ردار لكشف كمرات ساهر

اخوي ما هو عملي يعني ما تعتمد عليه 100% الجهاز اسمه كوبرا
وانت لو تلاحض محد صار يشتريه الافضل لك انك تطمس الللوحة وبدات تنتشر هذه الظاهر ولا شفت تفتيش وقف على جنب
وش ل الللزق

اخوي ابو زوز اذا انت شايل هم المحفظه على انفاسها الاخير فروحك وسلامتك هي الاهم والله يحفظك ويحفظ الجميع

جهاز الكوبرا ما يجيبه وانتبه منه .. فيه عندك طريقه سمعت فيها بس ما جربتها بحكم منطقتي مافيها ساهر فيه البخاخ اللي ينحط ع الشعر المثبت رش اللوحات واذا عندك كاميرا حاول تجربها وتصور اللوحه بالفلاش شوفها تطلع ولا لاا

وفي الاخير السسرعه مو زينه

ودي وتقديري ...

^^

جربت آلبخآخ عزيزي ولآفيه آي فآئده تذكر مجرد تسويق لمثبت آلشعر 

عندك جهآز يركب باللوحه آتوقع آسمهآ "الستآره"تغطي لك اللوحه آلآمآميه والخلفيه آفضل لك,

ابو زوزو قبل ماتمسك الطريق وقف عندي محطه واشتري شطنطور(لزاق)لونه رصاصي وغط رقم واحد من اللوحه الي قدام ورقم واحد 

من اللوحه الي ورا وتوكيل علئ وبعدها لامشيت وجاك تفتيش وقف قبل بمسافه بعيده وانزل فك اللزقات وبعدها لاتعديت التفيش 

بمسافه انزل ولزق مره ثانيه وخلاص مايحتاج لاجهاز ولاغير 


(طبعا علئ حسب كلامك ان الطريق فاضي يعني مافيه خلاف)

وتوكل علئ الله

لاجهاز ولاغيره

صاحبي جاب معاه الكوبرا من أمريكا وبصراحة ماكان عملي وماعرفنا له مضبوط لأنه يعتمد على الموجات والترددات

كان يوّن إذا مرينا من جنب قراجات السيارات اللي فيها أبواب أتوماتيكية وماأشتغل معانا لما نمر من عند كاميرات ساهر الثابتة لين طفش الرجال منه وركنه بالدرج.

وفيه حل جيّد نسبياً خصوصاً إذا كاميرات ساهر بطريقك ماتغيّر أماكنها بكثرة وترتكز في مناطق شبه ثابتة وهي إنك تنزل على الجوال تطبيق إسمه trapster وهو برنامج خرائط للطرق وتوضح أماكن التفاتيش والكاميرات وقاعدة البيانات اللي فيها من صنع السائقيين نفسهم.

يعني إنت أمسك الخط من أوله بتروي وكل مامريت من جنب كاميرا سجلها بالبرنامج في الروحة والجية وبعد كذا إذا مسكت الخط ثاني وشغلت البرنامج راح ينبهك قبل كل منطقة فيها ساهر.

^^^^ اهااا طلعت تسويق الشغله بصراحه ما جربتها ... اما الستاره حلوه بس صارت معروفه عند الحكومه وفيها حجز

والله يصبرنا ع ساهر

حط كيس حق الزينه الي يجي على اللوحه وجب برواز وعبه ماء
طعم الوحه ضد حمة ساهر عشان المويه تسوي رطوبه وتغبش على اللوحه
مجربتها بس انت جرب وبعدين اذا صادك ساهر مالي شغل 
هههههههههه جرب وعلمني ههههه 

مشكورين على تفاعلكم معي وعلى الردود 
بانسبه لتلصيق اللوحه انتبهو مره كنت ملصق وانا ماشي في امان الله ويطلعلي فرد سريه ويصكني مخالفه سرعه 
وكتم لوحه 1000 ريال بعدها ماوصلت الدوام الابعد 3 ساعات مثبت على 100  
يبدولي انه مافي حل الا انك تمشي على السرعه القانونيه
والله يعطيكم العافيه مره ثانبه

جرب فاين ببله بالماء ثم حطه علا اول رقم او حرف وتراه مايطيح ابد واذا سالك المرور قل مادري عنه يمكن طار من سياره كانت قدامي انت جرب وشف كلامي وضمون مايطير ولو علا سرة 240 مجربه بنفسي

اللزق الرصاصي لاتشتريه صح قوي وكويس بس غثيث واذا فكيته يبقى فيه مثل الاسلاك تجلس تاخذ وقت تفكها

شف لك لزق لونه مثل النيكل عاكس سهل فكه وتركيبه

واذا تبي شوري لاتسرع انا مره طالع من الخرج الصباح وماشي يمكن 190 على اني بجرب عزم السياره وبشوف كم بتفصل عليه مادريت الا شوي تفتيش في وجهي قلت انا عندي اختبار في الرياض ومتاخر راح يشوف اللوحات ماحصل لزقات عليها ومشاني والله يجزاه كل خير طلع رجال اجودي

مثبت الشعر حلو وممتاز ولايجيبك ساهر << وانا مجربه كثير
لكن بشرط تكون في الليل مو بهالنهار .. غط اللوحات هو الحـــل

كذابين الي يقولو مثبت الشعر ،، قبل شوي مجرب مثبت شعر فيه لون عنابي وما ضبط