المنتدى للقراءة فقط. تم نقل المنتدى إلى حراج السيارات.

صارلي حادث - ولدي استفسار

تقييم إيجابي 7 تقييم سلبي 1
s-18 539
قبل 13 سنه و 8 شهر



السلام عليكم ورحمة الله وبركاته


قدر الله وماشاء فعل يا اخوان قبل شوي صارلي حادث على الدائري الشمالي

كنت ماسك الخط والله بلاني بواحد غشيم سوداني كان قدامي ماسك اليسار فجأه ضرب فرامل قدامي بقوه ما اشوف غير دخنة كفراته ،، والمصيبه مافيه احد قدامه صدمته من ورا وراعي كامري دخل علي من ورا


السوداني ماشفنا غير غبرته طبعا راح بقينا انا وراعي الكامري جا المرور وقيم ّ الحادث ان الخطا مو علي على راعي الكامري .. قال راجعنا لمرور الشمال

سيارتي من ورا ماجاها شي جاها من قدام


السؤال هنا الخطا راح يكون على مين ؟ على راعي الكامري صحيح ؟


وش اسوي اروح للوكاله ولا ايش علما ً ان السياره اقساط من شركة المتحده - تابعه لعبداللطيف جميل -


قالي العسكري راجع المرور بس .. لكن صاحب الكامري قالي راجع الشركه افضل لك


اعذروووني غشيم بهالامور هذي لان اول مره بحياتي يصيرلي حادث الحمدالله ع كل حال:)



ملاحظه : راعي الكامري تأمين شامل


تحياتي











الردود


اذا معك تأمين شامل التأمين يصلح مقدمة السياره واما مؤخرة السيارة يصلحها راعي الكامري او تأمين صاحب الكامري

والله يعينك هذا التأجير اللي ماتنتهي مشاكله


تقييم إيجابي 1 تقييم سلبي 1
abo fahhad 52
قبل 13 سنه و 8 شهر



الحمدلله على السلامه وماتشوف شر وانا اخوك

بخصوص الاحرائات اذا كانت سياره تاجير

مادري بصراحه وش الاجراء الافضل لك

لكن انتبه تروح الشركه لين تحسبها صح

ترى اذا الايرباقات طالعه ممكن يقطرونها تالف

انتبه اذا كنت دافع مبلغ كبير من الاقساط
اصبر ويجيك الخبر الاكيد
وماتشوف شر 
واخر المصايب

تقييم إيجابي 2 تقييم سلبي 1
مدرس عاطل 3
قبل 13 سنه و 8 شهر



أنا يوم صار علي حادث المرور قرر الحادث ؤبعدين شافوا الأوراق واكتبو لي ورقه مراجعه للشركه التأمين مع ورقت إصلاح ولازم تؤدي السياره قبل ل 3 ورشات يقيمونها كم تكلف 



تقييم إيجابي 1 تقييم سلبي 1
المشيعلي 454 3368
قبل 13 سنه و 8 شهر



يقطرونها = يقدرونها

الاحرائات = الاجرائات



تقييم إيجابي 2 تقييم سلبي 1
مدرس عاطل 3
قبل 13 سنه و 8 شهر



اللحين صدمت السوداني من وراء وانحاش السوداني ( على هذه احمد ربك ولا الغلط منك لانك مو منتهبه ) وزين انه انحاش لان المرور بحط الغلط عليك 

وبتتحمل سيارتين اللي صدمك من وراء والسوداني ( مرورنا متخلف ) 

ماعليك خذ قيمة التأمين من راعي الكامري طبعا بعد اسبوعين من الانتظار ( قدر السيارة في 3 ورش او الوكالة )

يفضل الورش وحاول تقوله ارفع قيمة شغل اليد لان التأمين راح يخصم منك مبلغ وأنا متأكد راح تدفع من جيبك اذا خصم 

وبعد ما تأخذ قيمة التأمين وكل شيء لازم تغلق ملف الحادث في المرور وتأخذ ورقة اصلاح منهم على شان تقدر تصلح السيارة في الورش 

واذا تبي تصلحها في الوكالة ما عندي معرفة هل تحتاج ورقة ام لا 

الله يكون في عونك ويعوض عليك 

تقييم إيجابي 5 تقييم سلبي 3
كروز_وبس 1042
قبل 13 سنه و 8 شهر



اول شي الحمد لله على سلامتك
ثاني شي روح للمرور بيعطونك ورقة تراجع ومقيم لسيارة ثاني شي بيعطيك الي يقيم اذا مكلفة بيحولك على شيخ المعارض
وهو الي بيقدر 
ثالث شي ارجع بالاوراق الي معك للمرور ولا تنسا خذ ورقة اصلاح من نفس المرور وانت واقف
رابع شي رح للوكالة وكذا اوراقك بتكون كاملة والكامل الله والوكالة هي بتعلمك الباقي

تقييم إيجابي 1 تقييم سلبي 1
سلطان سعد 1014
قبل 13 سنه و 8 شهر



الحمدلله على سلامه

تقييم إيجابي 0 تقييم سلبي 0
raeed.55 287
قبل 13 سنه و 8 شهر



الحمدلله على السلامه



والاخوان فادوك

تقييم إيجابي 0 تقييم سلبي 0
aboamani 1147
قبل 13 سنه و 8 شهر