حل لمشكلة الحراره مرسيدس 560

هلا اخوي حياك
وش نوع الرديتر اللي عندك ؟
كم مقاس بلف الماء ؟
كم مقاس حساس المراوح ؟
انتظار الرد

ممكن يكون الرديتر وممكن مكاين المروحة ضعيفه

في البداايه شيك على الرديتر وسوي له تصييخ اذا ما نفع معاك التصييخ معناته الروس تعبانه

اذا كل ما دزيت للموتر ارتفعت حرارته هذي سببين يا الروس يالرديتر مدامك تقول هو مراوح تبريد

احتمال كبير من كلتش المروحه .. أو الرديتر يبغى له تفريغ الهوا .. وهذي ضروريه جدا ويجهلها بعض أصحاب السيارت

اذا كانت الحرارة على التسعين او تحته فأعتقد انها طبيعيه

الجواب الصحيح فيما كتبه الأخ m3jid

+
وش نوع الرديتر اللي عندك ؟
كم مقاس بلف الماء ؟
كم مقاس حساس المراوح ؟ +
و حبيبي لا تغيير أي شيء و لا تتعب حالك ؛ إنما فقط غير مقاس البلف و حساس المراوح ؛ خلها مقاس 80 أو أقل .........

الله يعطيكم العافيه على الردود

بلف الحراره مقاسه 80 والمراوح تشتغل على 85 وكلتش المروحه ممتاز مافيه شي الرديتر الاصلي حق الوكاله
ولكن ماسويت له تصييخ مع ان المويه اللي فيه زرقا اصليه ماهي عاديه وماشاء الله الموتر نظيف فما اتوقع انه ضعف في الروس
الله اعلم وين المشكله؟

طيب سويت تجرب تفريغ الهوا .. من الرديتر .. هذي كثير من حقين الورش يجهلها وتراها سبب من اسباب الحراره منها

المشكلة انتهت بتفريغ الرديتر او المشكلة قائمة

السلام عليكم عندي 560 مع السرعات العاليه ترتفع حرارته مع اني مغير راديتر اردني ومشيك على المراوح وتماتيك المروحه والبلف مقاس 71 افيدوني جزاكم الله خير 

مشكلة اساسة في المرسيدس تسخين الرووس !!
ممكن لان المكينة المونيوم مع كثرة الحرارة تضعف مسامير الراس وتهمل فيكون فيه تنسيم خفيف في الراس!!
في اوروبا يسمى النوع القديم بقاهر الجليد لكن على اجوائنا هنا مايتحمل...

افيدونا جزكم الله خير عندي نفس المشكله 

انا معاي 560 مديل 90 جلست سنة كاملة اعاني من الحرارة ماتنزل عن ١٠٠ بصيف او شتاء كل شيء سويته كل شيء غيرته رديتر وغيرت بلف وغيرت مراوح الخارجية وغيرت كلتش المروحة وغيرت خراطيش وغيرت القربه مع الغطاء يعني مافيه حاجة الا وسويتها بالاخير شافها واحد عنده خبره مكانيكي شاب سعودي قريب لي واخذ الموتر وجربه بعدت مشاوير وقال مشلكتك حلها عندي بعد مافحصها جبناها للبيت وجبنا العدة والمفاتيح وفكينا بلف الحرارة ورميناه بزبالة وكملنا اشغل لين انتهينا وعبينا الاديتر وليومك هذا ولله ألّـحـــــــــمّـڊ الحرارة ناااااامت وثابته عَـلـٰىٓ ٨٠ وقت الحر ومع المكيف تاصل ٨٥ 
اخواني انصحكم بالاغاء بلف الحراره اذا كانت سيارتك تعاني من حراره خاصه المكاين الكبيرة ... وشكرا

اخوي ممكن تتواصل معي والله اني اعاني من مشكله مع السرعه 200 وتحت ترتفع ومع التهديه تنزل غيرت كلتش غيرت اديتر اردني ولا فيه فايده 

او حد يدلني ع ورشه كفو في الرياض الله يحرم وجهه عن النار 

السلام عليكم اخوي الي ملغي بلف الحراره كيف مايضرها السياره وطبيعي ماشيه معاك لااني انا اعاني من الحراره عندي اللي الصغير الي يطلع على القربه مايوصل تمام يقطع الويه وترفع الحراره عليه 

السلام عليكم ..أذا أمكن أستفسار ..بالنسبه نفس الموضوع الحرار ..كانت الحراره ثابته ماشاء الله ,بعدها بسنه صارت ترتفع ماشي لو واقف فوف 90 كلشي عملتعه ..أخر شي لاحضت الهوز الصغير بين القربة وارديتر بعد ماتوقف أطفي الموتر رطوبة أثر ماء من الهوز الصغير ..علي الرغم جديد ومشدود عدل ..أذا أمكن ماهو السبب

الموضوع الثاني من يوم أخذت الموتر له عندي 3 سنوات ..ريحة بانزين داخل السياره تحشر ..عرضتها لكثير من الورش ..كل شي غيرته.فلتر الرفرف +الشكمان +بلف الراجع الخلفي +بلف الراجع الامامي منظم البانزين العنكبوت .قربة المنظم مع القطعه السوده ..سكرت فتحة المكيف ..ربلة الشنطه+ربله الخزان +ربلة ,,كلشي عملته الريحة لازالت ..أتمانا أحد يفيدني .جزاكم الله خير