أضف سؤال أو موضوع جديد          

اضرار الماء العادي علي محركات السيارة

up 16 down 2
سيف الهاجوس 912
قبل 8 سنه و 2 شهر





السلام عليكم ورحمة الله وبركاتة


اخباركم عساك بخير وبصحه وسلامه

اليوم بنتكلم عن موضوع 90% منا غفلنا عنه وانا اولكم
للاسف

الي هي انك تعبي الرديتر ماء عادي !!

لها اضرار كثير وابرزها ارتفاع الحراره غير ترسبات البلوك والصدى


نبداء بالموضوع

اضرار الماي العادي



- يكون ترسبات صدى داخل البلوك بسبب الآملاح اللي فيه + صدى داخل الممرات ( وحتى لو كان البلوك المينيوم بيكون فيه رواسب )

درجه غليان الماي العادي اقل من درجه حراره ماى الراديتر اللي من الشركه وهذا يخليه يتبخر بسرعه .

الترسبات والآملاح راح تنتقل للراديتر ويسبب له انسداد فى المجارى وممكن تضطر انك تصيخ الراديتر او تبدله بالكامل .

ولافضل استخدام ماي ملون احمر او اخضر والمخصصه لتبريد المحركات


واظن صور مكينة النيسان بتكون ابلغ من الكلام












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ايه والله صارت معي وغيرت الصغيرات ام 5 ريال لكن كلفتني 500 مع شغل اليد والسبب الماء العادي 


up 2 down 0
فهد4950 2542
قبل 8 سنه و 2 شهر



حتى غسيل السيارة تفرق بماء محلى او مالح .. الماء المالح يخلي لونها باهت وحتى البوية لو هي جديدة بيطلع مظهرها قديمه .. ومعروف الماء المالح له اضرار ومتى بس يوصلنا الماء المحلى


up 5 down 0
lumina ss the best 81
قبل 8 سنه و 2 شهر



فهد4950

حياك اخوي

الصغيره المدورة اسمها (طبات ) وتوجد فى اغلب المكاين وعددها على حسب نوع المحرك وسعته وكبره وسعرها رخيص جدا بس اجرة تركيبها مكلفه


up 2 down 2
سيف الهاجوس 912
قبل 8 سنه و 2 شهر



معروف الماء العادي يسبب تلف كامل على اجزاء دورة الماء

من راديتر الى اكواع الى حتى مجاري الماء بالمكينه

صدى والخ الخ




وتسبب حرارة على المدى البعيد

لان مجاري الماء داخل المكينه تكون متقفله من الاملاح والصدى مثلها مثل اي حديده يمر فيها ماء

واقرب مثال البزابيز في البيوت


واللي قد انفكت قدامه مكينه راعيها يستخدم مويه عايديه وشاف الصدى والاملاح وان مجاري
متقفله والماء بصعوبه يدور يعرف كلامي




وسلامتكم


up 2 down 0
مدرس عاطل 4
قبل 8 سنه و 2 شهر



معروف وبعضهم يقول انا استخدم ماء عادي وقعدت سنه سنتين ثلاث ماشيه امورة 
انا اتكلم عن المدى البعيد جدا جدا جدا مع الوقت والزمن 


up 3 down 0
صوت العزاوي 523
قبل 8 سنه و شهر



الله يعطيك العافيه على الموضوع المفيد

يا أخوان ترى حتى الماء المقطر لحاله ما يكفي !

لازم تعبي معه ماء راديتر أصلي .. أحمر أو أخضر .. حسب الموجود بسيارتك

واللون المناسب والنوع المناسب تعرفه من كتالوج سيارتك ؛ لأن ماء الراديتر أنواع وأشكال .. لازم تستخدم النوع المناسب ؛ لأن إذا استخدمت نوع غير مناسب بيسبب تآكل

ولا تخلط أحمر مع أخضر أو الخ... بيسبب مشاكل أو تقل فعالية ماء الراديتر
يعني لو سيارتك ماء الراديتر فيها أخضر .. تعبي أخضر مع ماء مقطر


وظائف وفوائد ماء الراديتر الأصلي :

1) يمنع الصدأ والتآكل .
2) الماء العادي يغلي اذا وصل درجة حرارة 100 مئويه ؛ لكن ماء الراديتر الأصلي + غطاء الراديتر يرفع درجة الغليان .. يعني ماء الراديتر الأصلي ما يغلي عند 100 .. يغلي مثلا عند 120 درجه مئويه أو أعلى ... حسب نسبة ماء الراديتر والماء المقطر وحسب غطاء الراديتر .
3) الماء العادي يتجمد اذا وصل درجة حرارة 0 مئويه ؛ لكن ماء الراديتر الأصلي + غطاء الراديتر يخفض درجة التجمد ويخليها تحت الصفر .. يعني ماء الراديتر الأصلي ما يتجمد عند 0 مئويه .. يتجمد مثلا عند -20 درجه مئويه تحت الصفر ... حسب نسبة ماء الراديتر والماء المقطر وحسب غطاء الراديتر .
4) ماء الراديتر الأصلي فيه لزوجه أو مادة زيتيه .. تزيت طرمبة الماء وتحافظ عليها .

ماء الراديتر الأصلي يحافظ :

1) المكينه .
2) الراديتر .
3) طرمبة الماء .
4) بلف الحراره .
5) يمنع الصدأ والتآكل ؛ وبالتالي يساعد بشكل فعال على منع إرتفاع الحراره .




up 4 down 0
speed for ever 3707
قبل 8 سنه و شهر



انا معاي ماركيز امريكي مستخدم
اول ما اخذتها وبديت كل فتره اغسلها بستم صار فيه صدا من تحت
يوم اشتريتها نظيفه من تحت بس يوم صرت اغسلها قامت تصدي


up 0 down 1
aazz1989 -20
قبل 8 سنه و شهر



يا اخوان انتم موسوسين سيارتي  من 2007 وانا احط فيها موية صحة وما شاء الله تبارك الله


up 1 down 2
شراي جآد 247
قبل 8 سنه و شهر



طيب وش رأيكم في موية التحلية ؟؟


up 0 down 0
sal.11 185
قبل 8 سنه و شهر