أضف سؤال أو موضوع جديد          

يا اخوان انا ع حق والا موسوس...؟

up 4 down 2
غشيم 363
قبل 8 سنه و 10 شهر



سلام عليكم ...

ذكرت في موضوع سابق عن مشكلتي مع ورشة السمكرة ... باختصار صلحت سيارتي كابرس عند ورشة سمكرة وجبت القطع حديدة باب راكب +رفرف ... الا الجسر او السمكة قلت للسمكري يعدلها ... طلعت السيارة من عنده وكان الرفرف والباب داخله شوي ...

اليوم وديتها للورشة ع اساس يسوي وزن للباب والرفرف ... تميت عنده ساعتين وهو يوزن فيه.. وبصراحة اللي انا اشوفه بعد الوزن انه ما تغير شي بالمرة هي هي ...!

رحت لورشة ثانية قلت شيك ع الباب والرفرف داخله والا لا ..؟!

شافها .. قال لا داخله ولا شي ... ممكن شي بسيط داخله لكن مو مبينه بالمررة ...!

واردف وقال لو من الاول جايب للسمكري جسر ممكن يضبطها لك لكن اللحين حتا لو بغيت تجيب جسر وتقص القديم بتكلفك السمكرة ولا راح يتغير شي عليه القيمة ... والسيارة اذا كثر فيها القص والتلحيم بنفس المنطقة تنعدم عليك وتطيح بمشاكل لها اول مالها اخر ...

قلت له طيب شوف جهة السواق السليمة وارجع ناظر بجهه الراكب ..!

شافها وقال فيه فرق بسيط ... وصعبة ترجع زي الوكالة ... كذا حلوة خليها ...!


جبت اخوياي واحد واحد قلت شوفوا فيه فرق بالجهتين ...؟'

وكلهم قالوا مب ذاك الفرق الواضح ...!

وانا والله اشوف فيه فرق بين الجهتين ... مدري انا موسوس ويتهيا لي .. او عشان شفت السيارة مصدومة من قبل وجالس اتخيلها بالصدمة او او او ...!!


حتا ذا الموضوع مدري ليش كاتبه ... < من الوسوسة بديت اخرف ...!








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صورها ونعطيك العلم ..


up 6 down 1
ابو سعود629 4708
قبل 8 سنه و 10 شهر



تعوذ من ابليس يا رجال و خذ على كلام اخوياك و السمكري


up 5 down 1
sal.11 185
قبل 8 سنه و 10 شهر



ابو سعود .../ والله اني ناوي اصورها واخليكم تشوفونها معي وتحكمون ... لكن جوالي ابو كشاف ...اصبر لما احصل جوال بكاميرا وابشر بالصور الليلة ...



ابراهيم ...//

يالغالي صاحب الورشة الثانية يقول فيه فرق بسيط ما ينلاحظ الا للي يعرف السيارة من قبل ... يعني صاحبها والسمكري بس ... وسبب الفرق اني اصريت ع السمكري يعدل جسر الباب او السمكة ... هو بالاول قال جب جديدة لكن قلت له يعدلها ...!!

اللحين ما ادري يحق لي ارجع للورشة واخليه يركب جسر جديد وانا اللي قايله من قبل عدل الجسر ...؟

شكراً لكما


up 0 down 1
غشيم 363
قبل 8 سنه و 10 شهر



Sal..// اعوذ بالله من الشيطان ،.. والله اني في حيرة من امري ... كرهت السيارة ... شكرالم


up 1 down 1
غشيم 363
قبل 8 سنه و 10 شهر



عادي ياخوي لاتوسوس ,, انا راح علي جنب كامل والسياره 2011 ماكملت ال 60 الف كم وعادي ياخوي لاضيقت صدري ولا شيء راس مالها سياره اهم شيء توديني وتجيبني ..


up 6 down 1
ابو سعود629 4708
قبل 8 سنه و 10 شهر



ابو سعود...:: الله يعوض عليك يا غالي ... والله موتري ٢٠٠٩ جديد ما وصل لل١٠٠ الف ...

واللي قاهرني وفاقع مرارتي ان تصليحها كلفني والله ع ما اقول شهيد حوالي١٥ الف ريال ....

باب ورفرف جديد حتا الكبوت كان ممكن يتسمكر لكن جبته جديد من الوكالة ... لكن الدبرة يا اخوك من جنب القدة ... تخيل القطع كلفتني حدود ال٩٠٠٠ ريال وكل شي جبته ما عدا الجسر اصريت انه يصلحه ...!

وشغل يد الورشة ٥٨٠٠ ريال ... وش اقول وش اخلي ... طفرت بي بالبداية واللحين اشغلت تفكيري السمكرة ..


up 1 down 1
غشيم 363
قبل 8 سنه و 10 شهر



Bmw777 /// شكراً اخوي وبحاول اتجنب التفكير بها لكن والله غصب عني انا دقيق جداً...


ابراهيم ...///طيب يا غالي الجسر ما زينه ١٠٠٪ يعني تعديل الجسر اعطية بالكثير ٩٠٪ ... لان والله فيه تنسم هوا بسيط من تحت الباب ... وبرضو من داخل عند لباسة الباب فيه فراغ قد الاصبع بين البدي والباب ...

هي صحيح غلطتي من البداية ما جبت له جسر جديد ...

الشكوا لله ...


شكراً يا غالين ... ما ننحرم


up 2 down 1
غشيم 363
قبل 8 سنه و 10 شهر



انت مثل حالي اوسوس على شغلات ما تستاهل ..

اذا الفرق بسيط خلها مثل ما هي عليه ..


up 4 down 1
yazeed793 7883
قبل 8 سنه و 10 شهر



Bmw777// جزاك الله اخي الكريم ... وشكراً لك ع النصيحة وبحاول اتناساها بس ماش كل ما طلعت عند باب بيتي رحت اتلمس الرفرف والباب هههههههه شر البلية ما يضحك !


ابراهيم ..// بالاول هو قال لي جيب لي جسر جديد او من التشليح (قصة) عشان اضبط شغلي ع الملي ... قلت له لا ابيك تعدل الاول اذا فيه امكانية ... قال خلاص اعدل لك الاول وان شالله يضبط بس لو تجيب جسر او سمكة كاملة افضل من التعديل ... المهم خليته يعدل فيه ... ولا ضبطه ع اللي كنت اتصورة يعني الجسر فيه ميلان بسيط الان والسمكري يقول هذا اخر شي اقدر اسوية بالسمكة .. من الاول قايل لك جيب جديد عشان اضبط لك الشغل ..<< حط البلا فيني ...!!

شكراً ابراهيم ع التجاوب والرد ..


كن جميلاً.../الف شكر يا جميل .. مشكلتي اني دقيق جداً بس متا تطلع كل دقة الملاحظة ..؟! بعد ما يطيح الفاس بالراس هههههههه الله يعين ويهديني واياك وكل من يقرا لما فيه خير لدنيانا واخرانا ...




up 1 down 1
غشيم 363
قبل 8 سنه و 10 شهر



شاكر ومقدر لكم يا اخواني ع تجاوبكم الفعال ...لا خلا ولا عدم ....

واللي عندة راي لايبخل فيه...


الناس للناس والكل بالله...


up 1 down 2
غشيم 363
قبل 8 سنه و 10 شهر



ياخوي ترا اي واحد لاصار عليه حادث لاسمح الله على سيارته شي طبيعي بيكرها وتطيح من عينه ولو يصلحها وكاله

ماعاد يرضى عنها وبذات اذا كانت وكاله وجتها صدمه

انت استخدمها اذا ماكان في محركاتها شي وموترك انت عارفه بنفسه واستخدامك

واذا كرهتها ومالك خاطر فيها بيعها وشوف لك سياره ثانيه تملى عينك

ونصيحتي خلاص لاعاد تصلح فيها شي واستخدم وتوكل على الله


up 0 down 0
xktaqx 286
قبل 8 سنه و 10 شهر



لا توسوس

سيارة توديك وتجيبك

أحسن ما تروح تبيع بخسارة وتشتري سيارة الله أعلم بحالتها


وما تشوف شر


up 0 down 0
أبو عبادة 4852
قبل 8 سنه و 10 شهر