ميزان العضيب يتلاعب فالاسعار والصيانه انتبهو منه
16
4
إضغط هنا للإخفاء
السلام عليكم ورحمة الله وبركاته :
كنت بنزل صور الفواتير بس المنتدى مارضى يحمل
الموضوع ومافيه كان امس رحت لميزان العضيب وبختصر اللي صار
قلي السياره تحتاج كبس بسندل !! وسحب مقصات !! ووزن أذرعه لانو الكفرات مايله على جوه وعطاني من هالكلام اللي يشيب فالراس
قلت انا مشيك على السياره وعضلاتها من والى اخر شي فيها ممتازه واللي فيها فقط هو حذفيه بسيطه وش دخل سحب المقصات وكبس البسندل وغيره !!!
ولابعد معطيني ورقه كاتب فيها 950 قيمة الاصلاح ويبيني اروح ادفع الفاتوره !!!
سحبت عليه وتركته ورحت لفرع ثاني بس ماعلمتهم بالي صار معي في الفرع اللي قبله
دخلت السياره وقلت فيها حذفيه بسيطه وشيكو عليها وقالوا تحتاج وزن أذرعه وترصيص والتكلفه ( 150 ) بس
قلت طيب توكل على الله وخلصها وبعد مازبطو السياره وجربتها طلعت السياره تمام التمام
بعد مادفعت الفاتوره وخلصت الحساب قلت للموظف السياره كلفة 150 مع الترصيص والوزن وعليها ضمان شهر
لكن ليه فرعكم الثاني قال السياره تحتاج كبس بسندل وسحب مقصات وعطاني ورقه كاتب فيها 950 !!!!
الموظف ماصدقني قال وين الورقه !!!
قلت هذي الورقه كاتب ايش تحتاج فيها ايش تحتاج السياره والسعر ...
يوم شافها الرجال انصدم وماعرف وش يقول واخر شي قال انا محاسب هنا مفهم فالامور هذي شوف الموظف اللي على الميزان اسئله ههههههههههه
قلت على العموم انت ماعليك لوم ومالك علاقه ولا راح اسئل الموظف لكن عرفت حقيقة ميزان العضيب والتلاعبا اللي صاير هههههههههههههه
انا ماكتبت هذا الموضوع الا ابي احذركم من العضيب لانه باين انه كل فرع له صيانه تختلف على حسب المزاج واسعار على الكيف
اجل من 950 الى 150 ريال وش هذا التلاعب اللي صاير منهم
إبلاغ
الردود
0
0
المشكلة مو بس بالعضيب او غيره ماعرفهم ولاكن اغلب محلات الترصيص ووزن الاذرعه نصابين عندك مثلا لاجيت تركب كفرات جديدة طبعا بتشيك على وزن الاذرعه والمقصات بيقولك فيها سحب مقص وتعديل اذرعه طيب بكم قال 450 رحت لمحل ثاني يشيك قال يحتاج وزن اذرعه وقال ب 120 وزبطها والامور تمام النصب يبان عند تركيب كفرات جديدة يحاولون ياكلونك بالوزن يكبرون المشكلة وهي بسيطة
الزبدة بالموضوع لاتعتمد على محل واحد مهما كان روح اكثر من محل وسوي نفسك غشيم وبتشوف الاختلاف الاسعار
قبل 11 سنه و شهر