أضف سؤال أو موضوع جديد          

استفسار بخصوص ما بعد توضيب المكينه

up 3 down 0
عبدالله الشهري1987 2362
قبل 8 سنه و 2 شهر



السلام عليكم ورحمة الله 
اسعد الله صباحكم ي غالين 
و الله يجعل يوم الجمعه يوم خير و بركه علينا و عليكم وعلى الامه الاسلاميه 

حبايبي حبيت استفسر بخصوص ما بعد التوضيب للمكينه

عندي ولد عمي تبخر زيت المكينه بسيارته .. و كلنا جهلنا سبب التبخر
لكن قدر الله و ما شاء فعل
و اعاد توضيبها مره ثانيه فككو المكينه قطعه قطعه و غير كل تالف 
بالمكينه بقطعه جديده 
سيارته اكورد 2012
طبعا وضب المكينه وهي ماشيه 45 الف و طبعا الوكيل قال سوء
استخدام .. لكن صلحها وانتهى وكلفه التوضيب بالقطع 10650ريال

سؤالي ي اخوان هل التوضيف يعني المكينه رجعت جديده ..؟؟
بمعنى اخر الممكينه ممشاها اصفار ..؟؟
.. 
سؤالي الثاني هل في مشكله لو دخل سيارته البرمجه و برمج
الممشي بدال 45 الف كم الى 0000 كم ..؟؟
..
السؤال الاخير .. بالنسبه للي اكلها و وضب المكينه هل لاحظ
فرق بالاداء قبل التوضيب و بعد التوضيب ..؟؟
..
السؤال اللي بعد الاخير .. هل التوضيب يعني سعر السياره يطيح ..؟؟


و تقبلو تحياتي و اعتذاري على طول الكلام
.. 
و اعتذر عن شيين .. اعتذر ان وجد اخطاء املائيه ف هذا سبب كتابتي
للموضوع عن طريق الجوال ..
واعتذر لكم اشد العذر عن عدم مقدرتي بوضع اللايك 
لاني حاولت ابدي اعجابي ببعض ردود الاخوان هنا لكن تجيني ايقوه
تقول كلام معناه ماتقدر تقيم


دمتم في رعاية ربي و حفظه

و.بانتظار ردودكم الجميله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السياره تتحمل الاصلاح لانها تحت اضمان اجل متى يتحملون تخبيط !!! اي تخبيط خلاص سوء استخدام


اخوي ما راح اتشائم  بس ان شاء الله يضبط التوضيب واهم شيء راجع المكانيكي وخذ من عنده ضمان 
الي اذذكرة الهونداي ما ينفع له التوضيب ما يمسك   عكس التويوتا   اقصد القديم  
ولا لا ترجع العداد واذكر انك وضبتها  يوم مشت 45 الف  وبالنسبه للبيع على حسب    في شريطية  هذاك اليوم شفت شريطي 
يسئل راعي كامري موديلها  2000 الفين يسئله هل فكت ؟؟؟؟؟؟؟ ويفحص مسامير المكينة 
 والافضل الافضل  مع كلام اخوي تركي كان غيرت المكينة كامل 
وشكرا 


up 0 down 0
صوت العزاوي 523
قبل 8 سنه و 2 شهر



شف بيكون وقت البيع 
متعب لانك بتدور لمشتري مغامر 
مايدري كيف توضيبها 
بالتالي بتضطر انك تنقص في السعر ان اخواتها 
ملاحظه 
احتفظ بالفواتير 
وكنت افضل انك تشتري مكينه
وفقنا الله واياك وجميع المسلمين



up 0 down 0
عابر سبيل 2002 257
قبل 8 سنه و 2 شهر



ان =عن 
تصحيح للخطا


up 0 down 0
عابر سبيل 2002 257
قبل 8 سنه و 2 شهر



آكيد عزيزي ، المكينه شد بلدهآ مآفي مثلهآ آبد ولآتتقآرن بالمكينه الموضبه لآن آلمكينه آلوكآله تكون مقفله وتوهآ جديدهـ 

-من نآحيه آلعزم يمكن يفرق ويمكن لآ على حسب شغل آلورشه والقطع آلآصليه
- السعر اكيد بينزل من قيمتها في البيع ولاكن احتفظ بالفوآتير للآحتيآط
-بالنسبه لبرمجه العداد يفضل انك تخليها مثل ممشآهآ مثلآ لآقدر آلله وتم بيع السيآره ،المشتري يمكن يروح باله ان السياره ملعوب فيها سوء استخدام او غيره
التوضيب بمفهومه العام هو اصلاح القطع الداخليه للماكينه 
والمتداول انه فيه نوعين للتوضيب : نص توضيب - توضيب كامل 
توضيب كامل هو تغير القطع الداخليه للماكينه كامله طبعا بسبب تخبيط للماكينه
او انكسار لاحد القطع الداخليه مثل البستم او الكرنك ... الخ
اما نص التوضيب فهو تغير بعض القطع والي تحتاج تغيير فقط لا غير


up 1 down 0
ip-20 234
قبل 8 سنه و 2 شهر



@# آٌنـّ'ℳέـِا اشوف انك ماترجع العداد اصفار

لان المكينة قبل تخرب كان في اشياء كثير تستهلك خلال الاستعمال مثلا زي المساعدات الاذرعة العكوس الكفرات وجميع قطع السيارة

المكينة توضبت مو يعني خلاص السيارة رجعت جديدة بعدين انت ماشي 45 يعني استعمال سنة وزيادة

فرق فرق........
وتقبل تحياتي يالغالي


up 1 down 0
feroo li 1816
قبل 8 سنه و 2 شهر



المفروض من الاساس ماتقبل بالتوظيب لان السيارة توها جديدة ولازم تتأكد من الفني اللي كتب التقريروحدد سبب تبخر الزيت وممكن ترفع  قضية اوتخاطب الشركة الام لانه مايسير تبخر الزيت فجاة الافي  حالة  ان طرمبة الزيت بها عيب مصنعي اومشكلة في دورة التزييت ولك الحق بمطالبتهم بمحرك جديد استندر تحت الضمان مهما كانت الاسباب والاعذار بشرط ان يكون لديك تقارير تثبت ان تبخر الزيت هو المسبب لتلف المحرك وليس سوء الاستخدام لانها حجة واهية واذا كان الكمبيوتر لم يبرمج ممكن ان يوضح بداية المشكلة لانه يسجل رموز الاعطال اذا كنت ان تريد استرداد حقك @اما سؤالك عن التوظيب فحسب القطع المتأثرة من المحرك والمبينةعندك بالفواتير من بساتم وشنابر وطرمبة زيت وسبائك وبلوف وعمود تيمن وعمود كرنك  ولايوجد خرط لان الرؤؤس  المنيوم بعكس المحركات القديمة فتخرط حسب الاحتياج اما40او60 او80 @وخذه قاعدة الشركة مايحترمونك الااذا وريتهم العين الحمراء حتى لو توكل محامي ويجبلك حقك منهم واسف على الاطالة  


up 1 down 0
buick83 234
قبل 8 سنه و 2 شهر



توظيب مرتين ذي مشكلة كبيرة وبعد موديل 2012 يعني انت خسرة 10الف ريال وتوها ماشية 45الف انا انصحك تبيعها لان السيارة متكون زي اول مكينة جديدة


up 1 down 0
رايق السيارات 588
قبل 8 سنه و 2 شهر



غير صحيح سوء استخدام
السيارة تبقى مضمونة الى 100 الف
لكن يبدو انه ماكلفتم نفسكم حتى ترفعون شكوى لوزارة التجارة حتى تجبرهم بتغيير المكينة جهلا منكم
قدر الله وماشاء فعل
ان شاء الله عزمها مثل الجديدة بدون اختلاف خل صاحبك يجربها ويحكم بنفسه


up 2 down 0
سلطان4040 1237
قبل 7 سنه و 3 شهر



اخي الكريم لا تلعب بالعداد ابدا بعدين الله مابباركلكم فيها لانه لو وضبت الماكينة ونفترض غيرتها بجديدة فهالشي مابيسمح انك 
ترجع العداد 0000 لانه ال45 الف مو بس الماكينة الي مشيتهم .. السيارة كاملة مشيتهم من قير ودفرنس ومساعدات وداخليه والخ ..... 


up 0 down 0
أنس البلخي 79
قبل 6 سنه و 8 شهر



لو غيرت مكينه من التشليح وحده مصدومه كان ارتحت وواضمن لك من التوضيب والعداد لاتنزله وثاني شي اداء السياره على حسب التوضيب لابد بيكون فرق بصيط عن اداء الوكاله تقبل تحياتي.د


up 0 down 0
السنافي الحبيب 17
قبل 5 سنه و 7 شهر



توي مستلم سيارتي نوع هيونداي i30 من الوعلان الله ينتقم منه 15 الف ممشى والماكينه عملولها توضيب طبعا قالولي
سوء استخدام رحت اشتكيت لوزارة التجارة وجبروهم يصلحوها
ومالي عندهم غير التصليح بحسب كلام موظف الوزارة
قالولي لاتمشي فوق 80 اول الف كيلو
المهم السيارة حسيتها صارت افضل بس ما اعرف هل رح تطلعلي مشاكل مستقبلا بسبب التوضيب
وحسبي الله على الوعلان


up 0 down 0
stargovic
قبل 4 سنه و 3 شهر



أولا
من ناحيه إنك وضبت السيارة وبذات من النوع الجديد الافضل
تستخدمه لأن السيارة اللي تتوضب اكيد سعره راح يطيح وبذات
الجديد..
كذالك لو اخذت مكينه جديدة هذا يعتبر لك كسيارة جديدة الافضل



up 0 down 0
عسى الله يعوضنا
قبل 4 سنه و 2 شهر



التوظيب اضمن لك خصوصا اذا كان جميع القطع وكاله 


up 0 down 0
محمد الغزواني109
قبل 3 سنه و شهر



الافضل تتغير مكينه لانه التوضيب المكينه معناه استبدال القطع العطلانه والقطع الموجوده بسوق اكثرها صيني يعني ماتضمن ان المكينه ترجع مثل اول غير تكلفت الفك وتوضيب وفي الاخر تشوف نفسك خسرت مبلغ مكينه جديده


up 0 down 0
aborayen
قبل سنه و 7 شهر