ماهي طريقة تجديد الرخصة

تروح لإدارة المرور ويعطوك وقه فحص للمستشفا وتسدد الرسوم وتستلمها ونت واقف 

انا قبل كم يوم جددت رخصة اخوي سددت الرسوم ورحت لمهم معي الرخصه سألني انت فلان قلت ايه قال استرح 10 دقايق ناداني اخذت الرخصه ومشيت

اذا انت بجدة روح لمركز المرور بالفحص الدوري يجددونها لك بدون ورقه للمستشفى  سويتها عندهم قبل سنتين وخلال نص ساعه استلمتها 

ادارة المرور االلى في الناصرية ؟
والفحص في اي مستشفى ؟
وكم قيمة الرسوم ؟

انا في الرياض حبيب قلبي واتوقع الفحص الدوري ماله دخل بالسالفه

بالنسبة لجده اخوي الفحص الدوري فيه قسم للمرور   تجديد الرخص والاستمارة  الرياض مدري عنهم 

انا رخصتي ضايعة ومطوفة .. رحتلهم واخذو مني صورة شخصية وقالولي سدد الرسوم وسددتها بالمكاتب اللي جنب
المرور واعطوني ورقة كشف طبي ووديتها لمركز الحي اللي انا ساكن فيه ورجعلتهم انتظرت عشرة دقايق تقريبا واخذتها .. اتمنى 
اني اكون افدتك والمعذرة اذا في شئ ناسيه

بالنسبه لتجديد الرخصه ياخوي مايحتاج فحص طبي ! تروح لهم طبعا مسدد الرسوم وهي ( 10 سنين = 400. 5 سنين = 250 ظاهر. سنتين = 40. ) طبعا أنا اخترت 5 سنين وجتني 7 سنين المهم تروح وتقول بجدد رخصه ويعطونك استماره تعبيها وتعطيها م دري من يختمها ويقولك وتحط معها 4 صور. رح للشباك فلاني تعطيه وتنتظر شوي وبيناديك ويعطيك الرخصه ومبروك عليك ، كل هذا سويته من مدرسة تعليم القياده غرب الرياض 

عفوا اقصد. سنتين = 80

يعطيكم العافيه اللى استفته منكم
اني اروح لدله واقولهم بجدد الرخصه
 ويعطوني استماره اعبيها واسدد الرسوم
400 لعشر سنوات
200 لخمس سنوات
واخذ رخصتي اللمنتهيه معاي

باقي شيء غير اللى كتبته

انت باي مدينه 

اذا انت بمدينة رئيسية روح لمركز البريد السعودي وخذ معك صور وكشف نظر من اي مستوصف وارفق الرخصة
المنتهية ويجددونها لك في يوم واحد 

أنا مجدد استمارة سيارة 
رحت امنت ووديتها لهم الصباح وبعد العصر اتصل علي الموظف وقال تعال خذ استمارتك 
واذا كان عندك واصل يوصلونها لك لحد باب البيت

اريح لك من المراكض والزحمه 

ياخذون اتعاب 25 ريال 

صراحة مريحة الخدمه 

ادخل رابطهم وشف المطلوب ورح قدمها عليهم 

http://www.sp.com.sa/Arabic/SaudiPost/ProductsServices/Pages/GovernmentalServices.aspx

الخدمه في الرياض وجده والدمام فقط

انا توني جددتها يوم الاربعاء رح الصراف وادخل حكوميه وبعدين تجديد رخصه وادخل رقم الهويه وسدد 
ورح المرور مع صوره من البطاقه والرخصه القديمه وحطها ف ملف شفاف ورح المرور وعب نموذج تجديد رخصه
ولاتجلس خمسة دقايق .
احسن ماتروح المكاتب الي بجنب المرور ياخذون عليك 20ريال .

الله يعطيكم الف الف الف عافيه فديت شدوقكم

ليه نجدد الرخصة مالها داعي
انا جددت رخصتي من كم سنة ووضعتها في درج السيارة

وانتهت مدتها ما أحد سأل عنها والآن لي خمس سنين
ماجددت وأطوف شوارع الرياض عرض وطول وما شفت إلا كل خير ولله الحمد

ممكن أجدد فقط لو شفت رجال المرور يفتشون عن الرخص في كل شارع

لكن ولله الحمد كل واحد منهم جالس في دوريته ومشغول بجواله!!!

مهم تجديد الرخصه لنقل السياره ليشملك التأمين لاقدر الله واشياء كثيره