أضف سؤال أو موضوع جديد          

أسعار سيارات حراج بحاجة لإعادة النظر

up 19 down 6



السلام عليكم  ...

الله يحييكم يا الغالين , بصراحة أنا حاب أطرح وجهة نظري حول ما رأيت بأسعار السيارات المعروضة في الموقع

المميز موقع (حراج) أنا موصين واحد من الربع أتشوف له موتر و بصراحة أنا هجيت من المعارض و مبالغة

الشريطية و طحت بمبالغة الاخوان العارضين سياراتهم بالموقع يعني شي مو معقول !!!!! تخيلوا صاحبي يبغى

أفالون نظيف بحدود 70 و لا لقيت !!!!! واحد عنده أفالون أمريكي 2007 xls يعني أرقى من الستاندر بشوي وماشي

حدود 120 ألف ميل يعني تقريباً = 180 ألف كيلو و يقول مسيومة ب 75 من شريطي (ههههههههههههه)

يعني مو حول السومة الخيالية حتى (ههههههههههههه) يعني هو بصراحة للأمانة في سيارات بأسعار معقولة

بس ما تنلقى من تنعرض في الموقع و على طول تنباع لأن في ناس بياعة والناس تشتري على طول إذا لقت

شي معقول , أما الأسعار الفلكية اللي يحطونها بعض الناس يعني يبي يربح من سيارته سعر ماهو قليل و على

حساب اللي بيشترون حتى ولو بالكذب والإحتيال !!!! و أكثر شي يقولون سيمت على الجوال بكذا و كذا !!!

يا أخي سومة الجوال و سومة الموقع غير ما لهم شغل ببعض و أنا عندي كذا إقتراح يمكن يحسًن العرض

في الإعلانات الموجودة في الموقع:


1/ وضع حد معقول للسلعة مثل موقع (سعودي سيل) و عدم وضع السعر على (السوم) أو (المزايدة).

2/ التأكد من جدية البائع و أخذ مبلغ مالي منه بحيث لو رغب مشتري الشراء بنفس السعر المعروض
و امتنع البائع لأي سبب كان يروح عليه المبلغ لأنه إعلان غير جاد , و يا كثر الإعلانات الغير جادة
في الموقع !!!!!!!!!

3/ ربط العضوية بالموقع عبر الهوية الوطنية أو رقم الإقامة , حتى تخف الإعلانات الغير جادة و الأعضاء
الغير جادين بالشراء !!!

مع تحيات: أبو صالح







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا الأسعار تحتاج لاإعادة النظر فيها ..
يعني واحد عارض سياره نظيفه جدا بمبلغ مثلا 60 ألف ..
وواحد ثاني نزل نفس السياره وشوي تعبانه وفي نظره نظيفه يبي نفس سعر السياره الثانيه ..
الأسعار هنا مبالغ فيها لدرجه كبيره وليتها على سيارات تستاهل إلا كلها مضروبه وماتسوى شي ..
أنا انصح الواحد إذا معاه سياره تخدمه لايفرط فيها والله يندم إذا باعها وبعدين يتمنى يرحع سياراته من طمع الشريطيه والناس ..
تستاهل لاييييك ..


up 7 down 0
عاشقـ الماركيز 3498
قبل 8 سنه و شهر



سعر فلكي على شي ممتاز ونظيف ممكن نتقبله . بس سعر فلكي على شي مضروب هذا اللي يفقع القلب .



up 3 down 1
طلال الشريعبي 221
قبل 8 سنه و شهر



.
- كل السلع غالية ولايوجد من يحمينا من التجار ......
- السيارات غالية والمواد الغذائية غالية والإيجار غالي والأراضي غالية وهل بقى شيء في هالبلد مهوب غالي ؟
كل شي صار غالي واغلى من كل الدول المجاوره
اين الخلل؟
بالحكومة اللي ماقدرت تتحكم بالتجار وجشعهم 
ام من المستهلك اللذي لا بملك فكر الاستهلاك الذكي؟
كلنا نعرف ماهي المشكله ولكن ماهي الحلول .....
يا جماعة ما لكم غير قانون عمر بن الخطاب رضي الله عنه
 حينما أتاه الناس وقالوا " لقد غليت أسعار اللحم "
 فقال لهم " أرخصوه أنتم "
 فقالوا "كيف" قال"أتركوه لهم"
يعني يا مستهلك أشترى الشيء يلي تحتاجه بسعرك
وأبحث عن البدائل بالعارض  بأسعار مناسبة مثلاً الافلاون 120 الف  أشتري
60 الف في المعارض او احد الاقرباء او الاصدقاء
 وخلي التجارو الشريطيه  يخسرون وتقعد بحلوقهم ..... خلوهااااااا تصدي
.


up 6 down 0
ماجد mot 10850
قبل 8 سنه و شهر



اخذ مبللغ مالي و تسجيل برقم الهويه ومدري وش !!!
يعمي اش التعقيد ذا كله !!!!!






up 4 down 2
أبورفق العمري 24
قبل 8 سنه و شهر



طيب انا معي كاديلاك فليتوود شاريها بقرابة العشرين الف قبل كم سنة ,, والحين يساوموني بسبع الاف عشان ابيعها

يوم ادخل الموقع اشوف وحده ماشيه اكثر من حقتي وطالب فيها 55 الف ..؟؟؟؟؟؟؟؟؟؟؟؟؟؟؟ سلامااااااااااااااااااااااااااااااااااااااااااااااااااااااااااااااااااااااااااااااااات



اجل حقتي تسوى 90 بهالموقع .



up 3 down 0
YASSER505 4174
قبل 8 سنه و شهر



اخوي دور في موقع سعودي سيل


up 1 down 0
كروز_وبس 1042
قبل 8 سنه و شهر



شوف هذا الاعلان اللي اقول لك ,,

http://haraj.com.sa/111977993/
وانا حقتي توها ماشيه 166 وهذي صورتها


http://www.haraj.com.sa/userfiles21/2011-05-20/781d74d5d7181625556c92ce521e8555.jpg

واللي يبيها ب 15 حياه :)

لارش ولا سمكره ولا شي مجرد عفطة بالكبوت :)



up 1 down 0
YASSER505 4174
قبل 8 سنه و شهر



السبب منع الاستيراد

70   ألف تجيب لك احسن سيارة من الخارج


up 1 down 0
saeed7 221
قبل 8 سنه و شهر



اخوي ثقافه البيع ولشراء والمزادات عن طريق النت


يبي راس مال كبييييير بالملايين


بكل اختصار ابي ارتب بعض المعلومات

١/ انشاء مراكز فحص ع الاقل لكل منطقه مركز فحص عالي المهنيه والحرفيه والمصداقيه
ومتوفره فيه الاجهزه الحديثه والعماله المدربة تصدر تقرير للسياره يرفق مع العرض


مثلا مركز يغطي منطقه الرياض

ومركز يغطي القصيم

ومركز يغطي الغربيه وهكذا



٢/ يقسم الموقع الى قسمين قسم مزاد وقسم اخر للعرض بسعر ثابت

يعني شخص معه سياره مثلا اكسنت 

يقوم بعمل الفحص بمبلغ وقدره ويقوم المركز بتصويرها وانزل تقرير كامل متكامل 
طبعا كل شي بحقه 


الان صاحب السياره له الاختيار اما يحطها بالمزاد او عرض

اذا بالمزاد يحدد له يوم وتاريخ ومستقبلي وتعطي مثلا مدة ثلاثه ايام للمزاد

طبعا يؤخذ منه رسوم للجديه يعني مبلغ مثلا ١٠٠٠ ريال


عندما يبداء المزاد خلاص اخر عضو واخر مشتري توقف عليه لسياره تكون من نصيبه

واذا البائع قام يستهبل يسحب منه المبلغ ويؤخذ كاتعاب للموقع ونسبه منه للمشتري




القسم الثاني للعرض
بنفس الطريقه من فحص ومعلومات ويحدها لو بمليون ريال بكيفه بس ممنوع المزايده عليها













بخصوص المشتري 

رقم الهويه الوطنيه 

ومبلغ رصيد ثابت قدره ١٠٠٠ ريال 

كل السيارات المعروضه لها تقارير معتمده من هالمراكز التابعه للموقع والمحترمه

بحالتها المعروضه عليها 
جديده
نظيفه
مقلوبه
مسمكر 
مخبط
الخ الخ

بحيث اذا زاود على سلعه ورست عليه وقام يستهبل بعد 

تطير الالف 

والموقع ياخذ اتعابه 
وصاحب السياره كذلك










هذا الشغل المضمون واللي الناس بتعين خير منه سواء بائع او مشتري او وسيط




لكن وين راس المال 
وين المهنيه
وين الاحترافيه
وين المصداقيه
وين ضمان الحقوق



وسلامتكم








up 2 down 1
مدرس عاطل 5
قبل 8 سنه و شهر



تبي تبحث عن السعر الحقيقي شوف سعودي سيل لان المعلن دفع مال لاعلانه فهو جاد بالبيع اما هنا وبعض المواقع الي اعلانها مجاني تحصل الشخص ماعنده نيه يبيع بس يقول ايش يضر اصور السياره ثم اعرضها للبيع باعلى من القيمة الي ببالي ان لقحت والا ماضر الفحل ثم مثل ماتفضلت يقولك مسيومه من شريطي بكذا وهو بالاساس سعر مبالغ فيه واسعار الافالونات مثل ماتفضلت هنا اعلى من المعارض


up 0 down 0
ضبي جده 230
قبل 8 سنه و شهر



طيب وشرايك بهايلكس موديل83 وشارط راعيها فتح بابها 30000 الاف ريال واقل من اهل القيمه لان ينظر فيها ياحبيبي
وياليته شد بلد ماكينة كرسيده وقير دناء ودفرنس شيول


up 0 down 0
العوادي 48
قبل 8 سنه و شهر