السارات الصينية الجديدة

ولله يا حبيب انا رحت المعرض في جده طريق المدينة واتفرجت على الانواع وهي 3 انواع:
C7 C8 C6
طبعا اكبرها حجما سي 8 .. الماكينة 2500 سي سي وحجم السيارة تقريبا مثل النيسان التيما 
النص فل ثمنها حوالي 65000 والفل الكامل ثمنها 72000 على ما اذكر 
طبعا الفل اوبشن فيها كل حاجه من فتحه وجنوط ومثبت سرعه شاشة تحكم كامل بالمقود جلد بني فاتح .. السيارة من الداخل جميله جدا
التصميم الداخلي جميل والخارجي كمان مميز
السيارة من الداخل واسعه ومريحة في الجلوس 

رغم كل ما ذكر السيارة بعدها جديده بالسوق السعودي وما نعرف ادائها على الزمن البعيد يعني تهرم بسرعه مثلا؟
العفش الداخلي يخرب بسرعه وكذلك الاضافات والاوبشن فيها يدوم او يشتغل فتره وتبتدي المشاكل؟
كمان السيارة ما نعرف شو وضع القطع بوكالتها متوفرة او لا واسعارها كيف؟
لازم احد يمتلك السيارة يفيدنا بخصوص الصيانه 

انا ولله كان عندي تفكير لكن ما احد نصحني ادفع كذا مبلغ بسيارة مو معروف خيرها من شرها وبنفس السعر اخدت كيا سيراتو كوبيه 

اتمنى اكون افدتك يا طويل العمر و الله يوفقك في الاختيار 

بصراحه انتشرت السياره انتشاااار عجيب مو لرخصها بالعكس اقيامها بال 60 وال 70 بس مدري عن توفر القطع وعمرها الافتراضي وقيمتها اخذ لي سوناتا احسن واضمن

lolo
صح لسانك ومعاك حق يضل السوناتا معروفه ومجربة والها سوقها 

اللحين القآهآ بكل شآآرع !!
عندنآ ببريدة ملاحظ جدآ رؤيتهآ وصرااحة كثر الحديث عنهآآ !!
احدهم جربهآ بسسسفر ويمدحهآ.....
قيمة السيدان المتوسط منهآ تبدآ بخمسيين لكن الاهم كيف انظمة الامان فيهآ؟؟

ولا احد منكم اهتم بالسلامة ....مهتمين بعمر السيارة ولا ااهتميتوا باعماركم ...
عموما ياما كتبت تعليفاتي وحطيت روابط عنها بهالمنتدى ترى الامان فيها ضعيف جدا .قيه اهتمامات اولية للسيارة مو بس غيار وبمزين وتعيش ولا ماتعيش الماديات مو كل شي

معلومه متاكد منها اكبر نوع في السيدان مدري ايش اسمها المهم مكاينها ميتسوبيشي

طلآل عبد الله 
بتقنعني ان تويوتا فيهـآ آمـآن ؟
ـآلكـآمري ـآلفل مابوه إلآ 2 وسـآئد هوآئيه 
ـآلالتيمـآ نفس الحكايه مابوه إلآ 2 
رغم تعصبي لنيسان إلآن تويوتا ونيسـآن من جرررف إلى دحديره 
شف آلامـآن بآلآكورد وتعررف العز 
وشف الالماني وتعرف آلرآحه + الرساوه + آلامـآن 
اليابان ممن قامت توزع ماصانعه خربت 
الآلتيما امريكي 
آلآفـآلون آمريكي 
الكامري استرالي 
الفرونشتر  مدري البرادو اندنوسي 
الصني والياريس كوري 
بختصااار الكورري جاي بالطريق هو والصيني 
شف على ايام اجدادنا من كان يناظر لليابان كلهم يمدحوون الاماني 
وبعدها بدت تطلع اليابان حبه حبه 

الجيلي السيدان الكبيره محركاتها محركات متسوبيشي

وفوق هذا تراها مقلب على اسمها جيلي هههههههه

ما انصح فيها واحد من الشباب دلخ كان معاه كابريس 2006 v6 باعها وطلع له جلي جديده وندماااااان ومتحسف على الكابرريس

والله انا اشوف انه مغامره اني اروح احط فيها مبلغ مثل 50الف او70الف بينما فيه خيارات كثير بهالمبلغ سياره صينيه اول شيء وكيلها الحاج حسين رضا حتى قطعها محتكرها وحصري عنده فقط ماندري عن اسعارهاكيف بتكون فلذلك الواحدياخذسياره عريقه ومعروفه افضل من المغامره وجهت نظري وبالله التوفيق~

انا احسها من جنبها والله بس اللي مستغرب منه يا شباب انتشرت واللي فقع راسي صدق اليوم شفت وحده لموزين ؟؟؟!!!!

بصراحة ياجماعة الخير أنا سألت واحد صيني (أهلها أدرى بشعابها ههههه) قالي ان السيارة غير مصممة للأجواء عندنا ( يعني مافي مواصفات خليجية ) وغير كذا ان السيارة توها جديدة يبغالها كم سنة عشان الواحد يحكم عليها من واقع تجربة بغض النظر عن مواصفاتها يعني اللي أخذ منها الله يباركله وان شاء الله يقدر يفيدنا عنها بعد تجربتها ...

أخوي ابو عناز شكراُ لردك.... المستهلكين عندنا هذا ذوقهم شنسوي!!وتقولي تايوتا انا ادري تايوتا يارس وكاورلا الامان فيها بور ضعيف يعني اصابات وفيات كامري جيد امانها وافالون لكن ماعند تايوتا سيارة تحصل على تقاريرممتازة بالامان والناس مثل ماهم اللي ماخذين تايوتا صارت غالية راحوا للاردى هونداي ويمدحونها واللحين التوجه الى جيلي وميلي هذولا المستهلكين ينضحك عليهم بمكيف توماتيك وجنوط 17 اكسسوارت تغطي على المضمون....
وبالنسبة لسيارتي هوندا وانا عارف انها متميزة بمستوى الامان 5 نجوم ماشاءلله طبعا مع احزمة الامان اكيد,,,بعد الله سبحانه الانسان يعمل بالاسباب

شف الكوري افضل اسعارة حلوة وا

http://www.youtube.com/watch?v=cOZBJYcwKDE

http://www.youtube.com/watch?v=4tAVyw8Bsp4

والله انا شفتها لقيتها تمشي الحال ؟

والله الموتر مع خووي والرجال يمدحه ويقول ما يشتكي من شي

بس بعد 5000 كيلو خربة الفحمات على طوول و القر بدا تطلع له ريح مع التشحيط واظن انها تهربد بسرعه

اخي الكريم لا شك في ان الصناعة الصينية هي اكبر الصناعات القادمة مؤخر و مستقبلا 
واصبحت دول العالم تضعها في حساباتها 
علما ان اغلب الشركات الثانع اصبحت تصنع او تحطط لبناء منصنع لها في الصين 
مثل جنرال موتورز يتم تصنيع شيفروليه ماليبو و شسفروليه سبارك و حاليا شيفروليه سونيك 
فولكسواغن يتك تصنيع الباسات - فيات يتم تصنيع الفيات 500 
وحاليا توجد شركة جديدة في المملكة ايضا بريطانية الاصل صينية التصنيع و علامتها التجارية MG و هي سيارة متواجدة منذ 88 عام 
يوجد لها وكل في المملكة و لديه عروض جدا ممتازة 
ضمان 100 الف كيلو     - صيانة مجانية 60 الف 
و بصراحة تمت تجربة السيارات قمة في متعة القيادة و المتانة 
و فيها وسائل سلامة و امان عديدة تصل الى 9 انظمة امان ما بين التحكم بالفرمل على المنعطفات و توزيع القوة و الكبح على الاطارات
و اسعارها من 40 الف الى 90 لديهة 4 طرازات 

انصحك بزيارة معرضهم ستلمس كل ما ذكر و اكثر 

اهرب من الصيني عقلك في راسك الا اذا تحب القلق والخساير