح تلف الورش وتشوف السيارات اللي يشتغلون فيها والسيارات المخلصيين منها وتقلبها وتشوف شغلهم على الطبيعه ولا تدخل سيارتك الا بعد ماتشوف الافضل بينهم
بس للي صار صار وانا نصيحتي انك تشوف لك سمكري ناصح وتعرض عليه سيارتك بوضعها الحالي وهو راح يدلك ع الحل
اذا تتصلح ولا لا
بالتوفيق للجميع..

اي مية واي ميتين ريال ي اخواني الله يحفظكم ... السيارة مصلحها ب٥٨٠٠ ريال والله ع ما اقول شهيد ...

والورشة لها سمعتها . ... لكن عشان تكونوا ع بينة هو قبل قال لي اجيب جسر جديد من الوكالة ... ما حصلت جديد ولا بالتشليح ... قال السمكري خلاص انا بعد الجسر القديم .وبعد التعديل صار يتعذر بان الجسر القديم مطعوج بزوود وهذا اكثر اشي اقدر اسوية ...


مشكورين جميعاً

نصيحتي تروح على شيخ الورش تشتكي عليهم وهو راح يخليهم يضبطونها لك زي البشر أو يرجعون لك فلوسك

ناصر../ شيخ الورش اول مرة اسمع به...!

مشكور ياغالي

اخوي لاتتنازل عنه طفشه اقعدله قله 8500تروح مني هباله اجيبها بلعبه انا قاعد ومن ده الكلام بس المبلغ كبير بحكم انك صلحت بس الجهه اليمين واذا سوا فيها اشتكي عليه واصر انها ترجع احسن من اول

لانه مهما صار لازم يرجع الجسر من جديد بلا غل هباله وكلام فاظي ياما ناس سيااراتهم هنا بجده تصير علبه ويرجعونها كانها وكاله

جسر الأبواب أو مايسمى عندنا بالعاميه ( السمكه ) تقريبا لايقبل التعديل لوجود تصفيحات كثيره فيه ولكن مالك إلا التشليح تاخذ منه ولازم ترجع للورشه لأن بينكم إتفاق على الشغل السليم أو تسترجع فلوسك لأنك بالأخير ماستفدت

يا رجال ارجع له ودق على الشرطه لو شرط عليك هو من البدايه معه حق لكن هو قال اعدلها لك

مالك الا شيخ الصناعية اسال عنه او هدد راعي الورشة انك بتوصل الموضوع لشيخ الصناعية/محمد المشعل

صارت لاخوي قصة رش الكامري 97  رش كامل وطلعها بعدها بشهر اكتشف انة راشها بدون اساس  يعني شغل اي كلام  راح تفاهم معاهم ماعطوة وجه  المهم راح للشرطة واشتكاهم على طول  جو يقولون وش تبي نسوية لك  ودخلوها ثاني مرة  وزبطوها ثاني مرة وبوية فرن صح 
الزبدة اخوي ارجع لهم قول مازبطتوا شغلكم ياتصلحوة ولا بشتكي اذا مانفع معهم اقرب فرع للشرطة يجيب حقك وانت مانت خسران شي لو شكيتهم 
شيخ الورش لانجية لان اغلب الورش يعطونة من تحت الطاولة  ويضيع حقك 

لو مكانك العضو ابراهيم التركي وش تتوقع بيسوي في صاحب الورشة!!  والله ان يضبطهم شوفه طب بحفرة بسيطة في جدة
راح شكى البلدية وجاب المرور وحاسهم حووس وبالأخير انتصر عليهم وخذا لوه تعويض 6000 ريال. خذا حقوه بلسانه 
الله يعينك ياخوي والله مايجون إلا بالعين الحمرا روح على قولت الشباب الطيبين لشيخ الصناعية وعلمه بالسالفة وان شاء الله
بيفيدك ولا مالك إلا الشرطة .  

علمنا وش يصير معععك

لا تتركهم حراميه نصابين لزخ عمالهم

مرحباً بكل من مر من هنا.... عاجز عن شكركم الله يحرم النار عن هالوجية ويرحم والديكم..

رحت اليوم للورشة وقابلت السمكري وارسلني ع مديرة الثاني( باكستاني) شاف السيارة وقال ان التعديل مضبوط لكن الرفرف والباب تحتاج لوزن جيبها لي بعد بكرة واضبطها لك ...!

قلت له السمكري اللي صلحها شافها وقال انه فعلاً الباب والرفرف داخله ومو راكبة زي الجهه السليمة ..!

قال لا انا اخليه يضبطها لك هي ما تحتاج الا وزن وووبس...!

المهم هددته بالشرطة والباكستاني قمط العافية وقال لا خلاص جيبها بعد بكرة اسوي لك التلقيطات واوزن الرفرف والباب ...!

طلعت من عنده ورحت لورشة اتراك معروفة بشغلها النظيف .... قلت للتركي شوف الباب والرفرف راكبه ع الجسر زين والا لا؟!

شافها التركي وقلب السيارة من جميع الاتجاهات ... قال مشكلتها بسيطة تحتاج فقط وزن رفرف ...!

قلت طيب والقاعدة اقصد الجسر مركب زين والا مطعوج داخل..؟!

قال الجسر شغله مضبوط وهو صعب قليل اللي يعرف يسمكرة وممكن هذا اقصا شي يقدر يسويه اي سمكري ..

اللي استغربته من كلام التركي انه قال دخلة الباب والرفرف مو مبينة بالمررة الا للي يدقق كثير ... وقال اني موسوس بالسيارة خخخخ

قلت له طيب بجيب جسر جديد واركبة عند ورشتي الاوله ...!

قال ما انصحك ،،، ولا راح يتغير شي كثير ،،، لان ما راح يلاحظها الا صاحب السيارة اللي سمكرها ...

وبعد قال ان قص السمكة او الجسر من جديد راح يعدم السيارة عليك والنتايج ما تسوا كل هالبهذلة ...!


هذا اللي صار معي اليوم ... اتمنا لو احد عندة توجية لا يقصر معاي ...تراي اخوكم ومحتاج الراي والمشورة منكم لا عدمتكم...

انصحك اول شي تروح للورشة الاولى ولا تسوي شي خلها لين يوزن الرفرف والباب وخلك فوق راسة لين يخلص وساعتها يشوف ياتزبط واذا باقي مازبطت خله يزبطها ثاني مرة لا تستعجل وتغير حاجات بتكلفك