أضف سؤال أو موضوع جديد          

السيارة أداة لقضاء الحاجة لا أكثر

up 15 down 2



السلام عليكم و رحمة الله و بركاته ,,

أسعد الله أوقاتكم بكل خير حبايبي و اخواني , اليوم حاب أناقشكم بموضوع مهم جداً بالنسبة لي أنا شخصياً و أتمنى تشاركوني
الرأي سواء بالإتفاق أو الإختلاف وكما قيل في المثل المعروف: ( إختلاف الرأي لا يُفسد للود قضية) !!! بصراحة أنا لاحظت
كثيراً في الآونة الأخيرة بالمنتدى طرح إستفسارات من الأعضاء عن (أفضل بنك في تقسيط السيارات , أفضل عروض الوكلاء
لتقسيط السيارات إلخ ...) و بالحقيقة حلو إن الواحد يعتمد على نفسه و يشتري سيارته من حُر ماله دون أخذ عطيًة أو هدية من
الأهل و لكن !!!! و حط تحت كلمة لكن عشرين خط !!! أنت اللحين دخلت في الحياة العملية و رزقك الله وظيفة براتب جيد تقدر
تدخًر مبلغ من المال لحياتك المستقبلية , ليه تدخل نفسك في قروض و أقساط عشان (تتمنظر) قدام العالم و بالأخير تكتشف
إنك ما سويت أي إدخار للمستقبل !!!! أنا ما أتكلم عن اللي مقسط سيارة جديدة مثل: (سوناتا , كامري إلخ ...) هذولي نقدر
نعذرهم لأنهم يبون يشترون سيارات جديدة تعفيهم من غثا الورش و الصيانة !!!! لكن يجيك واحد راتبه 6 أو 7 آلاف يروح
يقسًط بي إم دبليو (الفئة السابعة) عشان يثبت للناس إنه ولد نعمة و رزًة وهو أصلاً ما يقدر على تكاليف صيانتها وتلقاه بآخر
الشهر ما بجيبه (50 ريال على بعضها) !!!! هذا أعتبره قمة المرض و التناقض مع النفس و محاولة إكمال النقص في الشخصية
بالنواحي المادية !!!! أنا ولله الحمد و المنًة ما عمري تسلفت من أحد أو أخذت قرض من بنك !!!! لأني بقرارة نفسي حاط 
قناعة إنك تقدر تبرمج نفسك على قد دخلك !!! يعني راتبك 5 آلاف أو 6 آلاف حاول تاخذ سيارة على قد حالك تقدر تصينها
توفر قطعها بدون ما تنضغظ مادياً , و طبعاً في قاعدة إقتصادية معروفة تقول: (كلما زاد دخل الشخص زادت مصاريفه) وهذا
الشي صحيح يعني لو أنت شخص دخلك بسيط و بعد فترة إرتفع دخلك , راح تلاحظ تُغير في مُعدل الصرف عندك بدون ما
تلاحظ حتى !!!!  طبعاً في بعض الأعضاء راح يقولون إن كل شخص يمد رجوله على قد لحافه و إن مافي أحد راتبه 6
آلاف راح يقسًط بي إم (الفئة السابعة) لا والله فيه !!! وهالمثل اللي طرحته هو عن شخص أعرفه عزً المعرفة و قد طرحت
قبل موضوع عنه , و لا مانع من التكرار للفائدة !!! شكراً لكم حبايبي و أتمنى إن موضوعي ينال إعجابكم .


همسة: ( لاتحرمني أخي العزيز من إضافة , مشاركة , إقتراح إلخ ... أستودعكم الله التي لا تضيع ودائعه)

محبكم && أبو طــــــــــــــــلال









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي من كثر ما احب البي ام دبليو الفئة السابعة
ودي اخذ فكتوريا 98 وارهمه بي ام دبليو....!!!
ترا ما عندي مشكلة
عالعموم شكرا لك اخ غرگ جمالگ ومرة ثانية لاعاد تطلع حبيبتي.....هههههههههههههههههههههههههه


up 5 down 0
ali-911 3097
قبل 6 سنه و 8 شهر



وعلى فكرة....ترا بعضهم ما يبي ياخذ سيارة علشان يتكشخ فيه
لا.....كان حلمه يبي ياخذ هالسيارة حتى لو كان غالي
علشان كذا يبي ياخذ قرض علشان يشتري يللي يحلم فيه
عالعموم......الله يرزقنا الجنة


up 5 down 0
ali-911 3097
قبل 6 سنه و 8 شهر



بعضهم يمكن تكون عنده عقدة نقص ويحب يكملها بالمظاهر الكذابه حتى يجذب الأنظار له والتصرف الصحيح يكون بين هذا وهذا يختار سياره تقضي لزومه وتكون مناسبه له 


up 6 down 1
جمس فورتيك 43
قبل 6 سنه و 8 شهر



ليش ربطتوها بالمناظر .. تحديد السياره ع حسب اوليات الشخص ... فيه شخص لو كورلا اهم شي توديه وتجيبه ... وفي شخص يحب السيارات عنده هوايه ويشوف فيها اشياء ما تشوفها انت ي الي تقول قضاء حاجه .. معايير كثيررره انت ما تعرفها هذا عند الي يحب السيارات او يحب سيارات معينه بشخصيه محدده .. يعني هل الي يشتري سياره فارهه نقول عليه لازم تخطط لتدخر لمستقبلك .. ؟ كل شي حسب اوليات الشخص يعني حسب الاهميه ما انكر وجود ناس يفكر بالسياره قبل كل شي وخطا يقرض نفسه واهله عشان يطق له لكزس واهله يعانون 


up 5 down 1
meshal82 507
قبل 6 سنه و 8 شهر



بالعقل اكيد واحد راتبه ٥ الاف مومعقول بيطلع بي ام  تقسيط حتى لويحب السياره 
اللي قادر بيفكر فيها 
الله يرزق الجميع 


up 4 down 0
aalkassim 180
قبل 6 سنه و 8 شهر



السيارة تعكس شخصية صاحبها قدام الناس والواحد يشتري اللي يناسبه يعني اللي راتبه 20 سيارته ماهي مثل اللي راتبه 5 الاف مثلا

ليه احرم نفسي من سياره نفسي بها وبالنهاية كلنا ميتين


up 4 down 0
المحترف 2012 2125
قبل 6 سنه و 8 شهر



تستاهل لايك اطلق من البي ام انت ومشاركينك .. تسلم على الموضوع الجميل .. ومثل ما قلت يزيد راتبك تزيد مصاريفك .. لايك .


up 3 down 0
مستر بن . 10375
قبل 6 سنه و 8 شهر



ياخي كلامك على عيني وراسي و تشكر عليه 

لكن اذا انا امسك خطوط يومياً او اسبوعياً يلزمني سيارة مريحة 

في اقل من سنه مسكت اكثر من ٣٠ مشوار 

الطايف - الباحة 
الباحة - الطايف
الطايف - مكة 
الطايف - جدة 
جدة- الباحة 

وكلها على ددسن اقسم بالله معاناه 

فالواحد يشتري السيارة على حسب احتياجه 

لكن انك تنزل موضوعين عن انسان واحد اشوف ان مالها داعي 

الله يبارك له فيما تملّك وانت الله يرزقك احسن منه 


up 1 down 0
thanx 78
قبل 6 سنه و 8 شهر



انا معك 100% لكن سبحان الله ، المجتمع هنا يهتم بالمظاهر كثيير ، يعني مثلا انا لدي سيارة كورلا قديمة والا فيراكروز موديل جديد ، لاحظت كثير في نظر الناس اليك 
مع الكورولا ينظروا اليك انك فقير وتحتاج مساعدة ، ومع الفيراكروز ينظروا اليك على الراس ، وفي الاخير الاعمال بالنيات ، واللي يراقب الناس يتعب ، اللع يقنعنا بما رزقنا 


up 1 down 0
على الله تعالى توكلنا 2
قبل 6 سنه و 8 شهر



والله اعرف واحد قريب من السكن اللي انا فيه شغال في الاتصالات وراتبه 6300 

مطلع رانج روفر 2012 يالله عاد احسب قطع غيار السيارة مع قيمة تقسيط السيارة مع لوازمه الشخصية الله يعين بس 


up 2 down 0
hamad2008 1557
قبل 6 سنه و 8 شهر



ماشاء الله عليك ياصاحب الموضوع مواضيعك كلها مميزة 


up 1 down 0
hamad2008 1557
قبل 6 سنه و 8 شهر



كلام سلمي وحقيقي .. خصوصا مع زيادة الدخل تزيد المصاريف والله صدق الراتب يزيد وانت نفس ما انت مادري كيف اسال الله ان يرزقني واياكم الجنه فهي غايه لابعدها غايه


up 1 down 0
adil ali 1741
قبل 6 سنه و 8 شهر



الله الكريم و نسأله من فضله.


up 1 down 0
ابوحكمت 1
قبل 6 سنه و 8 شهر