أضف سؤال أو موضوع جديد          

اختيار السياره المناسبه

up 9 down 2
سياحه 3955 166
قبل 9 سنه و 3 شهر



السلام عليكم ورحمه الله وبركاته 

والله ياشباب احس ان اغلب شبابنا للاسف 
لازم يعطونه كورس بحسن اختيار السياره المناسبه 
فعلا شي محزن 
واحد من الشباب من اصحابي معه سياره لكزس 2012
ماخذها اقساط 
واهو توو متوضف 
وحالتهم الماديه من متوسطه ال اقل 
طيب ليش الهياااااط 
واخر الشهر يشتكي الراتب مايبقي منه شي ويتسلف من فلان 
ومن فلان 
طيب ليش زنقت نفسسك 
او يجيك واحد ثاني من جيراننا 
ماخذله اودي موديل قديم 
يوم شغاله وعشره واقفه 
ليش 
خربانه وقطع غيارها غالي ومو متوفر
ليش تزنق نفسك من البدايه 
والا من بدايه حياته لازم سياره جديده 
ولازم تكون فخمه وكشخه و و و و و و
زي العسكري او مايتخرج اغلبهم 
يكونوا صغار بالسن 
ويطق له قرض بالقيمه الفلانيه 
كااامري جديده 
ويورط عمره باقساط خمسه سنوات 
ولازم فل كامل ولامايركبها 
ليشش طيب الفخفخه الزايده
المفروض كلنا 
نحدد خلاص بالقيمه الفلانيه ناخذ سياره واهم شي 
ندرس قطع غيارها متوفره وهل انا استطيع تحملها 
او يجيك واحد طالب او موضف بس ماعنده عايله 
وياخذ لك تاهو جديد او اكبديشن 
لاتحسسسب ان اكثر شي بتاخذه سياره كششخه وخلاص ملكت الدنيا 
وراك زواج وراك عائله وراك مستقبل 
وفيه حاجه اخري دايم نهملها بصراحه 
نقول مثلا التويوتا مثلا ماسك سعره 
انا معك صح 
لكن قارن سعر الشراء وسعر البيع المتوقع بعد كذا سنه 
وقارن سياره مثل الهوندا اكورد او السوناتا 
صح معك تنزل لكن شوف بكم شاري التويوتا وبكم شاري السوناتا او الاكورد
بحسسبه بسيطه وانها نفس السالفه مافرقت كثير
نضرب لكم مثل 
الجيب لاند كروزرقيمته مثلا مثلا 220 الف مثلا 
التاهو قيمته جديد 145 الف اعتقد 
فرق 75 الف ريال 
نشوف البيع بعد خمس سنوات اذا كانت نظيفه 
مستحيل يجيك الفرق اعلي من 75 الف 
يعني شغله ماسك سوقه انا اقول ع حسب مشتراك وع حسب نظافته 
والنظيف له عشاقه 

اخر شي واسف ع الاطاله 
يجيك واحد ياطويل العمر يقوله فيه كامري 2012 الشكل الجديد 
بس موب نظيفه مره جاتها صدمه من قدام والاريباقات طلعت 
ووحده 2008 بس نظيفه مره 
والسعر مقارب لبعض 
يقول ابي الجديد 
يتركك النظيف وياخذ الجديد المصدوم 
ترا فعلا فيه ناس تفكيرهم كذا 
اسال الله لي ولكم الرزق بالدنيا والجنه بالاخره 
واعذروني ع الاطاله 
شاكر لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم كلامك صح فيه ناس ماتفكر بالمستقبل تفكر بيومها وبس وهذا اكبر غلط ياخي حوش لك كم قرش وبعدين فكر بالكشخه


up 1 down 1
بو عبدالله ماجد 7
قبل 9 سنه و 3 شهر



كلنا مقتنعين بهذا الكلام لاكن مافي تطبيق مدري وش السبب ، ثقافة المجتمع له دور كبير ان اذا منت راكب الشي الفلاني قالوا فقير وماعنده ومسكين وووو،،

وكثرة التحطييييييم تولد انفجار بالوكالات ولو تسأله بصدق قالك اني مجبور ارررررضي الي حولي عشان ما اكون ناقص بنظرهم ،
وانااا اقول الناقص نقص الشخصية مو السيارة والا الجوال وا الاكسسوارات


up 1 down 0
aziz..747.. 2421
قبل 9 سنه و 3 شهر



الثوب ماركة
النظارة ماركة
القلم ماركة الكبك ماركة والسيارة ماركة
الجوال ماركة الشخصية تقلييييييييييد


up 1 down 0
aziz..747.. 2421
قبل 9 سنه و 3 شهر



مافي احد يفهم فيهم .. اجل يقولي السيارة الفلانيه تمسك سعرها لو بغيت تبيع .. يعني انت شاري السيارة تستخدمها وتقضي مشاويرك ولا شاريها تتاجر فيها

الله يعين قسسم ناس عقلياتها مريضة بشيء معين ههه تقدر تسميه مس سيارات الشركة الفلانيه بدون ذكر اسامي


up 1 down 1
faxl 248
قبل 9 سنه و 3 شهر



هههههه فاكسل اضحك الله سنك
عودة للموضوع اخوي كلامك ذهب بصراحه لكن بغيت اضيف نقطة مهمه 
لو قلنا مثلا س من الناس يهوى الفورد بشكل عجيب لكن يعرف ان الهوندا اكثر جودة في هذه الحالة من الافضل له الفورد لانه لو ماحقق رغبه ماراح يرتاح بالسيارة اللي اخذها


up 0 down 0
أأبو نوااف 1641
قبل 9 سنه و 3 شهر



كلن بعقله راضي...


up 0 down 0
استثنائي 790
قبل 9 سنه و 3 شهر