الحين القير الاوتو اغلى ليش معظم السيارات هنا عادي ؟

الاوتماتيك راحه

العادي  كرررف وقل خراب

وسلامة الشيخ

لان الاتوتو مريح اكثر من العادي والناس حاليا تدور الشي المريح خصوصا مع زحمة الشوارع وبالتالي السعر حيرتفع لانو مطلوب اكثر من العادي

لان الناس يبغون راحت دماغهم من الخرابات عشان كذا ما ياخذون اتوماتيك كثير 

ياززين القير العاادي
تبيه ينتع - تبييه يرقص سماري - تبيه هجوله حواري

باختصار اكثر العروض عادي لان الناس تبغى الاوتو
وعشان كذا يبيعو العادي 

الناس الي في القرى تلقاهم يدورون العادي خصوصا في الجيوب
يعني روح لمدينة صغيره وشوف الطلب على العايدي كيف 

في الرياض وجده والمدن المزدحمه  ماينفع العايدي ولا بريال 
متعب مع الزحمه وغثيث 

واللي توماتيك وعادي وش يصوت ؟ 

مع كلام اخوي ابراهيم التركي ++++++++++++++ 1

انا ااؤيد كلام ابراهيم ...


سيارتي قير عايدي .... ابي اسال الي عندهم خبرة هل اقدر اغيره اوتوماتيك ... السيارة كامري ... لو ابدور رجيع كم اسعاره مع التركيب ... وهل يحتاج مثل ماقالوا اسلاك للكمبيوتر والضفيرة .... لاني حصلت كامريات في المعارض وعرضت على اصحابها سيارتي ويبون زود .... مع ان بعضها موديلاتها 2010 وسيارتي انظف واغلى منها .... وفكرت في الاصفار ... لكن مافيه ميزانية ...


تبي رأيي القير العايدي ايام زمان ... الان غلطان الي يفكر يشتري عايدي

اذكر اول سيارة اشتريتها وكالة من عام 2004 ماكسيما قير عايدي وجلست معي بحدود 8 سنوات طبعا 227 حصان السبب لأني سقت التماتيك لنفس السيارة حسيت بفرق العزم وثقل نوعا ما .. لاكن حاليا مع تقدم المحركات وزيادة الأنظمة مثل التعشيق اليدوي في التماتيك اي التبترونيك وزياده عدد الأحصنة إلى 290 حصان لموديل 2010 صار التماتيك افضل من العايدي بمراحل والله تسوق التماتيك تحسة خفيف وينطلق .. هذي نقطة والنقطة الثانية مثل ماذكرو الأخوان العادي يبهذلك في الزحمة ويخليك تكرة السيارة وانا من المجربين التائبين ههههه

اذكر اول سيارة اشتريتها وكالة من عام 2004 ماكسيما قير عايدي وجلست معي بحدود 8 سنوات طبعا 227 حصان السبب لأني سقت التماتيك لنفس السيارة حسيت بفرق العزم وثقل نوعا ما .. لاكن حاليا مع تقدم المحركات وزيادة الأنظمة مثل التعشيق اليدوي في التماتيك اي التبترونيك وزياده عدد الأحصنة إلى 290 حصان لموديل 2010 صار التماتيك افضل من العايدي بمراحل والله تسوق التماتيك تحسة خفيف وينطلق .. هذي نقطة والنقطة الثانية مثل ماذكرو الأخوان العادي يبهذلك في الزحمة ويخليك تكرة السيارة وانا من المجربين التائبين ههههه

سبحان الله الناس كلامها وكلام الناس عالعين
انا من الناس الي احب واعشق العايدي بحكم السيارات الي عندي مانزل عليها قير اوتوماتيك وعشان كمان مكينتها قد صينيه رز ولحم يعني انسى تدعس فما بالك بالوتو عز الله اوقفها واشتري سياره
انا سقت الاوتوماتيك بهذلني شويتين فحنيت للعايدي وكل سيارات البيت عادي تكرف بس ماتتعب بالورش والناس كلها فاهمتله

الله يرحم ايام  الشوارع الفاضية   ايام كان  تحصل  30 سيارات  بطريق خريص  يكون زحمة
 راحت ايام  الجير العادي الحين  ايام الاتومتيك في هل الزحمة وقرفها   

abd_alrhmn إي والله صدقت بس الشياب عندنا اكثرهم مايعترفو بالتماتيك تلاقيه يدور موتر 2013 يبغاه قير عادي ... زي الوالد الله يحفظة يوم رحنا نحج بالجيب في وسط الزحمة اشوفه شغال يبدل نمر بس ادري لو اقله خذلك جيب لكزس راح يقولي شفلي قير عادي هههه هذا تفكير الشياب حقون زمان

القير العادي حلو في الطرق السريعه اما داخل المدينة ماينفع من هالزحمه

التبترونك في اكثر السيارات جمع بين الاثنين

لاكن القير العادي في بعض السيارات الرياضية والله انه يطربك ولاتنفع الا بهذا القير

اما السيارات العادية بهذا الزمن ماتحتاج الا لتمتيك اريح

القير العادي :

1) يكرف ويتحمل وصيانته أسهل وأرخص ؛ لكن بنفس الوقت يكرف رجليك هههههه كل شوي تدعس كلتش وتوازن بين الكلتش والبنزين وتعشق + يتعب بالزحمه .

لكنه ممتع بالمدن والشوارع اللي مافيها زحمه .

2) اذا خرب الكلتش تقدر تغيره بسهوله يعني ما يحتاج توضب القير العادي ؛ فقط تغير الكلتش ( دسك - صحن - فحمه - ويمكن حذاف أو خرط الحذاف ) وأستمتع .. الأشياء هذي تكون بين القير العادي والمكينه

عكس القير الأوتوماتيك اذا احترقت كلتشاته لازم يفكونه ويغيرون الكلتشات والخ... اللي داخل القير الأوتوماتيك يعني توضيب ؛ والتوضيب يمكن ما يضبط

واذا اخذت قير أوتوماتيك من التشليح ما تدري هو متوضب أو لا .. وأظف إلى ذلك أن كلتشاته والخ... بتكون نصف عمر

لكن الأوتوماتيك مريح جدا

اذا أنت راعي سرعه ومقاومات أو تبي قير يتحمل الكرف و يدوم معك وصيانته سهله = خذ قير عادي

تبي راحة + ما تتعب رجلينك بالتعشيق بالزحمه = خذ قير أوتوماتيك

يازين القير العادي لضعف عزم الموتر رده نمره و ادعس بنزين قسم انه يطربك