هل جربت مرور شريط حياتك قبل الحادث

طيب ليه ماتترك مسافه بينك وبين السياره اللي قدامك ماذبحنا الا النوعية اللي تلزق فيك والخط مزحوم قدامك
وبعدين انا صارت لي نفس قصتك لكن كنت ماسك اليسار ومعطيها وفجئه سايق الددسن اللي في المسار الاوسط مدري وش طرا عليه وهل هو صاحي اتجاوز السياره اللي قدامه يسار واذا هو بوجهي مباشره ومالي الا المسار اقصى اليمين وهنا بدت السياراه تلعب وتاخذ لها عقد لين هجدها الرصيف وانعدم المقص الخلفي والمساعد فقط لكن مامر علي شريط حياتي بس شعر راسي وقف والادرنالين فل ياخوك عندنا ناس بالمدينه مدري كيف تسوق وفيها وقاحه الله لايوريك

شريط عمرك تشوفه خلال ثانية او اقل هههههه مجرب لكن ماكنت السواق كنت راكب وكنت نسرع على سرعة 140 وهندي الله يهداه غشيم فلت علينا السيارة وركبنا فوق الرصيف ارتفاعه متر او متر ونص السيارة تعلقت على الرصيف بين شارع الي كنا فيه والشارع الثاني لو ما وقفت كان 100% انا احين ما اكتب لك هالرد

طلال المدينة من اللي قالك اني ما اترك مسافة

اكبر غلط لما تكون قدامك مصيبة وماتنبهه اللي وراءك .. :( تحس بالذنب اذا صارت مصيبة .. انا ساهر وهو ساهر انبهه منه كيف لو خزان او سيارة عطلانه واقفة

انا سار علي حادث قبل سنوات ... بسيارة اخوي ... اول ماصدمني.... والله ماجاء على بالي الا الخيزرانة .... كنت وقتها ادرس ثاني ثانوي .....

مره صار حادث جماعي على دائري قبل سلام مول , اثنين مسوين يشطفون ودائري مزحووووووم يوم جمعه كان , شوي خشوا فبعض وكل اللي وراهم خشوا فيهم والحمدلله سلمنا دخلنا بينهم مع اني اناظر اللي قدامي وهو يشوف خشه الافيو الله يذكرها بالخير , الحين بالتشليح :(

راعي الموضوع خلها بيننا ههههههههههههههههههه
الحمد لله عالسلامه 
انا صارلي حادثين الاول حاصت علي السياره بسبب واحد سقط علي وقتها ماشفت شي من اللي تقوله بس وربي ندمت اشد الندم اني كنت مسرع 
الثاني اول ماحاصت السياره ولد عمي كان يسوق وقفلت معاي وندمت اني خليته يسوق ههههههههههه

والحمد لله على كل حال

اولا الحمد لله على السلامه والله نجاه هذه المره والمره الثانيه انتبه انتبه انتبه انتبه لاتحلم في صدام السياره اللي تبي تتجاوزها خل بينك وبينه مسافه علشان لاقدر الله صار شئ للي قدامك تقدر انت تتصرف


وهذا وانت الحين ماشي 100 ولاقدرت تتصرف


وشلون اللي ماشي 140 < واكثر





طلال المدينه تسلم يمينك على الرد



صراحه الواحد منا صار يطفش لما يمسك اليسار ويجي يتجاوز حتى لو اهو ماشي 120 الا مايجيك واحد ماسح الطبلون ويبيك تختفي من قدامه علشان حضرته يتجاوز بس ابشركم لقيت حلهم < سر ماراح اعلم فيه احد هههههههههههه

لاتحلم < لا تلحم < تصحيح

احسب بس انا O_o

يا عالم نصييييحة نصيحة السرعة ماهي زينة ! , اقاربي 3 منهم سووا حوادث وربي نجاهم كلهم صارلهم نفس كلامكـ والله وتخدشوا 
وتكسروا ! , وشوف ذحين توبة يعدوا الـ 100 ! , انا بالنسبة ليا والله السرعة ذي ما اعرفها أبدا ابدا مهما كانت السيارة !

انا استغرب من البشر يلي يجي يلحم فيك يبيك وتوخر ويمينك سيارات وش يبي يعني ارفع السيارة ويمر مني تحتي مثلاَ

الحممدلله على سلامتك والله يلووم اللي يلوومك وعسى آلله يفكنا من هآلمواقف .. ولا حول ولآ قوة آالا بالله

المشكله يا استشاري لا كان معه سيارة كبيرة سلفرادو او جمس وتحس الصدام يحك فيك من ورا 

الحمد لله على السلامه 
صارت معي وخلال ثواني مر اكثر من موقف قدامي ما لها شغل بالحادث 
وبعد ما اتذكرت استغربت لكن سبحان الله والحكمه باللي يعتبر