أضف سؤال أو موضوع جديد          

موضوع مفيد عن الورش

up 7 down 2



السلام عليكم هذا موضوع (منقول) من أحد الاخوان في المنتدى و لا مانع من طرحه للفائدة حيث أن كثير من الناس
يجهلون في التعامل مع الورش و مراكز الصيانة:


1/لا تتفق مع أي ورشة (على طول) !!!! بل حاول إنك تاخذ لفة على الورش و تعرف أسعارهم و تعرف الفاهمين من
غير الفاهمين , وهالشي يفيد بتحديد المشكلة اللي عندك إذا ما كانت معروفة !!! مثلاً: تمر على خمس ورش و تلقاهم
يجمعون على مشكلة واحدة عندك , بينما لو تروح عند ورشة وحدة فما تدري هل هو ينصب عليك أو فعلاً فاهم.




2/ لا توافق بالسعر الأول أبداً !!!! أكثر الورش و بلا إستثناء الجيدين و الإستغلاليين (يشطحون بالسعر) !!!
إذا جيت تصلح عندهم , حاول قدر الإمكان أن تكون ذكي و إستخدم طريقة (سعر الورشة الفلانية أرخص)
وهذي الطريقة تفيدك بمعرفة أمانة العامل في الورشة , مثال: أنا أبي أركب فحمات و أخرط هوبات رحت عند
ورشة و قال لي ب 150 أجي لمه و أقول بس الورشة الثانية ب 100 !!! طبعاً إذا كان نصاب بيقول لك خلاص
تعال ب 100 بس إذا كان واثق من سعره و شغله بيقول لك بكيفك هذا سعري و أغلب الورش تشطح بالسعر لأنهم
لاقين ناس على النية ما يفاوضونهم ولا يسعرون في الورش الأخرى المختلفة !!!




3/لا تفوض العامل أو الورشة بشراء القطع من محلات الغيار أو (التشاليح) إلا إذا كنت واثق تمام الثقة منه !!!
وطبعاً بعض الزباين يصدق الورشة عشانها تجيب فواتير !!! الفواتير أغلبها وهمية و فيها تحايل على العميل
في أكثر الأحيان , طبعاً في أكثر من طريقة للتحايل إما إنه يكون متفق مع محلات لقطع الغيار ترفع السعر في
الفاتورة و الزيادة تكون في جيب العامل و يعطي محاسب المحل (علاوة) , أو يشتري قطع ما هي مهمة و بعدين
يرجعها و ياخذ حسابها و لامن جيته عطاك الفاتورة الأولى القديمة , أو يشتري قطع ماهي أصلية و يحسبها لك
على إنها أصلية إلخ ... من الطرق و الوسائل المختلفة لذلك إشتر (القطع) بنفسك ولا تجعل نفسك عرضة للنصب.




4/ لا تذهب إلى ورشة لم يسبق لك التعامل معها أو لم تسمع بها !!!! فأكثر المشاكل تحصل من هذي الطريقة تروح
لم ورشة و تعرض عليهم المشكلة في السيارة و يوافق على تصليحها حتى لو ما كان يعرف ماخذينها (حقل تجارب)
بسيارات الناس , لذلك إحرص على إنك تروح لم ورشة معروفة بسمعتها و شغلها و لو كانت أغلى شوي.




5/ خذ ضمان من الورشة على شغلهم , بحيث تتفق معاهم قبل لا تحط السيارة عندهم إذا ما حلوا المشكلة ما تدفع لهم
الفلوس اللي إتفقتوا عليها , و لا تدفع كامل المبلغ إلا إذا أخذت السيارة و جربتها و تأكدت بأن المشكلة إنحلت.




6/ حاول قدر الإمكان إنك تسأل الفني في الورشة عن حجم المشكلة و توابعها إلخ ... حتى تتأكد و يتضح لك فهمه أو
عدم فهمه !!! لأن كثير من الزباين ما يهتم بالنقطة هذي , فلذلك إحرص على كثرة الأسئلة و الإستفسارات.




7/ لا تغتر بالشكل الخارجي و الفخامة الموجودة في الورشة !!! في بعض الورش قد يخطر على بالك إنها سيئة و لكن
فيها عمالة فنية ماهرة جداً , طبعاً هذي الشغلة إنتشرت بالورش تحسًن الشكل الخارجي و بعضهم يحطون إستراحة
فيها شاهي و قهوة و تلفزيون بلازما و مكيف (يذعذع) بوجهك , حتى يغتر العميل و يعتقد بأن الشكل الخارجي مقياس
للجودة في العمالة الفنية و الإتقان في العمل , و هي طبعاً شغلة نسبة و تناسب ماهي مقياس أساسي بس أنا أحذرً من
الإنخداع في الشكل الخارجي !!!!! و عدم الإلتفات لجودة العمالة الفنية و الإتقان في العمل.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


@@@@@@@@@@@@@@@@@

وأهم ما يكون بالنقطه الثالثة .. قطع غيار لتوضيب المكينة أو القير ..


أنا أستغرب من بعض الناس .. حتى لو يبي يوضب مكينته أو قيره يجعل العامل هو إلي يأتي له بقطع الغيار !!!!


يا جماعة الخير !! .. مب إلي هذه الحال وصل حالنا !!

حتى لو كان واحد ثقة .. للأسف أنا أسميها هذه ثقة عميااااااااااء !!


الواحد يحرك رجلينها ويجب معه قطع الغيار الأصلية ويكون واااقف على رأس العامل وتضمن حقك يا الحبيب !!


أما إذا ترك المرعى ترعى .. لا تلوم إلا نفسك إذا صار لموترك شئ!



@@@@@@@@@@@@@@@@@@


والنقطه الخامسه مهمه جدااا ..


الضمان .. الضمان .. الضمان ..


أخبر العامل إذا ما صلح العطل .. أنك ما راح تدفع له ولا ريال ..

سواء تعب ولآ ما تعب .. ولا عرق .. ولا ما عرق . ولا اجتهد ..ولا ما اجتهد ..

دق السلف .. وقول له زبدة الخلاصة " المســـلمــون عـــــلى شــــروطهم "







تعليمات لابد ان تطبق في حياتنا اليوميه مع الورش والعماله ....
أبدعت بما نقلت أناملك الماسية بالموضوع  بطرحك الجميل
بإنتظار جديدك فلا تحرمنا من إبدعاتك
تقبل تحياتي بكل ودي وإحترامي

دمت بـــــــــــألف خير
.


up 3 down 1



@@@@@@@@@@@@@@@@@@


والنقطه الأخيرة في لبّ الصميمــ ,,

بـل أصبحــت أغلب حال هذه الورش .. إلي تهتمــ بجمال الديكور واللمعة والأنوار والبلاط والمكتب .. تحـاول تصير نفس منهــج نظام الوكـــالة !! ..

إذا بتدخل سيارتك لمعرضنا لآزم نفحصها بالكامل .. وإذا فحصناها لازم تدفع المبلغ الفلآني حق الفحص .. ثم نعطيك كيت وكيت وكيت من الخرابات .. ولآزم إذا بنصلحها نصلحها لك بالكامل هذه الخرابات ,لأن مشكلتك أغلب مسبباتها هذه الخرابات , وإذا صلحنا لك خراب وتركنا خراب يمكن ما راح تروح مشكلتك .. ثم يجيك الـ سنترال ويعيطك هـ الفاتورة إلي تقسم الظهر .. !!

ولو رحت الوكالة كان أرحم لك وأضمن !!


وحـــدّث ولآ حـــرج !


صحيح لازم تلف وتشوف الورشه اللي شغلها حلو . والعمال اللي عندهم خبره في المجال نفسه 
ماهو يجيك بنقالي مسوي فيها معلم هو والله مايعرف وين الله حاطه ..انتبه تخلي سيارتك عند ورشه وتيجهم لمن يخلصون منها
قسم بالله يشتغلو فيه شغل ابوكلب بس عشان يمشو الزباين اللي عندهم .اقعد عندالسياره وترك الاتكاليه اللي على عماه



up 3 down 2



أشكر الجميع عالمرور , دمتم بود و أسعدكم الله يا غالين .