أضف سؤال أو موضوع جديد          

الى متى الكذب في الاعلانات؟؟

up 7 down 2
mohammed k 82
قبل 9 سنه و 3 شهر



السلام عليكم شباب
في الفتره الاخيره زهقنا و احنا نشوف اعلانات فيها كذب و احيانا واضح!!
اللي يجيك و يقول ببيع السياره بسبب السفر النهائي او بعثه في الخارج, وهو يمكن حتى بره البلد ما طلع
والكلمه اللي تقهرني (رش تجميلي)!!!!!!!!!!!!!!!!!!!!!! يعني سوالي فيها فنانه مشهوره :) 
او العجيب اللي يقول مخزنه وهي ماشيه 100 الف واحيانا اكتر!!! بالله وش تحس فيه؟؟!!!
يا شباب والله مافي احسن من الصدق و صدقني الرزق على الله و الله يرزق الجميع
اخوكم محمد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


الموقع صار اغلبه حراميه ونصابين ودجالين  المشكلة ما هي هنا 
المشكلة  لا منع الردود وما تقدر تحذر من اللص والمحتال  
ولللاسف الادارة فاتحه حلقها علينا بس بمنتدى  والا الحراج  تشوف العجب
اذا ما يقهرني الا اذا قال سيم من زميلي بالعمل  او سبب البيع بعثة دراسيه 
كم مرة انزل موضوع عن ذا الاشكال وينحذف صارت الناس تروح منتديات ثانيه ؟؟؟


up 2 down 1
صوت العزاوي 523
قبل 9 سنه و 3 شهر



انا ما اخذ بلاعلانات.. اول شي الكمبيوتر حق الفحص قدامي وعيني ما تخوني... ان جازت لي اخذتها وان ما جازت لي تركتها وكل واحد وذمته .


up 2 down 2
مستريح البال 1 1780
قبل 9 سنه و 3 شهر



الا من رحم ربك فيه ناس تخاف الله واهل الخير واجد 
وانت مو ملزوم تشتري سياره الا وانت مقتنع فيها 
تماماً واول شي صلاة الاستخاره في كل امورك 
ومن ضمنها شراء سيارتك 


up 4 down 1
صعب اترجاك 301
قبل 9 سنه و 3 شهر



طيب وش فيها اذا بين اللي فيها بكل دقه ؟

اما يتحايل ويجيب هالكلمات يا اخي اذا بتبيع لك حاجه اطلب اللي تبي لكن لا تكذب وش حادك على الكذب


الله يكفينا شر النصابين


ولايك للموضوع^__^



up 2 down 0
wd-alharbi 638
قبل 9 سنه و 3 شهر



الى متى التذمر بدون دليل أو مثال واضح؟؟؟؟؟؟؟؟؟


up 1 down 0
diffract 32
قبل 9 سنه و 3 شهر



شايفها موضه هذي الدراسه بالخارج


up 1 down 0
Bikers store 597
قبل 9 سنه و 3 شهر



@# وانتم ايش حارق رزكم 

انت عليك بالسياره نفسها انت تشتري السياره موب تشتري سبب البيع

وبعدين في اسباب خاصه ماينفع تنقال ؟!


up 1 down 0
feroo li 1816
قبل 9 سنه و 3 شهر



لا حول ولا قوه الا بالله 


up 0 down 0
abo3tb 511 1737
قبل 9 سنه و 3 شهر



صدقوني الغالبية يكذبون, لأنه لو صاروا صادقين بكل صغيرة وكبيرة مافي أحد راح يشري, يعني أنا مثلاً مسوّي فيها حساس وأقول للشراي الصامل أصغر العيوب ينحاش على طول, يعني هو شرط أساسي تكون أي سيارة مستعملة نظيفة خالية من صغائر العيوب؟؟


up 0 down 0
nader2002 1662
قبل 9 سنه و 3 شهر



انا عندي جمس وفيه رش تجميلي

تدري وش يعني الرش التجميلي ي بعدي

الرش التجميلي يا طويل العمر يجي رش بدون سمكره بسبب مخش او حك بسيط او تبهيت البويه او لتوحيد اللون 

يعني رش بدون حوادث 

وبالنسبه للسبب البيع بعض الناس ما ناسبته السياره او إنه طفش منها او انه ما ارتاح  والسياره جديده فما يدري وش يقول لان السياره جديده و الشراي بيقول اكيد إنه السياره فيها بلاء ويقول بسبب الابتعاث  الخ  و أغلبهم صأدقين وقله منهم كاذبين او خنا نقول ما يبغا السياره 

وقريبي معه تاهو 2012 مطلعه قبل 3شهور من الوكاله الحين ببيعه ﻹنه بيسافر إبتعاث والولد صادق ما لقى وضيفه و معدله كبير وﻵ حصل وضيفه وتوسطنا له في إبتعاث والحين بيبيع سيارته وبيكتب بسبب الابتعاث 

يعني الوالد كذاب ؟

وفيه نآس أجانب من جد بيخرجون نهائي كآن يجي عند أخوي مدرس خصوصي والحين سآفر نهائي 

ﻵ تظن ضن السوء وأنت منت بدلخ راح تشوف السياره وتتفحصها وتعرف كل شيء والناس فيها خير بس إحنا ما نتوقع كذا


up 4 down 0
ابوخالد1397 2893
قبل 9 سنه و 3 شهر



يعني الولد كذاب ؟

تعديل*


up 1 down 1
ابوخالد1397 2893
قبل 9 سنه و 3 شهر



يعني الولد كذاب ؟

تعديل*


up 1 down 0
ابوخالد1397 2893
قبل 9 سنه و 3 شهر



وبالنسبه للممشى

مثال : 

الكوامري موديل 2005 اغلب ممشاها من 250 الى 300 الف كيلو

وانا معي كامري 2005 ماشيه 120 الف

فهمت قصدي يا بعد قلبي

يعني إن ممشاها كثير بالنسبه لمثيلاتها بالموقع و اغلب موديلاتها

أتمنى وضحت لك و أنا ما قلت هذا الكﻵم الا عشان أثبت لك إن النآس فيها خير والله الناس فيها خير يا عآلم


up 1 down 0
ابوخالد1397 2893
قبل 9 سنه و 3 شهر



يعني إن ممشاها قليل (مخزنه ) مقارنه بمثيلاتها بالموقع 

تعديل*


up 1 down 0
ابوخالد1397 2893
قبل 9 سنه و 3 شهر



يا اخوان انا اشوف سبب البيع ماله علاقه لو واحد يبي يبيع سيارته ويكتب سبب البيع / انتحار ؟ ههه هذا شي راجع له لكن اللي مفترض يكون فيه واضح انه اذا جا ونزل اعلان لازم يوضح كل عيوب السياره اللي يعرفها عشان ماتجي ناس من بعييد وفي الاخير الموتر رايح فيها واللي يبي يشتري سياره يكون فطيين وفهييم يعرف من بيشتري منه من شخص مستخدم السياره والا شريطي انا عن نفسي اتجنب الاعلان اللي يكون فيها التالي : مصور السياره 600 صوره يعني افهم ابي فيها دبل سعرها / السياره مسيومه ب 49500 طيب اكتب حدك 50000 وخلاص اذا احد يبيها بيجيك 3 / اللي يكتب انا مجرد معلن وهذا رقم صاحبها يعني الزبده انك موظف في معرض والسياره في معرض ثاني 4 / اللي ينزل للسياره 5 اعلانات هههه يالحبيب لو تبي تبيع كان بعت من زمان ماخليتها ناشبه بحلقك 5 / بعض الاعلانات اذا دخلت عليها ومعلن عن سياره قمتها الفعليه 50 الف وهو كاتب الحد 70 اظحك واطلع وافرح لأنه محد بيشتريها وبتنشب بحلقه واقول بخاطري ( تتربى بعزك )


up 1 down 0
شكلين مابحكي 3159
قبل 9 سنه و 3 شهر



ياأخوي شكلين مابحكي من يحدد كم تسوى السيارة؟؟ ترا النظافة هي اللي تحكم, وما في سعر محدد للنظيف, يعني اللي يتمناه وصامل وميسور الحال بيدفع وما همه كم سعرها الحقيقي,وخوياني أكدوا لي هذا الكلام: جيب لا نكروزر موديل 2003 نظيييف انباع ب120 ألف ريال!! يعني مثل قصة اللوحات المميزة اللي تعجبه اللوحة يزود مثل المجنون!!! مع إن السيارة أولى بهالفلوس اللي تطير من جيبه, والسيارة النظيفة والله مغنم لأنها بتريح راسك من دوخة الصناعية ومضيعة الوقت مع الغشاشين, لكن مو فاقع قلبي غير اللي يعلن عن سيارة نظافتها مو ذاك الزود ولاّ مصدومة ويبي فيها سعر النظيف!!!


up 0 down 0
nader2002 1662
قبل 9 سنه و 3 شهر