للفائدة .. اسعار الوكيل ارخص من البناشر

السلام عليكم ورحمة الله وبركاته
حبيت اضيف هالموضوع من اجل الفائدة للجميع

وهو عن اسعار البطاريات للسيارة
احتجت اغير بطارية لسيارتي الاوبترا موديل 2009 طبعا هي حقت بلدها ويوم بدأت تفضى قلت خلني ادور عالمحلات واشوف اسعارها وانواعها قبل لاتخرب واتورط وانا مستعجل المهم دورت في البناشر ولقيت نوع اسمه هانكوك مقاس 55 ولقيت سعره في البناشر من 250 ريال الى 270 ريال ولقيت محل للبطاريات ب235 ريال نفس النوع ونفس المقاس ويحلف لي انه مكسبه من ورايه 5 ريال
وتركتهم وبالصدفه لقيت محل بن شيهون اللي هو وكيل هانكوك وسالت عن البطارية وطقطق على الكمبيوتر وقالي ب 210 ريال قلت وبعد الخصم ؟ قال 190 ريال
وشريتها وانا مغمض مع فاتورة وضمان سنة ..
فيااخواني اسالوا عن الاشياء اللي تحتاجه من الوكيل نفسه وبعدين شوف اسعارها برى
تحياتي لكم

إبلاغ

الردود

فيه محل بن شيهون في صناعيه المعدات الثقيله قريب من المالكي لصيانه المرسيدس عنده كفرات لكن بطاريات ماني متاكد

بدربن عيافه العتيبي 5
قبل 6 سنه

المحل كل ما صار كبير وفي بضاعة كثير عنده وشغله ما شي كل ما نزل السعر اكثر لان ينزل كميه
ويبيع ويجيب كمية اخري
بس المحلات الصغيرة تنزل كميات محدوده وتاخذ وقت عشان تصرف
بخصوص السعر عند الوكيل اكيد راح يكون اقل لان كل همة يصرف اكبر كمية
بخصوص زيادة السعر عند المحلات شي طبيعي يبون يكسبون وراهم اجار ورواتب ومصاريف
وحط في بالك اذا جيت تغير اي قطعة تشوف اكثر من محل اذا تقدر

الشرقية ماركت 155
قبل 5 سنه و 5 شهر