أضف سؤال أو موضوع جديد          

شاركنا .. هل واجهت موقف مضحك او صعب او حادث لاقدر الله

up 8 down 3
a.a.77 2843
قبل 8 سنه و شهر



السلام عليكم 

الموضوع واضح من عنوانة ي غالين 

نبي مشاركاتكم و قصصكم التي حصلت لك انت او احد اقاربك ..! 

هل واجهت موقف مضحك و انت تسوق 
او 
موقف صعب 
او 
حادث لا قدر الله 


في انتظار مشاركاتكم ...! 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واجهت موقف صعب
كنت ماشي 160 علﯽ كابرس 2004 وينفجر علي الكفر الامامي وتحوص. السيارة وتدخل الخط الثاني وتنقلب علﯽ التندة 
بس الحمد لله طلعت سليم


up 4 down 3
أسير المواجع 49
قبل 8 سنه و شهر



واجهت موقف صعب
كنت ماشي 160 علﯽ كابرس 2004 وينفجر علي الكفر الامامي وتحوص. السيارة وتدخل الخط الثاني وتنقلب علﯽ التندة 
بس الحمد لله طلعت سليم


up 4 down 4
أسير المواجع 49
قبل 8 سنه و شهر



هاذا قبل 4سنوات




up 5 down 4
أسير المواجع 49
قبل 8 سنه و شهر



ياطويل العمر ايام المازدا الله يكرها بالخير


كنت فعمان ومعاي خويي العماني المهم كنا رايحين سوق شعبي فيه مهرحان شعبي وكذا وانا متحمس


جيت مالقيت موقف قلت يابوي ماعني وعن الرصيف واركب الرصيف واحشرها حشره مب طبيعيه بين جدار وسياره وخويي قال ترى ممنوع ومخالفه


قلت عساك سام انزل بس لايفوتنا المهرجان


بعد مارجعت لقيت جيب باثفايندر دوريه هههههه موقفين عند السياره وقلت المخالفه ماكلها ماكلها


قلي العسكري انت شلون وقفت السياره فهالمكان الضيق ؟ قلت مثل منت ششايف


قال طيب فيه احد غيرك موقف على الرصيف ؟ قلت لا


قال طيب انا ماراح اعطيك مخالفه لانك ضيف عندنا لكن بقولك كلميتن له وركزوا على ( له ) هذي يقولونها اخر كلامهم ههههههه


قال انا من شفت السياره وهي واقفه بهذا الشكل عرفت انها من السعوديه ويوم جيت طلعت لوحاتها سعوديه ...


بصراحه قلتله لو اعطيتني مخالفه كان اهون علي من الكلام اللي قلته احرجني ومثل اللي يقول السعوديين غير منتظمين


من بعدها صرت امشي نظامي حتى فالسعوديه



اخوي شاقح هههههههههههه لو اني منك تلطمت ونحشت هههههههههه والله مشكله سمعت السعوديين وصلت لهالدرجه الله يستر من الجاي ههههههه 

انا صار لي موقف مره من المرات كنت رايح لزواج وكان معي جمس 1980 من الجميح طبعا رفرف لونه احمر كامل يازين ذيك الايام بس 

وانا رايح مالقيت موقف ابد ابد لاني متاخر واجي واوقف مقابل باب القصر هههههه والناس يطالعون فيني باستغراب وانا اقول في نفسي انا مسوي جريمه وانا مدري 

المهم نزلت وكذا وشوي وجا المعرس واسمعهم ينادون صاحب الجمس وينك الناس تبي تدخل وانت مسكر عليهم هههههههههه 

المهم اني انحرجت صراحه رحت شغلته ونطلته باخر القصر هههههههه 

بالتوفيق


up 3 down 1
camry grandi 99 7274
قبل 8 سنه و شهر



اسير المواجع : الحمد لله على السلامة واخر المصايب 

شاقح : هلا بحبيبنا منور .. اما في هذي صدقت مخالفة احسن من هذرتة هههههههههههههه


up 1 down 1
a.a.77 2843
قبل 8 سنه و شهر



كامري قراندي : ههههههههههههههههه قوه عين ههههه عند الباب الله يرجك هههههههههههههه


up 2 down 3
a.a.77 2843
قبل 8 سنه و شهر



مرة قبل سنتين كان معي آكسنت 2004 آخضر فستقي  ..

وانا طالع من الخدمات الى مخرج الخط السريع  الا شفت ذاك المدرس اللي ضربني قدام الله وخلقه  

قلت في نفسي هذي فرصتي وجت  الا اسرع واتجاوزه بسرعة من عند المخرج وبغى يصدمني ابو النظارة ذاك المدرس 

لو انه ما اتفرمل كان في خبر رحت فيها بس ربك ستر  وعدت على خير ..

بس بعدها بفترة بسيطة الا في نفس المخرج كنت اعدي واحد الا ما اعطاني مجال وطعت السيارة فوق الرصيف في نفس المخرج 

الحمدلله ماصار شيئ وعدت على خير .. وبعدها تبت اني ما اخرع على احد ..

وآلآن معي كاآآآآآمري 2011 ومع ولد خالتي معه اكوووورد 2013  = مطارحات ...


up 4 down 2
مكاوي يامكاوي -140
قبل 8 سنه و شهر



اغبي موقف مر بحياتي كنا معزومين على زواج انا واهلى ابوي كان يسوق سياره وانا سياره ثانيه وبنص الطريق صدمت ابوي من وارء عند اشارة بس ابشركم اخذت اجازة مرضية بعد العرس :) 


up 5 down 2
اقتنعت انك نهايه 232
قبل 8 سنه و شهر



مكاوي : الحمد لله انك تبت ههههههههههه وشرفتني بمرورك

اقتنعت انك نهاية : هههههههههههههه  اجازه هههههههههههههه


up 2 down 1
a.a.77 2843
قبل 8 سنه و شهر



سيارتي الاوله كورلا 2003 واول من ابو جميل كنت توني متوظف وكنت لاعب فيها تنجد فياجرا وشاشه وكنداسه وجنوط كروم .. المهم كنت ما شوف السيارات الثانيه شي ههههههههه المهم وومع صوت الدبه كل شوي قومه وترجيع نمر وزي كذا.. ومره كنت فوق كوبري الفلاح وكنت ماسك الوسط واول وماشافني راح كامري ماشي يسار يهدي لي ويدق بواري يعني تعال.. واانا زي البلف على طول قدام هههههههههههه وكنت مريح السياره على الخامس وعلى طول اردها للرابع وما عجبني واردها مره ثانيه للثالث واشد معاه الين نزلت الكوبري بأتجاه كازينو الموعد اللي على اليسار واناا هديت على اطلع كوبري كيلو 8 واسمع صوت من تحت السياره مثل سحبه سلاسل قلت ما عليك شوي ويروح .. واليوم الثاني ما راح الصوت واروديها على الميكانيكي قالي سلم على الجير بوكس هههههههههه ..


up 1 down 3
مستريح البال 1 1780
قبل 8 سنه و شهر



مستريح البال : ههههههههههههه عوافي عوافي 


up 1 down 2
a.a.77 2843
قبل 8 سنه و شهر



وبعد صار لي موقف طريف با لآكسنت قبل 3 سنوات .. الهيونداي مشكلتها العزم مررررة ضعيف سواء قديم اوجديد 

لاني مجرب الثنتين .. المهم صلينا العشاء في المسجد وخرجنا  نجيب العشا .. وولد خالتي ماكان يعرف يسوق = غشيم 

المهم اعطيت سيارتي يسوقها الا اول ماطلع من زقاق الحارة راح صدم جمس مركونة على جمب ..

الا اشوف ذاك الخآآآل جاي (  عنتر بن شداد  )  ههههاي يقول لببببق .. ولد خالتي من شدة الخوف شخ في سرواله 

المهم نزلته وانا اول ماركبت ولدخالتي يقول آآآآدعس يآآآآ شنب ... دعست ام الدعسة وما وقفت من الخوف (  صارووووخ  )

لفينا لفينا لفينا  بعد ساعة ساعتين اشترينا العشا لبقنا السيارة في الحارة الا اشووووف  (  عنتر بن الشداد  ) ياليلك سواد ليلك 

جاء يقولك تدفع ولا ادغ عالمرور قلت ادفع ادفع دفعت ( 100 ) االصدمة كانت مجرد طعجة بسيطة  

هههههاي حلوة هذي ولد خالتي يصدم ونا ادفع على باله (  مصرف المكاوي  )  ....

(  آلآ بذكر الله تطمئن القلوب  )     (  لا اله الا الله محمد رسول الله  )  ..


up 5 down 3
مكاوي يامكاوي -140
قبل 8 سنه و شهر



اذكر صار لي موقف محرج ومضحك 
مره كنا رايحين لعرس ومتكشخين ورايحين فيها مانشوف احد معنا 
المهم ركبنا السياره وانا فسخت نعالي وانتم بكرامه عند السياره وطلعت 
هههههههه
ويوم وصلنا ماوقف خوينا الا عند باب القصر وتعرفون عاد سوالف القصور تحصل 
اهل العريس عند الباب يرحبون 
وانا نسيت النعال ولا حسيت وانتم بكرامه 
والله وننزل من السياره واطالع للنعالي لاحووووووول 
كل هالكشخه وبدون نعال المهم اني رجعت البيت لا سلمت ولا باركت للعريس الا بعد شهر 



up 2 down 0
وسم 6wasm 1178
قبل 8 سنه و شهر



اذكر قصتي مع اول مرره اسوق ...

كان اخوي معه كورولا 2003 قير عادي ..

كنت مااعرف اقوم السياره .. كل شوي تطفى ..

المهم قال لي اخوي رح جب عشاء وانا مسوي كويس اني اعرف اسوق ...

جاء قدامي جمس ابوحديد وكان سيدين رايح وجاي وضرب فرامل واقوم ارقى على الرصيف واطلع على السيد الثاني ههههههههه

وتجيك السيارات بواري واشوف ابن حلال سعودي قلت له انا مااعرف اسوق قال اوكيه ويركب ويسوق السياره الى البيت ..

من بعدها اخوي ماعاد عطاني السياره الا وهو معي ههههههههههههههههههههههههه هههههه


up 2 down 3
اسير الاحساس 22
قبل 8 سنه و شهر



اسير الاحساس اجل مسوي فيها درايفر هههههههه
لك مني لايك على هالقصه


up 0 down 1
waeel alfife 374
قبل 8 سنه و شهر



كلكم عطيتكم لايك


up 3 down 3
waeel alfife 374
قبل 8 سنه و شهر



كلكم عطيتكم لايك


up 3 down 2
waeel alfife 374
قبل 8 سنه و شهر



قبل تقريبا شهرين كنت ماشي مع طريق مكة جدة القديم (بالتحديد بحرة)
و كان فيه تقاطع امامي و عند التقاطع تريلة تبي تديور 
و انا ماسك السيد اليمين ما دريت الا ذاك البترول طالع مع التقاطع على سرعته و صدمني على باب السواق
و الله و اجنب يمين و اتعوذ من الشيطان و انزل مع باب المعوني (باب السواق معد يفك)
يوم نزلت الا و راعي البترول يلعن فالشيطان و يتعوذ من ابليس و من الكلام ذا 
جيته قلت انت علامك تاخذ التقاطع بدون حتى ما تشوف وش ورى التريلة , قال و الله ممستعجل و مدري وشو
المهم قلت له يا رجال توكل على الله و الله اني مسامحك مابي من وراك شي و العوض ما فيه خير

تتوقعون وش قال ؟!!
قال وش اللي مسامحكك ؟ يا حبيبي قيمة الصدام و الله لتدفعه !!!!
قلت يا حبيبي انت داخل علي مع التقاطع و انا ماشي في خطي يعني انت الغلطان 100%
قال اجل اسمع عطني 500 و انا مسامحكك !!!!
قلت وشلون تسامحني و انت الغلطان انت خبل انت ولا ما تفهم 
وقتها كان ظهر و شمس و حر و اخلاقي قفلت ! قلت انا اوريك و ادق على المرور 
يوم جا المرور و شافنا متشاحنين و معصبين قال الحقوني على المركز 
بعد ما جينا المركز و الرجال متمسك بكلامه اني انا الغلطان تفاجأ من العسكري يوم قال الغلط عليك 100% 
وجهه صار كذا #_‏_#  و قالي الرقيب هاه بتتنازل ؟ 
قلت يا حبيبي و الله ما اتنازل لو يحب رجولي  , و اللي احلى من كذا طلعت استمارته منتهية و الرخصة منتهية ولا معه تامين 
و قله العسكري يالله على التوقيف و الله يوم جابوه من قدامي مودينه التوقيف ابطير من الفرحة 
و الله اخذ السيارة و اروح اقدرها (باب سواق _ باب خلفي _ مراية _ مفصلات) كلها طلعت 7900 ريال 
و جاني بعدها اخوه و يقولي تكفى تنازل و يحب خشمي , قلت ما تدري اخوك وش سوا فيني انا فالبداية سامحته لكن هو عابط
و قلي خلاص اطرح منها قلت لتدفعونها و عيونكم ما تشوف الدرب و بالفعل دفعوها


up 7 down 0
abo naser5061 209
قبل 8 سنه و شهر



يمسيكم بالخير 
اول ماتعلمت السواقه كنت صغير وغشيم يمكن بعمر 8 سنوات اسرق سيارة الوالد ربي يحفظة واطلع افرفر كانت تيوتا كراون قديمه قير عادي 
المهم وافرفر بالحواري قريب البيت ودخلت عكس وبنص الطريق الدورية في وجهي كبسلي وشغل السفتي ويبيني اوقف واعدي من جنبه ارقى الرصيف واشرد وهو وراي الله يسامحه من الخوف ماكنت اغير القير داعس على الثاني وحرقت ام المكينة 
وباحد اللفات وقتها واقف لكزس 92 واصفقه مع الرفرف الخلفي واكملللل الشردة لدرجة اني ضيعت البيت هههههههههههه 
بس ابشركم ربي ستر علي وما مسكوني بس عاد ابوي ماراح اقولكم ايش سوا فيني هههههههههههههههههههه
تحياتي للجميع 


up 2 down 0
d_alla 589
قبل 8 سنه و شهر