توضيح بسيط لعشاق السرعهه

مافتح معي رابط الصوره


انا ضد السرعه صراحه 


وغالبية السيارات الان سرعاتها تصل ٢٤٠ كم 

سرعه عاليه جدا



لكن السرعه ليست جريمة في نظري 
اذا كانت في شي مهياء للسرعه 


اقرب مثال الطائرات تصل سرعاتها ١٠٠٠ كم واي غلطه هلاك 

وكل الناس تركب الطيارات ولا احد يشوفها جريمه

لكن عندما تجد راعي كورولا او اكسنت او النترا او كامري او اكورد الخ الخ
يمشي ٢٠٠ هذا الا انتحار بعينه


سيارات ليست مهيئه للسرعه ولا تتجاوب ع السرعات العاليه بتاتا البته


الزبده في الخطوط السريعه والمكشوفه خارج نطاق المدن

اللي يبي يسرع

عليه بالالماني من واقع تجربه في جميع الاحوال والظروف الجويه


سياره مهيئه تمشي ٢٢٠ كم وتكون متجاوبه مع السائق 
في كل الظروف
فرامل شديده 
لفات مفاجئه
النزول كتف بناشر الخ الخ من مفاجئات الطريق

٩٠ ٪ بالمئه تحت السيطره باذن الله


غير الالماني في مرحله الخطر



راح يجي واحد يقول الالماني ينعدم وقت الحوادث 
داري والله وعارف 

لكن انا اتكلم عن السائق المنتبه 


وسلامتكم

وجهة نظري

قد تعجب البعض ولاتعجب البعض 

اذا كان وقوف كثير نقاط تفتيش محطه بتزين ماتستفيد شي من السرعه
لازم تكون سريع عند نقاط التفتيش تمسك المسار الفاضي او انزل من الكتف يمين واسقط ع التريلات

مدرس عاطل .. انت ممكن تعرف تسوق وبتتصرف صح لو صار شيء بالطريق لكن وش يضمنك الي بالطريق يتصرف صح ؟؟

السرعة ما منها خير .. الركاده زينه لكن تقول الى مين! الشعب السعودي كله يسمع الكلام من اذن ويطلعه من الاذن الثانيه =)

طلعنا انا وخويي معنا سوناتا من الدمام المهم من طلعنا من الدمام
واربع سيارات تشطفنا على 200 المهم خشينا الرياض قبلهم
والسرعه مثبته على 120 كيف وصلنا قبلهم
هم يغطون الوحه قبل التفتيش يوقف وبعد التفتيش بعد 
من غير الرادار من غير ساهر 
يعني لو هم بي سافرون المدينه تطلع عليه 1500 مخالفات
1500 اركب درجه اولى بالطياره وساعه وحده وانا بالمدينه
السرعه شي مامنه فايده الى في الضروره .شكرا لكم

نصيحه : دائم حط في بالك انك انت السواق الوحيد في الطريق واللي حولك 
غشمان لانه دايم اللي يسرع ويتجاوز السيارات حاط في باله ان كل اللي معاه
بالطريق منتبهين ويسوقون مثله 
باختصار ( سوق موترك وموتر اربعه أشخاص اللي يمينك ويسارك 
               واللي ووراك وقدامك ) 

الرجال يتكلم عن فارق الوقت بين السرعتين ماقال مين ارسى فالطريق !!! كل مانزل موضوع قالوا الالماني ... واللي قال الالماني حسنني انه معاه بانوراما 2013 s500 amg وليتهم يقدرون على شرائه فقط احلام مستحلبه

^^^^^^

شاقح 



موب شرط ٢٠١٢


شبح٥٠٠ ١٩٩٨

مايتعدى ٥٠ الف ريال
ارخص من النترا والكورولا

شبح 98 صار له زمن ويحتاج اعادة ترميم مره اخرى والاكسنت كانت معاي في خلال اقل من 3 شهور مشيت عليها 19 الف تقريبا ومشتني ماقالت لا .. والان مع اخوي مبسوط فيها ويقول ياخي بطرانه اعبي بنزين واغير زيت وامشي الشعب مطفر ويبي سياره على قدرته الماديه 55 اشتري سياره جديده تؤدي الغرض ولا اشتري سياره لها 20 سنه وارجع للورش مره ثانيه !! هي وجهة نظر

شاقح 

تكلمت عن اللي يبي السرعه

ومن بغى الدح لايقول اح
يصبر ع الورش 
لكن بالمقابل اشياء اخرى

واذا على الجديد

الصيني ٢٧ الف

ولا احلى منها للي مايتعدى ١٠٠ كم


وجهة نظر

موضوعك مميز اخوي no .. yes ..... لكن جاني الضغط من هالردود * _ *

عليك بالالماني وانا خوك بعد الله انت بين ايدي اميـنه هـع

شاقح كان عندنا 3 مرسيدسات كلها قديمه بعناها باقي وحده موديل 89 ماشي 500 الف ماشاء الله والكفراات قديييييمه ..

والله الشاهد كل قطعه نغيرها ماتخرب ما شاء الله ..

تبي سياره يعيش ولا تبي سياره 5 سنوات وتخرب ..

-_-

معليش صاحب الموضوع )) انا ما احب السرعه صراحه لان سواقه العالم غريبه كل ما جيت بسرع واحد يدق فرامل قوي وقدامه طريق فاضي في البلد ..

عفواً ^^

( تبي سياره تعيش ** )

نظام الرادار في السيارات الجديده صراحه حلو انصح كل شخص رايق ومايحب السرعه وعنده مقدره ماليه يشتري سياره فيها هالنظام ويسدح المرتبه ويطقطق على تويتر والفيس بوك


ومشكور ياصاحب الموضوع

(برينسيزو ) تقولي معليش ما احب السرعه 
ترى الموضوع يحث ع عدم السرعه ويوضح ان فرق التوقيت  زمن الوصول
لمسافه معينه ( بس انت جاي مدرعم هههههههه)


^ شكرًا جزيلا ع كل من قام بالرد والتفاعل