أضف سؤال أو موضوع جديد          

على السوم ومالي حد والله تعبنا

up 9 down 6
كروز_وبس 1042
قبل 9 سنه و شهر



السلام عليكم ورحمة الله وبركاته 

حاب اذكر اللي يبيعون هنا أشيائهم الخاصة مثل سيارات وعطور و ادوات كهربائية والخ ...

تخيل واحد منهم شاري لو نقول سماعة ب 20 ريال من المحلات مثلا ومن البطحة في الرياض لان كل شيء رخيص هناك .

ثم يجيك ويعرضها هنا في الموقع ويقول نظيفة وعلى الشرط و وووو وأخرها يقول لك على السوم 

في هذه اللحظة انت بتكون عارف بكم شاريها هو ؟ ممكن البعض يعرف ويتدخل ويقول هذه سعرها 20 ريال 

ولاكن في بعض الأشخاص هنا الله رازقه بعقل مقفل ما ينفتح الا وقت النصب 

يجي ويسومها ب 300 ريال ولا 400 ريال ويشتريها ومن ثم يجي ويقول اللحقوني لعب علي 

طيب الله يهديك ليش تشتريها منه ؟ انت عارف انه يبي ينصب عليك ليش تتدخل و تتلقف وتسوم بسعر خيالي 

طبعا انا ما اقصد الكل انا اقصد الناس النايمة اللي ماتفكر قبل تسوم 

تعالوا نتكلم عن الأشخاص اللي يبيعون على السوم :
1- شخص ماعنده ذمة ولاضمير .
2- يلعب عليك لعبة شريطي يعني يقربك ويبعدك .
3- يسومها منه احد بسعرها ويقول انت بعيد ثم يجيك واحد ويسومها ثم يقول انت قربت ثم اخر شيء ييئس ويقول انا حديتها بكذا 
4- تشتريها منه وتندم عليها وتقول ياليتني ما شريتها منه لانك لاحظت شيء مو تمام فيها 
5- يمنع خاصية الرد لانه يبي يستدرجك والله اعلم وش نيته 
6- يقول لك وقت السوم موحقها , بالله ما ودك تصفقه على راسه , وش عرفني كم انت شاريها به على شان تقول مو حقها قول كم تبي تبعيها ولا خذها واسكت 


اعذروني اذا اسئت ولاكن يا خوان والله تعبت منهم اذا جيت ادور شيء ولا ابي شيء من الموقع القاه على السوم وانا ساعتها ما اسوم لاني ما ابي ينلعب علي فيها 

انت احذر وخلك واعي ومو تسوم شيء ما تعرفه سعره 

ملاحظة : قبل كم من يوم في ناس اهتمت بجمس لعمي موديل 91 ماشي 20 الف بس وذكرت قصته هنا وناس صارت تبيه 

أنا اعتذر لاني ما رديت على احد الى اليوم لان كان عندي حالة طارئة جدي كان في المستشفى و كان سبب البيع للجد وانا مادريت عنه فتكفلت بكامل مصاريف علاج جدي 

وقلت لعمي اذا يبي يبيع وقال لا ما عاد ابي ابيعها ابي اورثها عيالي وهذا رده واقسم بالله العظيم ما كذبت فيه 

فأرجوا المعذرة يا اخوان 

تحياتي للجميع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


هههه لب قلللبك والله انك جبتها على الجرررح الناس تشتري ولا تعرف كم قيمته جديد ولك احلا لاييك ياحلو


up 4 down 1
شكلين مابحكي 3159
قبل 9 سنه و شهر



اي والله قلت يللي نبي نقولها
ياخي يحط حد ولا لايبيع السلعة ابد دام كذا حركاته
لك لايك



سؤال سريع::وش السالفة رفع الصور؟؟؟
أبي أنزل موضوع وما ارتفع الصور.....أتمنى من الإدارة حل المشكلة سريعا


up 1 down 1
3llawi96 3115
قبل 9 سنه و شهر



مشكور لردودكم الرائعة وياليت الادارة تسهل امور الموقع شوي لان كل شيء فيه قديم و منقرض 

لكم احلى لايك 


up 1 down 0
كروز_وبس 1042
قبل 9 سنه و شهر



هؤلاء يبتعد عنهم احسن مثل اللي يسأل واحد انته فين
ساكن قال مع اخوي واخوك فين ساكن قال معايه طيب
انته واخوك فين ساكنين قال مع بعض 
يوه الى متى تفغيص البيع هذا  مثاله زي السطرين
اللي فوق



up 4 down 0
فتى النرجس -89
قبل 9 سنه و شهر



هههههههههههه الله يسعدك فتى النرجس والله ضحكتني 

من جد ابعد عنهم واشوفهم كثيرين لان الردود قليلة ههههههههه




up 1 down 0
كروز_وبس 1042
قبل 9 سنه و شهر



هههههههه باين  ياأخ كروز شكلك وقعت على الجرح


up 0 down 0
فتى النرجس -89
قبل 9 سنه و شهر



موب كل من سام معناه انه صادق بسومته بعضهم يستهبلون ويكذبون

انا ارسلي شخص رقم جواله واسمه قال اتصل علي لاني اعرف صاحب الموقع ومابي ادخل معه بأحراج واتصل عليه قلت انت فلان قال ايه قلت انت مرسلي على موقع حراج قال لا ياخوي معليش هذولا خوياي مسوين فيني مقلب عقبها لو يرسلي احد بكرشه واقوله اتصل انت يارجال فيه ناس يسومون ويتواجهون ويتعب الرجال وهو بس يبي يشوف ويتلقف ولاهوب جاد ولاهم يحزنون


up 1 down 0
استثنائي 790
قبل 9 سنه و شهر



انت في السعوديه لاتستغرب


up 0 down 0
استثنائي 790
قبل 9 سنه و شهر



انا مو ضد منع خاصيه الردود ولاتدخل في نيته الرجال لان فيه ناس كبيرة عقوله صغيره يستهبل ليش تبيع السيارة يبخس السيارة لو انت في مكانه ماترضه على نفسك ان موضد منع خاصة الردود لان فيه اسباب كثيرة


up 1 down 0
محمد ال سلمان 820
قبل 9 سنه و شهر



المصيبه ياخوان هذا الي يستهبل ولايشتري او تتصل علية وما يرد اقسم انه يسوم صدق ون يكون جاد 


up 2 down 0
محمد ال سلمان 820
قبل 9 سنه و شهر



انا معك في اشياء وضدك في اشياء
السوم مباح لاهو حرام ولا اي شي 
ومعك في ان خطا الشخص يسوم تقليد على انها اصلي هنا صاحب السلعة لازم يبينها والي يبي يشتري يسوم ويشرط انها اصليه
وبنسبه لسوم في السيارات في الموقع نظامها خطا خطا خطا خطا خطا اول شي سوم مخفي انت ماتدري الي سام صاحي ولا مجنون
السوم يكون على وضوح وليس في الخفاء مثل الي يقول سيمت برسالة في الجوال والخ عذرا على الاطالة


up 1 down 0
سلطان سعد 1014
قبل 9 سنه و شهر



موضوع جميل ومتفق معك ولكن بعض الناس بجم انا عرضت سياره بموقع مستعمل ولاشفت مثل بخسهم وجهلهم ثم وضعت حدي فيها الي هو 50 الف وجاء واحد رمه وسامها ب 31 الف وقام يطقطق ويتفلسف وقال مالك حق تحط حد الشي الصح انك تعرض سلعتك والناس هنا تسوم وقاموا الي معه يطبلو له يقولو صح وحدك عالي طيب دام حدي عالي وماعجبتك توكل على الله ماغصبتك تشتري ثم اذاني كل شوي مرسل بالخاص تبيع 32 وترا الشي الصح انو تحطها على السوم!!!! عجبي ماابغى واحد خسيس مثلك يسوم ويضيع وقتي ........المهم عرضتها بمعارض الشفا وبعصريه ولله الحمد بعتها ب 46


up 1 down 0
fvcdh 98
قبل 9 سنه و شهر



حتى لو يحط سومه من راسه الشخص مايشتري الى بخراجه يعني ماحد يجبره سوء سميت او حط سعر في باله دراهمك معك وسيارات الرجال معه


up 1 down 0
محمد ال سلمان 820
قبل 9 سنه و شهر



هههههههه الله يعين 

والله يا اخوان اللي يعرض سلعة بدون سعر هو الغلطان مو اللي يسوم لان اللي يسوم ما يعرف سعرها وساعتها وش بيدريه انه باخس السلعة وفي ناس تحط ارقامها ولاكن البائيع يقول انت بعيد عن السومة 

هذا القصد وانا ما اتدخل في امور الناس هو حر يبي يبعها باللي يبيها بس لايلعب عليك بسعرها وهي معروفة 

الله يوفق الجميع 


up 0 down 0
كروز_وبس 1042
قبل 9 سنه و شهر