بالرياض لا تسوق وأنت معصب
20
1
إضغط هنا للإخفاء
السلام عليكم و رحمة الله و بركاته ,,,
اخواني و حبايبي أسعد الله أوقاتكم بكل خير , اليوم حاب أناقشكم بموضوع مهم جداً و بصراحة يتوجب علينا أخذه بعين الإعتبار
و الإهتمام وهي القيادة تحت تأثير العصبية والعجلة بمدينة مزحومة مثل الرياض و كلن ماشي بسيارته ويقول: (نفسي نفسي) !!!
أدنى خطأ منك في القيادة ممكن يجيك في أبسط الأحوال (تعليق بوري و تكشيح نور) و يا ويلك و يا سواد ليلك لو طحت في
واحد مو طايق نفسه و ناوي هوشة على أتفه سبب !!!! هنا تصير المشكلة والطآمة الكُبرى يلف عليك بالسيارة ويحاول يوقفك
غصب عشان يتمشكل معاك , طبعاً الشخص العاقل يحاول قدر الإمكان إنه يتجنب الإحتكاك مع مثل هالنوعيات لكن وش راح
يصير لو طاح واحد عصبي بشخص مثله ؟ طبعاً أنا ولله الحمد أحاول قدر الإمكان إني أتجنب حتى اللي يغلط علي في السواقة
ولا أزعجه و أحاول أوقفه , لأني تعودت على مثل هالمواقف , يجي واحد يلف عليك بسيطة خليه يمشي يمكن مستعجل أو ما
إنتبه لك !!! لو كل واحد لف علي بالغلط و كبرًت المشكلة يومياً راح أتهاوش أقل شي 5 مرات , طبعاً أنا أنصح الجميع
بالضغط على النفس و محاولة تخفيف المشكلة , ليش ؟ لأنه ممكن تتخانق مع شخص و ينزل عليك بفرد أو حتى حديدة يبي
يشلع راسك فيها !!! طبعاً الآن حمل السلاح صار عادي جداً و خصوصاً في بعض الأحياء في الرياض ما أبغى أذكر أساميها
عادي جداً تلقى مراهق عمره 15 أو 16 سنة معاه فرد ربع !!!! أو شاب صغير معاه رشاش !! و أنا لي صديق يشتغل في
البحث الجنائي يحكي لي قصص تشيبً الراس عن بعض المشاكل اللي تجيهم , والواحد بهالوقت يمشي على هونه ويقول يالله
السلامة , لذلك نصيحتي للشباب و خصوصاً العصبيين إذا ما كانوا يقدرون يمسكون أعصابهم لا يمشون وهم معصبيًن لأنه
ممكن لا قدرً الله العصبية هذي تعود على صاحبها بمشكلة إذا إستفحلت و زادت عن حدها , تقبلوا تحياتي و شكراً ...
همسة: ( تقبلوا فائق ودي و إحترامي , أستودعكم الله التي لا تضيع ودائعه)
محبكم && أبــو طــــــــــــلال
إبلاغ
الردود
جزاك الله خير على هذا
سبحان الله وبحمده سبحان الله العظيم
0
0
وانا بعض الايام ادخل اقرا فقط ولا اكتب شيء
لكن لنا عوده افضل من ذي قبل ان شاء الله
موفق حبيبنا ابو طلال
قبل 12 سنه و شهر