أضف سؤال أو موضوع جديد          

سياره المستحيل ......وأفضل انواع الغسيل

up 11 down 2
حكيم المعاني 10324
قبل 7 سنه و 7 شهر







شباب في البداية حاب اقول اني ما نقلت ها الموضوع الا لاهميته الخارقة الي راح تتضح لك اخي القارئ بعد قراءة الموضوع كاملا ً
السلاااام عليكم ،،
شلووونكم شباب .. ان شالله الكل يكون بألف خير .. 
غــــــســـــيـــــــل الــــــســــــيــــــــارهـ
غسيل السياره سلاح ذو حدين ههههههه بتفلسف عليكم شوي .. ياتطلع سيارتك منه نظيفه ونظره و إلا انها بتنعدهم و تتضرر اكثر وتندم انك غسلتها .. 
بالنسبه لي اول ماخذيت السياره .. كنت احب اغسلها دوم ومااخليها مغبره .. والحال عندنا مثل اللي عندكم .. هنود على سيكل واذا بغيت ادلع السياره ذاك اليوم وديتها المغسله .. 
بس اغلبنا يغسل عند الهنود .. الاغراض اللى يستخدمونها الهنود لكم عليها .. وغالباً ماتضر السياره .. وحتى طريقة غسيلهم اذا خليتهم يغسلون على راحتهم ببهدلون لك السياره .. واغلبنا مايحس بهذا الشي .. 
1- يمكن اغلبكم عارف ان اذا السياره مغبره لازم ماتنمسح بفوطه او اي شي لان اكيد راح تتشمخ السياره .. وتصير فيها خطوط صغار على كيف كيفك .. آنه اتكلم على الوضع عندنا وطريقه كل الهنوداللي شفتهم .. يجي اول شي اذا شاف السياره مغبره و وصخه يمسحها بفوطه عشان يخفف من الغبار اللي عليها ومايتعب في الغسيل بعدين .. وهذي اكبر و اول غلط .. 
لازم مايسون هالحركه لأنه اذا خليته على راحته وتخيل اكثرمن مره .. لاتستغرب لين شفت دوائر في سيارتك و شوارع .. 
اكد عليه يغسل السياره مباشره من دون ما يمسحها اول شي .. بهذي الطريقه راح يخفف من احتكاك الغبار مع المسح ويقلل من فرصه تضرر السياره .. 
2- يمكن سمعتوا من الشباب ان الغسيل بالشامبوا العادي مثل فيري و غيره يضر السياره بس ما اقتنعتوا .. 
آنه قبل لين اروح اغسل اقول حق الهندي كثر منه
ولين يخلص من الغسيل احس لون سيارتي باهت وماله حلاه .. طبعاً هذي كله مثل ما انتوا عارفين ان الشامبوا اللي يستخدمونه مخصص لغسل الصحون و إزالة الدهون .. يعني شنو راح يسوي في السياره .. وخصوصاً الكبوت .. تلقاه جاف و رايحه لمعته مع كثر الغسيل بهذي الطريقه .. ويصير حساس لأقل واصغر الشموخ .. 
وهذي شي طبيعي لكثرة المواد الكيماويه في هذي الانواع من الشامبو ..
انصحكم تستسخدمون شامبو جونسون حق الاطفال (( لا دومع بعد اليوم )) 
بصراحه اول ماسمعت هذي النصيحه استغربت وتوقعته استهزاء .. بس مناللي شفته من تجربتي خصوصاً عقب تلميع السياره والتعب لين اغسل بعد فتره ترجع لمعةالسياره حلوه .. غير لين غسلتها بشامبو عادي مثل فيري وربعه يرووووح تعبك بلاش .. اقل شي ان تلميع السياره ياخذ ساعتين تخيل بعد هذي لين غسلت بعد يومين او ثلاثه ترجع مثل اول باهته
والسبب واضح لأن هذي الشامبو مافيه مواد كيماويه كثير ومو مركز مثل غيره اللي مخصص لأزالة الدهون الصعبه .. فمثل ماهذي الشامبو ناعم على بشرةالاطفال اكيد بيكون ناعم على السياره .. 
ومن اضرار استخدام شامبو عادي ان طبقت الحماية في السيارهتختفي .. واللمعة تروح وتصير السياره باهته بسرعه .. والجو عندنا مايحتاج .. بدون طبقة الحمايه ومع الرطوبه لاتستغرب اذا صدت السياره من الاطرف .. لهذي السبب اغلب الشركات المصنعه للسيارات يوصون بغسل السياره بالماء من دون شامبو
واكيد في بعد بعض انواع الشامبو مخصصه لغسيل السياره .. ماجربت شي
منها .. واذا احد جرب ياريت يفيدنا .. 
3- عندك بعد الهندي لين يغسل السياره يحرك يده على شكل دائره وهو يمسح .. واحس هالشي ممكن يكثر من الخطوط اللي في السياره .. اقل شي الكبوت لين جا يمسحه اكد عليه يمسحه بإتجاه واحد .. يعني مايقعد يلعب لك فيه ويرسم على كيفيه .. يمكن ما يأثر من اول مره بس اكيد بعد فتره بتلاحظ هذي الآثار على السياره واول شي الكبوت .. 
4- وشي مهم .. حاول انك ماتغسل السياره في الشمس .. و يفضل ان السياره تكون بارده .. وفي مكان مظلل .. عشان مايجف الماي بسرعه و يترك أثر ونقط على السياره
5- لازم يغسل السياره من فوق لين تحت .. في اسفنجه مخصصه للغسيل بس مو متوفره عندنا .. بالنسبه لي يكفي اي اسفنجه عاديه يكون حجمها زين وناعمه واكيد هذي بعد ما يغسل السياره خفيف بالماء يبتدي يمسح بهذي الاسفنجه .. ويغسل الاسفنجه كل شوي عشان ينزل الوصخ منها ومايشمخ السياره اذا علق الغبار فيها .. 
6- بعد الغسيل تنشيف السياره .. مادري ايش اسمها ذي القطعه .. قطعه الجلد لونها بني .. تأكد انها تكون نظيفه ومغسلوه ويبتدي ينشف من فوق لين تحت ويغسلها وينشفها كل فتره .. ولا يسوي لك حركه الدوائر
.. خله ينشف بإتجاه واحد .. واغلب الدوائر اللي في سياراتنا من هذي الشغله ، وقت التنشيف ،، احياناً تنعدم السياره خصوصاُ اذا كانت الجلده اللي عنده منتهيه ومافيها روح ومنتفه يمكن عنده من سنتين
.. 
تــــــلـــــــمـــــــيــــــع الـــــــســــــيـــــــارهـ
يمكن اغلب الشباب مايهتموون بتلميع السياره .. ويكفيهم مجرد الغسيل .. ويضلون على هالحاال مده طويله لين يتغير لون البويه ويصير باااهت .. بسبب الاهمااال .. يمكن تقولوون التلميع مامنه فايده غير لمعة خفيفه وبعد مده ترووح .. والتعب اللي تتطلبه عملية التلميع مايسوى .. 
اللي يقول هالكلام .. غلطان .. لأن تلميع السياره له فووووائد عديده للسياره .. واهمها .. تشكيل طبقة حماية على السياره .. بحيث تكون اكثر مقاومه للرطوبه والمااء وحتى الغبار والاوسااخ .. اي وااحد منكم يجرب .. يلمع سيارته ويطلع فيها في يوم مغبر .. لين يرجع البيت بمجرد لمسه خفيفه بفوووطة التلميع .. رااح تلقى السياره لمعتها ترجع ولا كأنه كان عليها اي غبار .. اما اذا كانت غير ملمعة .. فتتأثر السياره بأقل شي .. واذا غبرت .. ما بترجع لمعتها إلا بعد الغسيل .. لأن البويه تكون خشنه وماهي بناعمه مثل البويه الملمعه اللي عليها طبقة حمايه .. 
كفايه انه مع التلميع .. راح يزيد عمر سيارتك .. وتظل نظرتها حلوه .. مثل ما انتوا عارفين ان الرطوبه تخلي السياره تصدي و تتآكل في بعض الاطرااف .. كل هذي بسبب غسيل السياره بالموااد الخطاء .. وعدم تلميعها .. 
المهم .. 
بخصووص مواد التلميع .. اكيد اللي يلمعوون سياراااتهم تلقاااهم جربوا اغلب مواااد التلميع .. وبين كل فتره وفتره يجرب شي جديد لأنه مايحصل نتيجه مرضيه من الموااد اللي يستخدمها واللي ماليه محلات الزينه .. ومثاال ذلك .. هذي الانوااع ::
MAX WAX
FAST WAX
BMW




وبعد غيرها من الانوااع اللي يستخدمونها الشباب .. وبصراحه آنه جربت كل شي .. وما ارتحت لأي من هذي المواااد .. ما اقول لكم انها مو زينه .. بس بالنسبة لي .. نتايجها غير مرضية .. 
وبعد تجربتي ومعاناتي .. وبعد مالفيت النت لف .. وشفت كم نوع من موااد التلميع .. اللي حسيتهم محترمين ومنهم فايده .. وبعدما ما خذيت شوية معلومات من بعض المنتديات الاجنبية .. عن هذي المواااد وكيفية التلميع عندهم .. 
صفيت على هذي .. 








مايحتااج اكلمكم عن شركة Meguiar لأنها غنية عن التعريف .. و تعتبر من افضل الشركات المنتجه لموااد التلميع .. وبالنسبة لي هم المحترفين في هذي المجااال ومحد يجاري مستواهم .. وهذي الشركة ظلت لسنوات طويله مستشاره في اكبر شركات تصنيع السيارات مثل جاكوار وغيرها .. 
المهم .. يمكن بعضكم جرب المنتج القديم .. لهذي الشركه .. واللي صورته تحت .. 




هذي المنتج مستواه حلوو .. بس ماهو مثل المنتج الجديد للشركه .. واللي اهو NXT GenerationMeguiar الجيل القاادم .. وفيه اكثر من منتج .. مو بس مواد التلميع الخاارجي .. تلقى عندهم NXT Generation لتلميع الاطارات .. ولتلميع داخلية السياره .. و لتنظيف وتلميع الجلد .. و لتلميع الكروووم .. وغيرها وغيرها من الموااد .. 
المهم .. اللي نبغاه هذي الملمع 




اللي بصرااحه ماشفت شي يعطي نفس النتايج .. يخلي لك لون السياره اغنى و اغمق .. تحس في فرق كبير في لون السياره .. ولمعتها .. وميزته انه مايضر بالربل الاسود تبع الزجااج الامامي والخلفي وتبع الابواب .. مثل ما انتوا عارفين ان الملمع العاادي مثل MAX WAX لين يمس اطراف الزجااج و الابواب يخرب لك الربل ... ويخليه املح .. وشي ثاني انه يترك اثر من الغباار الخفيف بعد ماتمسحه .. 
كل هذي العيوب مارااح تلقاها في NXT GenerationMeguiar ينمسح بسهوله ومايترك اي اثر على السياره غير اللمعة الحلوه والنظره ..  
المهم ..
من الادوات الثانيه اللي بتحتاجونها .. الاسفنجه .. لمسح الملمع وتوزيعه على السياره .. واذا شريتوا NXT GenerationMeguiar راح تلقون في نفس العلبه اسفنجه ..
بتكون نفس هذي الاشفنجه بالضبط بس لونها بنفسجي 
وبعد بتحتاجون فوطه او قطن للمسح .. 
وآنه عن نفسي افضل الفوطه .. لأن موتري احمر ومع القطع تتغربل شوي .. لأنه يترك لك آثار على السياره .. 
مادري اذا سمعتوا عن تقنية microfibre وهذي التقنية مستخدمة في بعض الفوط اللي تستخدم للتلميع السياره سواء من الدااخل او الخارج او الزجاج .. ولمدة طويله ماكانت متوفره عندنا .. بس بتلقونها عند الوكيل تبع هذي المااركه وفي اي موووقع على النت .. وتكون من نفس الشركه .. او شركه ثااانيه 




جداً مريحه في ازاالة ماادة التلميع عن السياره .. 
اللحين بعد ما اكتملت عندنا المتطالبااات .. 
اول شي .. نتاكد ان السياره نظيفه وماعليها غبار .. ويفضل انها تكون مغسوله .. ونتأكد ان السياره باردة يعني ماتكون توها ماشيه و الكبوت حاار .. يعني توقف السياره شوي و تفتح الكبوت خمس دقايق لين يبرد .. 
وشي ثاني يفضل ان يكون في مكان مظلل .. يعني ما تلمعها الظهر والشمس ضاربه السياره .. ما استفدت شي .. واحتماال تبقع السياره ويرووح تعبك .. 
بعد ماتوقف السياره في مكان مظلل و تكون بارده وماعليها اي غبار .. تقدر تبتدي بوضع الماده الملمعه على الاسفنجه .. وتكون كميه معقوله .. ولاتزيد .. لان الزياده راح تضرك ولا تفيد .. لأنك بتحس بصعوبه في ازالة الماده الملمعه عن السياره بعدين ..
وانت تحط الماده الملمعه على السياره .. تأكد انك تمسح في اتجاه وااحد .. يعني لاتسوي دواائر او حركات او كتابات .. حط الماده الملمعة في اتجااه وامسحها بنفس الاتجااه .. ولا تسوي في السياره خطووط .. يعني تحط في مكان وتترك مسافه وتحط في مكان ثاني .. كذا ماسويت شوي .. يعني لازم تمسح كل الاجزااء بالكامل وما تخلي فيها خطووط وفراغات ..
وبخصوص الاسفنجه اذا حسيتها تشبعت كثير يفضل انك تبدلها بأسفنجه ثانيه .. وتجنب انك تستخدم اسفنجه وحده لكل السياره .. 
وبخصوص المده اللي تخلي فيها الباليس على السياره .. يعتمد على النوع الباليس اللي تستخدمه .. لازم تقرى وش هي التعليمات اللي عليه .. وعن هذي النوع تقدر تمسح بعد مده قصيره .. وتقدر تخليه يوم او يومين وماراح يضير السياره .. اما MAX WAX عشان تستفيد منه اقصى استفااده يفضل انك تخليه يجف شوي .. 
واللحين تقدر تبتدي تمسح الملمع عن السياره .. اذا كنت تتخدم الفوطه .. سوها على شكل مربعات .. واستخدم جهه وحده منها .. لين حسيت انها تشبعت .. بدلها بجهه ثانيه .. وانت تسمح السياره خل حركتك في اتجاه واحد ولاتغير لأكثر من اتجااه او انك تسوي دواائر في السياره .. 
ونسيت شي .. حاسب من الرطوووبه .. يعني لاتحط الملمع على السقف و الصندوق اذا كان الجو رطب لأن مابتستفيد شي و بيروح تعبك بلاااش .. 
شي ثاني ..
تــــنــــظــــيــــف الطارات وتـــــلــــــمــــيــــــعـــــــهــــــــا
بخصوص تنظيف السياره من الداخل 
.. آنه جربت اغلب الموااد المتوفرة عندنا وبصراحه ما حسيت بفاده إلا من هذي .. 




يدوم اكثر من اي ماده ثانيه .. ويعطيك لمعة حلوه وحمايه للطبلون و داخلية السياره .. 
بس حاسب وانت تحطه لاترشه مباشرة على السياره من الدااخل .. خله على اسفنجه اول شي .. وامسحه على السياره .. واذا رشيته مباشره .. امسحه بسرعه ولاتخليه مده طويله لأنه بيخرب لك الطبلون .. 
يعني لازم تحطه وتمسحه مباشره .. 
وبالنسبه لأرضية السياره والسجاد .. في بعض الشباب .. يغطون الارضيه كامله .. هالشي يحافظ على السجااد نظيف .. ويزيد من عمره .. بس فيه عيب واحد ما احبه .. هو انه مايعطي نظره حلوه للسياره من الدااخل .. حتى لو كانت جديده .. 
فأفضل شي .. انك تغطي بس الدوسات .. بهذي الطريقه راح تحاافظ على نظافة السجاد .. و اهم شي انه تنظيفه راح يكون سهل عليك .. فكل ماتغسل السياره .. نظف السجاد واللي ماراح يتطلب منك اي مكنسه او عواار راس .. 
لكن هذي الشي مايمنع انك تنظف السياره بالمكنسه كل اسبوعين او ثلاث على استخدامك .. وحتى تلميع السياره من الدااخل يفضل انو تقوم به كل اسبووع .. 
وشي اخير .. 
تنظيف وتلميع الاطارات 
بالنسبه للتنظيف .. لازم تحاسب للي يغسل لك السياره انه ينظف لك الاطارات بإستخدام فرشاه 




لأانه اذا نظفها بالاسفنجه والمااي ما راح تستفيد شي ولا راح يزيل لك الاوسااخ و الكربوون حق السفايف .. 
وبخصوص تلميع الاطارات .. افضل ملمع استخدمته و يدوم مده 




هذي على شكل عسل .. بس لازم تحاسب وانت تحطه .. انك تحط كميه معقوله ولا تزيد لأنه راح يتنثر على الرفرف .. اذا استخدمه كم مره راح تظبط حطته .. وهذي ميزته ان لمعته حلوه ويدووووم مده طويله .. يعني لأياااام .. 
وان شالله يكون الموضوووع عجبكم واستفدتوا منه ..
يعطيكم ألف عافيه على صبركم على الموضووع الطويل .. 












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سلمت يدك ياحكيمنا الله لايحرمنا منك قل امين..
بالنسبة لموضوعك مالنا عليه اضافات طال عمرك ....
انا اكثر شي يقلقني الموية المالحه لكن الان معمم على كل المغاسل الي تغسل بمالحه انك تلزم راعيه يرشها بموية صالحه بعد الغسيل سواء بسطل بالي هي فيه ولايقدر يقول مسوول المغسلة شي 

مغاسلنا بشكل عام قليل النظيف فيها يعتبر محدود الا انت تراقب وتشوف 

عموما الله يحفظك لنا ياحكيم على مواضيعك المميزه دائما لاعدمناك ياعسل


up 1 down 0
الجنرال2012 6587
قبل 7 سنه و 7 شهر



سلمت يداك يا جنرالنا وكلي فخر بمرورك دائما على مواضيعي 
ولن اعتز بموضوعي مالم اجد لك اي رد

سألت المولى عز وجل ان يكفي عنك اعداءك بما يشاء
قووووووووووول امين


up 1 down 0
حكيم المعاني 10324
قبل 7 سنه و 7 شهر



والله حزنت كثييييير على راعي الاندكروز اللي طايح عن البستم.

مشكووووور جداً على الموضوع يا غالي فعلاً معلومات جيدة.


up 1 down 0
abunwash 757
قبل 7 سنه و 7 شهر



انا ما يقهرني الا اللي يغسل السياره و بعدها يجيك يستعمل منشفه قد اكلتها الحياه و يقول هزا نزيف 
ابو الكذب ي شيخ مشها على غيري 
و المشكله 90% من المغاسل تستعمل ادواتها عن طريق الموزعين اللي يبيعون بالجمله .. يجيك الموزع الكفو بدال ما يتعب راعي المغسله يروح لعندهم .. و الموزع يجي الى عند المغسله 
و ياخذ صاحب المغسله اردى انواع المواد للتنظيف .. و طبعا المقصود ما يبي ياثر على مكسبه باي شي

ع العموم في طريقة انا دايم اسويها و الحمد لله تعلمتها و نجحت فيها .. اشتري انواع المنظفات الخاصه بالسيارات .. بما فيها الصابون و الاسفنجه و اغسل بيدي .. تعب لكن تقطيع وقت و متعه .. و وفر قيمة الغسيل في جيبك 
و كمان في محلات مشهوره عندنا خاصه بمواد التلميع من شركة Meguiars
جالون مثل جالون موية الراديتر الوكاله .. طبعا انا اخذ رقم 85للالوان الفاتحه مثل الابيض و اللؤلؤي و كمان الفضي
اشتريها و معاي صاروخ طبعا استعمله :) << ي فنان ههههههه
و يلا لمع بنفسك .. بس ما استعمله بشكل دايم لان الصاروخ ع كثرة مروره بالسياره يبدى يخفي اللمعه 
فصار بكل شهرين الى ثلاث شهور مره  .. المهم مالكم بالطويله 

جربو ي شباب انكم تغسلون سياراتكم بانفسكم .. حتى لو فيري و فنيله هههههههههههه
.............................
الف شكر ي حكيم مواضيعك ما شاء الله قيمة قيمة قيمة
نطمح بجديدك دائما 
و جزاك الله كل خير 




up 3 down 0
عبدالله الشهري1987 2364
قبل 7 سنه و 7 شهر



سلمت يدك على الموضوع الرائع ..شكله يدك تعبت من الكتابه بس يعطيك العافيه واستفدت الكثير وجزاك الله خير.


up 1 down 0
ال عامر 366
قبل 7 سنه و 7 شهر



من جهتي صراحة اشتريت منتجات مقوايرز موجودة عند محلات ساكو منتج لتلميع البدي من الخارج ومنتج لتلميع لمراتب الجلد ومنتج لتلميع الطبلون وصراحة نتائج مبهره وبقوة وفرق شاسع وفي النهاية عندي حوش وكل ثلاث ايام اغسلها هههههههههههه بس المنتجات استخدمها كل خمس غسلات والغسلات الباقي بس موية وتنشيف باسفنجه خاصة وكمان تحصلها في ساكو وفي النهاية غسيل السيارة بالحوش متعه واستكنان على كيف كيفك


up 2 down 0
موووت احبك 1624
قبل 7 سنه و 7 شهر



زين وين القاه هالملمع؟


up 1 down 0
talal abdullah 5422
قبل 7 سنه و 7 شهر



اخوي طلال غالب منتجات التلميع  من شركة ساكو لها فروع كثير في كل مكان 


up 1 down 0
عبدالله الشهري1987 2364
قبل 7 سنه و 7 شهر



الشكر الجزيل لكل من رد على موضوعي وأبدأ رأيه

والنسبه لنوعيه المواضيع واختلافها هذا كله عشان نطرح اكثر من موضوع للفائده
واللي انا قاعد اقدمه ماهو الا رد للجميل والله لانه خيرك سابق يا جماعه
انا في فتره من الفترات كنت بينكم ولكنني كنت مستمع ومراقب عن كثب ولا ابدي اي راي او مشاركه
وكانت المواضيع من قبلكم رائعه وممتعه وفكاهيه في بعض الاحيان
ففي يوم من الايام قررت ان اشارككم واتعرف على الرجال الطيبه امثالكم
الله لا يحرمني منكم يالنشاما
وان شاء الله يجمعنا في الجنه في الفردوس الاعلى مع الانبياء والصالحين زي ما جمعنا بهذا الموقع
جزئ الله القائمين عليه خير الجزاء
وانا لست الا اخوكم الصغير
#حكيم المعاني#


up 2 down 0
حكيم المعاني 10324
قبل 7 سنه و 7 شهر



سيارتي سوداء اول ماشريتها مافيها خطوط لانها كانت تغسل ب امريكا ويوم جت هنا انواع الدوائر  بسبب الغسيل هنا.. ي راعين المواتر الملونه استثني الابيض والفضي 
انصحك تشتري صابون مخصص للغسيل وفوط من ساسكو وتودي سيارتك المغسله ومعك عدتك وريح راسك من هالفوطه الحمراء الي داخلها كله حصى 

اما بالنسبه للتلميع / كل سنه لمع مره وحده ويكون عند محل معروف ب اختصار 3 ام او التلميع الساطع .. واذا كان لون موترك اسود ولا بني لا تدخل موترك الا عند افضل فرع من ثري ام واو التلميع الساطع  لانها لون حساس 


فيه شامبوهات مخصصة للسيارات بس فيه الغالي وفيه الرخيص
انا شريت نوع غالي بس مميزاته حلوة:
يضيف لمعة للسيارة-يضيف حماية للبوية-مايحتاج تنشيف يعني غسل ولاتنشف
وانا دائما اغسل السيارة في البيت... ياخي متعة واستغلال وقت فراغ وغير كذا اذا خرجت في مشوار ماتبغى تسرع او تمر على موية بالطريق لأنك تعبت في التنظيف فما تبغى توصخ

شكرا على رقي الطرح:)




up 0 down 0
فورد530 1319
قبل 7 سنه و 7 شهر



انتبهو   من غسيل المكية بل الموية وهي المكينة حارة  
اغلب المكائن المنيوم   والالمنيوم وقت يكون حار   وتجي  تحط عليه موية  تغسلة   اعلم انه  راح يتغير  تركبة اللمنيوم  ويتغير  شكلة وابعاده
  وتجي بعد فترة وتقول المكينة  تنقص زيت وفيها صوت   وايضا  الهبات    وتجي  تقول  بعدين  الفرامل  فيها   رجة     ويالله  رح اخرط هبات   


up 0 down 0
abd_alrhmn 2352
قبل 7 سنه و 4 شهر



السلام عليكم
اغسل في مغاسل نيويورك
شف كيف يغسلون سيارتك بحتراف وفخامة المكان مغسلة ماتغسل غير سيارات فاخرة
مكانها الخرج عندهم غسيل اسمه نيويورك استافنش صدق خطير
عندهم عناية بالسيارات وصاحبها مايمنع تتفراج على المواد
لان صارو يسون مغاسل مثلها في الدكور لاكن صعبه لانها مسكت زباين اهل الخرج والرياض وكثرهم من الحساء مغسلة غير ونا اقيم
هذي المغسلة استقرام المغسلة تفرج fgfg555526


up 0 down 0
ff6969ff
قبل 3 سنه و 4 شهر