أضف سؤال أو موضوع جديد          

زيارتي لسارة جيلي EC7

up 8 down 3
adil ali 1738
قبل 8 سنه و شهر



السلام عليكم ورحمة الله وبركاته اليوم اخذت جوله ع كم وكاله المهم شطفت جيلي لقيت السياره EC7
سعرها سياااحي قير عادي 35 الف ريال
الفئه اللي فوقها سياحي قير تماتيك 42 الف

فئة القير تماتيك فل كامل قيمتها 46 الف واللي اعجبني كثييير مواصفاتها : فتحة سقف - قير توب ترونيك عادي وتماتيك - حساسات خلفيه - انوار ضباب اماميه وايضا خلفيه زي الالماني - تخشيبه غامقه من الامام وحتى الابواب الخلفيه - جنوط ستيل قويه وجميله - والشي المهم جدا جدا ولفت انتباهي ورغبتي لها هو ( اربع ايرباقات اثنين امامي واثنين ستائر جانبيه وهذي الخاصيه مو موجوده لا في كوري ولا ياباني سواء السيارات اللي في فئتها او اكبر قليلا ) - نظام مانع انزلاق - طبعا الضمان 150 الف كم او خمس سنوات - اخذت برنت عن قطع الغيار وجدتها تقريبا ارخص من الكوري ب 10 % تقريبا .. حبيت افيدكم وبالتوفيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سعرها لك عليه يعني حرام انها تكون بسعر اكسنت او ريو او سونيك صحيح ان فيها ايرباقات لكن تراها صينية المفروض سعر الفل كامل ب30 او 35 بالكثير

ومشكور على موضوعك


up 5 down 8
المحترف 2012 2124
قبل 8 سنه و شهر



لعفو اخوي بس من وجهة نظري ان بدايتها الان اقوى من الكوري وخلال فتره بسيطه تتعداها


up 5 down 1
adil ali 1738
قبل 8 سنه و شهر



هي صح انها كمواصفات وشكل ممتازة لكن الصيني مخيس مهما كان

وش يضمن لك ان الايرباق راح يطلع لو صدمت بها لاقدر الله

اذا بعض السيارات اليابانية تصدم بها مايطلع الايرباق وش تتوقع من الصيني ؟؟؟


up 4 down 3
المحترف 2012 2124
قبل 8 سنه و شهر



عاد الله القوي بس انا اختبرت بديها بطريقة تقليديه وجدته اجمد من الكوري والله الكوري مرررره رايح فيها كيييس


up 5 down 5
adil ali 1738
قبل 8 سنه و شهر



بوصل معلومه بس جيلي مصنع صيني السياره مجمعه فيه لكن المكينه يباني من شركة مستوبيشي والامن والسلامه في السياره من افضل مصانع العالم فلفو ومعروفه فلفو بناضام الامن 
مشكلتنا انا نحكم على اسم السياره او وين صنعت مانحكم بجوده ولا بتجربه  طيب عندكم الحين لو جابت تايلندا او اندنوسيا سيارات وقلو لك هاذي اندنوسيه ولا تايلنديه والله لتعيبون فيها لو انه نضامها عاليه بسبب المسما او بلد الصنع تايوتا سيارتاها اندنوسي وتايلندي يكون بمعلومكم 


up 2 down 1
princ 18875
قبل 8 سنه و شهر



وعليكم السلام ورحمة الله وبركاته 

أخوي مهما بلغت من فخامه ومميزات فهي مليانه عيوب 

أسئل مجرب 


up 4 down 4
دحيم٧٧٧ 2205
قبل 8 سنه و شهر



يا ابن الحلال 

لاتقعد تفلسف علينا اختبرت البدي بطريقه تقليدية أقول شف الجيلي اقسم بالله أن الباب تقل كرتون مناديل 
أنا جربتها وعرفت عيوبها ما تنتهي 

بعد خلني أتكلم عنها ال EC 8  

العيوب الي واجهتها بعد أسبوع من شراء السياره 

السياره إذا شغلت المكيف ال rpm الظغط يرتفع وينزل تحلف أنها ديزل 

عزمها سيئ لدرجة أن الهايلوكس الغمارتين تروح عليك 

عزل السياره جداً سيئ وخاصة إذا مشيت على عيون القطط تحس السياره بتفكك

بدي السياره الي تقول أقوى من الكوري 

أبشرك اعرف واحد صدم ازيرا والي صدمه معه EC8 

يحلف لي بالله ان الازيرا أضرار خفيفه والصينية ماقدرت تشتغل 

تناكي البانزين تعبي فل ماتعبي كله واحد الانبير ما يتحرك 

وهاذا كله خلال شهر اجل لو تجلس معك سنتين وش يصير 

اذا تبي موتر كرف خذ اكسنت وخل عنك المهزلة 


up 9 down 5
دحيم٧٧٧ 2205
قبل 8 سنه و شهر



مين قالك ان اليباني والكوري مافي ايرباق؟
ترا السيارات اللي تجي عندنا بس سيئة ولا شوف السيارات اللي تروح لأمريكا 
كيف مواصفاتها 


up 4 down 1
بدر الغامدي 88083 4055
قبل 8 سنه و شهر



اسمحلي يابرنس بتوضيح بسيط لكن مهم
الماكينه صح ميتسوبيشي ولكن انتاج بالصين وليس باليابان
يعني مواصفات ميتسوبيشي اليابانيه لكن خط الانتاج بالصين
وتقبل تحياتي لك ولصاحب الموضوع مشكورين


up 2 down 0
dub_r-50 434
قبل 8 سنه و شهر



مافيه شيء مستحيل صراحه وبخصوص الصين تراها صانعه والله ثم والله ماشفت دوله زيها بالتصنيع صحيح كلها مقلده
بس يااخي شيء عجيب اي شيء ممكن تفكر فيه وودك تقتنيه بتحصل منه صناعه صينيه !! والله رحت ابي اشتري ثلاجه
صغيره كلها صيني، وبتحصل ياباني وكوري وتايواني و و .. بس الصين متواجد وبكثره مافي شيء ماقلدوه حتى الثوب
اللي تلبسه صيني هههههههههههه والله مااكذب وانشدوا وشوفوآ عن الخامات .. انا هنا مااتكلم عن "الجوده " اتكلم عن طريقة تفكير
الصينيين !! وسالفة انه مافي امل يقارن سيارات و و و الخ .. كلها صناعات بشريه مافي شيء مستحيل ..


up 3 down 1
الالنتراوي 5150
قبل 8 سنه و شهر



بالنسبه الاخ اﻷي يقول لا تتفلسف علينا اقلك هذا مو اسلوب قل جهة نظرك وبدون هالاسلوب الشي الثاني كل الشركات فيها عيوب مابالك شركه مالها سنتين بالسوق الشي الثالث لو مليانه عيوب ما انتشرت وصارت تكاسي وشكرا


up 4 down 0
adil ali 1738
قبل 8 سنه و شهر



والاخ اﻷي يقول الكوري فامريكا مواصفات انا عارف هالشي بس احنا فالسعوديه واتكلم عن وضعنا هنا السيئ امس مريت الوعلان شفت الالنترا فل كامل ب 63 الف ارباق واححد فقط شي يرفع الضغط وانا بسراحه اركز ع امور السلامه اولا



up 3 down 1
adil ali 1738
قبل 8 سنه و شهر



دحيم 777

صعب تقنع شخص في عقله الباطن ان الجيلي  سياره ممتازه ويعتمد عليها


تراها نفس الفكره عندما ناقشكم بالكوري ونفس المبداء


بس اذا كان هناك غشاوه على الابصار صعب الاقناع ونترك الحكم والتجربه

لو كلفت سنين ومبلغ وقدره


وع قوله المثل الشعبي

ماينعذل (......) يبي رهاط 

خخخخ

وسلامتك


up 1 down 3
مدرس عاطل 4
قبل 8 سنه و شهر



بصراحة كل سنة نشوف الشركات الصينية تتطور وتصير افضل ترى كانو زي الكوري ويتكامون عنه ومدري ايش الحين شوف الكوري وين وصل
لاتتفاجا بعد كم سنة تشوف الصيني صار الكوري ترى دولة الصين بكبرها سمعة انها جالسة تدعم ذي الشركات علشان يقولون شوفو حنا نصنع سيارات


up 2 down 2
رايق السيارات 588
قبل 8 سنه و شهر



بالنسبه لشركة ( هيونداي ) لها عدة صناعات في عدة مجالات وهي شركه فعاله نشيطه في بناء الانفاق والجسور والخراسانات
والطاقه وصناعة الاسمنت والسفن وايضا هي من رست عليها المناقصه لبناء جسر الشيخ جابر الأحمد الصباح صراحه لا يُستهان بها وكانت تمارس انشطتها السابقه قبل دخولها لسوق السيارات في عام 1967
وعلى فكره المعدات التي تستخدمها في مشاريعها من صنعها 100% ..


up 1 down 1
الالنتراوي 5150
قبل 8 سنه و شهر



مع احترامي للجيل إلا أنها تحتاج لسنوات طويلة حتى تلحق بركب السيارات الاعتيادية عند أحد الإخوة جيلي الم قراند بدأت عيوب تظهر بعد استعمالها في السنة الثالثة في المكينة ربما لم تظهر تلك العيوب مع آخرين لكن وعي المستهلك يميل الي المميزات الشكلية ويترك الجوهر


up 0 down 0
أبو صالح35 3
قبل 6 سنه و 2 شهر