وش الحل مع STC ؟

5 2

لايمكنك التصويت حتى الحصول على 20 نقطة على الأقل
إضغط هنا للإخفاء

المشيقح 102
قبل 11 سنه و 7 شهر

السلام عليكم

سبحان الله وبحمده


وش الحل مع STC ؟



الامس التغت عليّ الشريحة فجأة بدون سابق إنذار لا ابراج لا اتصالات لا مراسلات كل ما ابي اتصل يقول الشبكة خارج التغطية وكنت قبل ما تلتغي بساعتين استقبل واتصل بشكل عادي بدون مشاكل

قلت يمكن جوالي فيه بلا

واركب الشريحة على جوال ثاني وثالث ورابع ونفس العلم

قلت يمكن فيه لخبطة عند الشركة
وانتظر يوم كامل ونفس العلم

قلت أجل أبروح لأقرب فرع

واروح لاقرب فرع واكلم الموظف الي تقل عيونه تنتظر لحاف السرير هههههههههخخخخ

واعلمه بالسالفة والرجال قال لي شريحتك التغت ويفتح درجه ويطلع بطاقه جديدة ويقول 25

انا قعدت افكر وش 25

وش يقصد ب 25

اشوي يجي في بالي طاري الريالات ههههههههههخخخخ

فقلت له طيب وش سبب الالغاء ؟ فقال لي بمد لسانه لا تسألني أنا وش يدريني روح اسأل اي واحد واذا قال لك وش سبب الالغاء راح اعطيك فلوس !!!!!

ثم قال لي يمكن يمكن الشريحة جاء فيها خدش ؟؟؟

وشريحتي اصلا ما طلعت من الجوال فكيف يصير فيها خدش ؟

اسألكم يا شباب هذا اسلوب موظف لشركة كبيرة ؟

مشيتها عليه واعطيته 25 ريال

وحسيته بعد ما اعطيته 25 ريال استانس ههههههههههههخخخ

قال لي ترى هذه الشريحة ممتازة او شئ زي كذا نسيته هذه الشريحة بشريحتين وتقدر تشغلها بالايفون


ههههههههههههههههه يا شباب دخلوا هذه الشريحة من عجائب الدنيا السبع


هذه غير مشاكل الإنترنت وكل ما يجي موظف من عنده يعطينا سبب مشكلة مختلف عن الموظف إلي قبله !!!

لا ويقول وكل موظف يجي يقول لنا جيبوا واحد يصلح لكم هذا العطل

وبعد كم يوم يتصل علينا واحد ويقول نحن شركة متخصصة في تصليح اعطال النت وجاءنا خبر ان عندكم مشكلة بالنت هههههههههههخخخ

طبعا هذه الشركة تبغى تصلح الاعطال بفلوس وهي واحد من إثنين إما أنها تابعة لـ STC بس يبون يطقطقون علينا أو أنها شركة متفقه مع STC


الحقيقة أفكر كثيرا ترك هذه الشركة وخاصة بعد أعلنوا حظر الواتس اب



وصلى اللهم وسلم على نبينا محمد

إبلاغ

الردود