كيف استخدام الفورد اكسبلورر 2010 دبل نص فل

الاكسبلورر مايصلح للي بيستخدمه استخدام جيوب << اقصد انه حاط في باله طلعات واجده للبر وسحب وتنطيط
هو موتر مدينه وسفر اكثر من انه موتر بر 

القير مامنه خوف اذا استخدامك عادي
زيت القير يتغير مره كل 45 - 50 الف كيلو وماله عيار فقط يبيلك تحسب الكيلوات وتغير أو اذا حسيت انه فيه تاخيره
خفيفه 

تغيير الزيت مايكون الا عند مراكز متخصصه في الاكسبلورر لأنه يختلف عن كثير من السيارات
وله وزنية خاصة مايعرفها الا كم مركز متخصص في الرياض أو الميكانيكيين الي لهم خبره في التعامل معه

بالنسبة للصوت الي يطلع مع الدبل طبيعي وبعدين ما يحتاج تشغل الدبل حتى لو احتجت له لأنه دفع رباعي مستمر يفصل
بعد الـ80 ولكن تقدر تشغل الدبل الثقيل اذا ااحتجت له

حنا عندنا واحد موديله 2010 والاعطال الي واجهتنا هي :
حساس الهوا (يجي في الجنوط)
حساس القزازة الخلفية حقت الشنطه 

المميزات :
العزل الأرضي ممتاز
الرساوة مقبولة جداً
اقتصادي جداً خصوصا الـ 6 سرندل 
وسيع مقارنه مع المنافسين

العيوب :
العزم في القومه يرفع الضغط
الديكور الداخلي مب بذيك الجوده وتسمع احيانا صرصرة خفيفة زي اي فورد ثاني 
المراتب قاسية لكن الميركوري ماونتنير شقيق الاكسبلورر أفضل منه في هالجزئية 
صوت هوا خفيف تسمعه على السرعات العالية لكنه غير مزعج

السيارة انصح بها عموما لكن احرص على النظيف واسأل قبل عن تغيير الزيت لأنه ضروري 

اسأل الله أن يرفع قدرك يالغالي في عليين ومن يعز عليك شكرا على مرورك اللطيف والمفيد
جزاك الله خير

اقصد بحساس الهوا حساس الكفرات 

كان عندي بدون دبل موديل 2006 اببد ماعجبني ثقيل وانت اللي تبي تشتريه دبل يعني ثقيل بزود

اللي يقول مراتبه غير مريحه بالعكس اشوفه مريح

وماشوفه اقتصادي التاهو 8 سلندر اقل منه صرفيه او حوله

والله يعطيك خيره ويكفيك شره