أضف سؤال أو موضوع جديد          

ليش رش اي جزء من السيارة يطيح من قيمتها كثير

up 3 down 2
albroker99 742
قبل 8 سنه و شهر



السلام عليكم


طبعا بما ان سواقتنتا مشي حالك وكل واحد ماشي على نظامه الخاص بالسواقة هذا غير السواقين اللي جاين من برة وعمرهم ما شافوا سيارة نسبة الحوادث كثيرة

طبعا عندنا السيارة اذا صار لها اي حادث وتم اصلاحها حتى لو حادث بسيط الرفرف او صدام يطيح من سعرها كثير وتصير تسبب قوي عشان تنبحس السلعة
حتى صار الاهتام بالبودي اهم من المكينة و استخدام السيارة و الممشى و العمر

المشكلة انه بعض الحكات تجي من ابواب او رصيف و تشوه منظر السيارة لكن الواحد ما يبي يرشها على اساس ما يصير سعرها بالحضيض حتى لو ما تحتاج سمكرة فقط تجديد بوية

وكذلك الحال عند رش الجنبية بسبب رفرف لانه ما فيه ورش تضبط اللون فيضطر الواحد يرش الجنبية كاملة

كلامي عن الصدمات الخفيفة الي ما تاثر بالبودي ( الشاص ) للسيارة يعني مش شاحنة داخلة فيك ولا جايب الواجهة مع المكينة و بتكون واضحة عند فحصها انها ضربات قوية او خفيفة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لأن المشتري ما يدري هل الصدمة قوية ومؤثرة أم لا .. لكن رش الصدامات أو الرش الخفيف جدآ ما يأثر في البيع .. لأنه ما يعتبر عيب ..


up 2 down 0
أبو أحـــمد 2433
قبل 8 سنه و شهر



وعليكم السلام ورحمة الله وبركاته : 

بخصوص الحكات سواء معدله أو غير معدله 

مثلا نويت تشتري سياره وجدت السياره فيه حك بسيط يحتاج إلا رش لا غير 

طبعا انت تطالب بخفض السعر !! 

ليش ؟ 

لأنك لو شريت سياره وفيها حكه بدون تعديل إذا عدلتها ونويت بيعها بعدين تصير عليك علثه مرشوش ومن ها الكلام 

يعني يفضل أخذ صوره للخدش أو ماشابه على شان إذا نويت البيع توريهم صورة الخدش .


up 0 down 3
دحيم٧٧٧ 2205
قبل 8 سنه و شهر



اخوي ابو احمد لا والله اخف رشة تنقص من قيمة السيارة كثير جداً


up 0 down 0
mat2rain 246
قبل 8 سنه و شهر



أنا لمن جيت أشتري سيارة ، عرفت إنها جايها صدمة خفيفة (شبك ونور وطعج خفيف بالكبوت) وشريتها بسعر السوق كأنه ماجاها شيء .. لأن في اعتقادي أنا مستخدم وهالطقات الخفيفة ما تأثر على السيارة


up 5 down 1
أبو أحـــمد 2433
قبل 8 سنه و شهر



رفرف حكه بسيطه لاتؤثر كثير في قيمة السياره بلاك الرش الكامل او الصدمات اللي توصل للداخل لأن السياره المسمكره يقلب لونها بسرعه وبويتها ضعيفة اي شيء يحكها حتى بالمفتاح تقرد تجرحها بعكس بوية السياره الاصليه
واكثر السيارات المرشوشة اللي يطيح سعرها الجيوب لانه اذا هزها البطناج يتكسر المعجون وتتشوه


up 1 down 0
ابو راكان تبوك 956
قبل 8 سنه و شهر



^^

طيب انا موتري اذا شخطه تبين البوية الداخليه (بيضاء)




up 0 down 0
برينسيزو 540
قبل 8 سنه و شهر



هل هو مرشوش ؟      


up 0 down 0
برينسيزو 540
قبل 8 سنه و شهر



ياجماعه انا اخذت جيب لاندكروزر تخليص لمبلغ   من واحد بس اكتشفت انه مرشوش الكبوت والرفارف  لا جاء وجه الموتر عج والموتر ماشي ٦٠٠٠ وصاحبه مايعرف ان السياره اذا انرشت تطيح من قيمتها فيه احد يقدر يساعدني لانه فيه ناس يقولون يقدرون يصلحون البويه وش تنصحوني يا جماعه الموتر جديد وانا فحصته عند شريطيه قالو مرشوش بس ما عليه معجون والحمد لله مافيه ولا صدمه 


up 0 down 0
ابو وليد 21
قبل 7 سنه و 12 شهر



السلام عليكم ورحمة الله وبركاته ..
موضوع ممتاز واحييك على طرحه ، وبعد كل التعليقات ما شفنا واحد قال وش سبب طيحان سعر السيارة بعد رشها الا اول تعليق حياه الله.
اما بالنسبة لرش السيارة - تدرى انه فى شى اسمه عقدة الخواجة والشريطية يقولون عن السيارة السليمة (الخواجة قاعد فيها ومتربع ) يعنى مشروطة من الصدام للصدام.
طيب وعند الرش للسيارة ليش بيطيح سعرها؟؟ ذى زيها زى الجوال ..اذا اتفتح طاح سعره بمعنى انه السيارة صار فيها لعب وماندرى وش جاها ووش سويت بعد فى التصليح 
وراح اعطيك مثال بسيط اركب اى سيارة مسوية حادث وبعد التصليح فل الفل اركبها واطلع جربها وشوف وزنيتها وجلستك فى السيارة وشوف السيارة كيف ،قسم ماراح تلاقها زى الاول ابد تحس انه السيارة ماعاد تنركب 



up 0 down 2
hossam_abo3omar -2
قبل 7 سنه و 9 شهر



هل الرش يقلل من قيمة السيارة سؤال مهم وليه القير والمكينة اهم في الاخير هي التي تحرك سيارة وياريت البخس قليل للاسف عالي


up 0 down 0
Morvl 2012
قبل سنه و 11 شهر



من وجهة نظري اشوف ان السياره الي انرشت لازم تنزل قيمتها ـ " لاني انا م ادري كا مشتريَ ـ انت وش راشها علشانهَ ـ وهل رشتك اصلا تمام ـ وهل البويه المستخدمه تمام ولا مش حالك بعضهم يرشها ب 2000 اي كلام وينزل يبيعها
فهمت عليَ "ِ اتقبل سياره فيها طعج صغيرَ ـ فيها رفرف حتى لو م سمكر ـ بس مستحيل اخذ مرشوشه اذا كانت غاليه بس اذا كانت ـ بسعر زي 5 الاف وتحت حقت مش حالك ـ عادي اخذها ماعندي مشكلة


up 0 down 0
ابو خالد 4770 9
قبل سنه و 10 شهر