أضف سؤال أو موضوع جديد          

للمناقشة خاص للي قد باع واشترى من حراج المعارض

up 4 down 3
أبو عوض 2012 227
قبل 8 سنه و 5 شهر



بسم الله الرحمن الرحيم

السلام عليكم ورحمة الله وبركاته
ودي اسال عن مدى صحة البيع والمشترى الموجود في ساحات الحراج بمعارض السيارات وهاليمنية المسيطرين ع الحراجات ودي اسال فيه احد قد باع بيعة طيبة أو قد اشترى سيارة طيبة بدون غش وهل جميع المبايعات صحيحة أم هي كلها سيارات مغشوشة ومضروبةحص وما تنباع ابدا الا بهذه الطريقة لانه ما فيه فحص وهل هناك بالعكس فيه احد اشترى سيارة جميلة وصيدة انا عن تجربتي تخوبرت في سيارتين حسبي الله عليهم وكلها طلعت مضروبة واطلب من الله العوض لانه اشوف انني انا الغلطان لان اشتريت بكامل قواي العقلية مما تسبب لي عقدة ان اروح لهذه الحراجات ابغى تجاربكم والله يوفق الجميع ويبعد عنا عيال الحرام والسلام عليكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول شيء اخوي لا تتناقش معه  ولا تسئله لان بعضهم عليه اسلوب يعني   قمة الاحترام والطيب والاخلاق   والرجوله 
بس بمجرد ما  تعطيه  فلوسك  تنصدمم منه 
على حسب الحراج اذا كانت للزبون  فهذا صيده على قولتهم  اما من شريطي  انحش عنه 
الشريطي احسن ما به نصوح  وكلامه مفيدد  يفيدك بلسانه بس 
 واهوي انتبه بعد التجربة الافضل تكون فلوسك بجيبك ومتى ما حصلت السيارة المناسبه تاخذها 
يعني لا تستعجل 


up 0 down 0
صوت العزاوي 523
قبل 8 سنه و 5 شهر



الحمد لله انا والوالد شرينا 3 سيارات من معارض الحفر وطلعت ماعليها كلها بدي وكاله وع الشرط اللي هي ابلاند شفر 2007 ويارس 2011 وكلها تمام اما كامري 2003 بدون فحص وع كلام الرجال انها ماعليها طلع فيه رفرفين خلفي ورفرف امامي

والسياره جايها تعديل خفيخ من قدام بس كان واضح التعديل الامامي


up 1 down 0
المشيعلي 454 3368
قبل 8 سنه و 5 شهر



الحراج فيه الزين وفيه الشين واذا بغيت تقلل فرص انك تشتري مضروب، خذ لك واحد فاهم في السيارات وعطه سعي اذا شار لك على سيارة محترمة.
أيضاً لاتفحص السيارة في أي ورشة، روح ورشة عندها سمعة وتثق فيها..

الله يعوضني وياك لان أنا برضو شريت سيارة مستعملة وصار لها أكثر من اسبوع في الورشة


up 0 down 0
ستروب 96
قبل 8 سنه و 5 شهر



@@@@@@@@@@@@@@@


فيه سيارات طيبة ونظيفة .. ولكن قلّ أن تجد ..

حراج المعارض مثل السكر والملح إلي يصعب عليك تفرق بينهم حتى تذوقها .. فإذا ذقتها راح تتبين معك هي سكر ولا ملح ..

المهم أنا أفضل أن الواحد ما يشتري سيارة بالحراج إلا إذا كانت عنده خبرة كافية ووافية بالسيارات وكيفية تفحصها .. يعني ما يحتاج بالأصل أنه يذهب بسيارته للفحص ..


وبعضهم إذا واثق من سيارته يقول لك روح افحصها بأي مكان تبيه ..
وإلي مب واثق راح يرفض الفحص ..

ويفضل إذا كنت بايعها بايعها .. وما تبي إلا سيارات الحراج .. خذ معك شخص صديق مخلص لك .. حتى يعطيك نظرته على السيارة بكل صدق ..

وأسال الله أن يبعد عنا شرّ الشريطية !


up 1 down 0
oo أبو عبد الرحمن oo 1772
قبل 8 سنه و 5 شهر



الحراجات مسيطرين عليها الشريطية (اقصد الي يسمونها مجازيا بالمكرفون)

احيانا ممكن تحصل صيدات بين فترة وفتره لكنها نادره 

أفضل شي الواحد يشتري من السوق شي على نظره ويقدر يفحصه


up 1 down 0
naac 2 2722
قبل 8 سنه و 5 شهر



بالحرام المستعمل كلها غش في غش ولا مرة قد توفقت ومع الفحص مايبين حالة الموتر بالكامل (ألا من رحم اللــــــــــــــــــــــــــــــــــــــــه)


up 0 down 0
turki althmri 103
قبل 8 سنه و 5 شهر



^
مافيه افضل من فحصك انت بنفسك 
وفحص ميكانيكي تعرفه 


up 0 down 0
naac 2 2722
قبل 8 سنه و 5 شهر



اي سياره نظيفه مستحيل تصل الحراج لان الشريطيه واقفيلها اول السوق 
اما الحراج 99%من السيارات تلقاء محركاتها مضروبه ولا مقصوصه نصين ولا سيارات مكاتب تاجيرولاسيارت اجره
 ملمعينه ومدلعينه يعني من 
من براء الله الله ومن جواء يفتح الله


up 2 down 0
العوادي 48
قبل 8 سنه و 5 شهر



تحياتي للجميع

انا عن نفسي اشتريت سيارة من مستخدم شخصي وكان عارضها بمعرض دلني المعرض
وبصراحه رحت انا لي في السيارات بس مب كثير بصراحه اخذت لي قريب وشفنا السياره بصراحه ما شالله تبارك الله
ع كلام الرجال لان مثل ما قلت مو شريطي مستخدم 
والحمدلله الحين لي 7 شهور ومشالله ع السياره 
والله يوفق اللي باعني ياهاه كله خير 
يعني مثل ماقالو الشباب عاين السياره بالاول ولا تدفع ولا ريال واذا ما تعرف بالسيارات خذ واحد تعرفه زين له بالسيارات ويعرفها زين
وحتى الورش اللي تفحص لا توديها لانهم نصابين
وابعد بقدر المستطاع من سيارات الشريطيه

تحياتي /التسعاوي


up 0 down 0
التسعاوي79 221
قبل 8 سنه و 5 شهر



حياكم الله بس الموضوع شطح انا اقصد البيع الحاصل الان في الحراج اللي سكر في مويه على قولتهم ابغى تجاربكم فيه هل كل المعروض والبيوع الموجوده فيه كذب وتدليس اما عكس ذلك ولا اقصد بانه الافضل ان اشتري من الساحة ام تحت المايكرفون


up 1 down 1
أبو عوض 2012 227
قبل 8 سنه و 5 شهر



انحش تسلم كل اللي بالحراج نصابين والسيارات اللي يحرجون عليها كلها مخلفات معارضهم حتى اللي مسوي اني صاحب السيارة

.ولاكنة يعرف المحرجين ويغصبونة على البيع هو راس البلا
..والله ياسووا بي سوايا ..مع اني خسرت الكثير بس تعلمت درس الله لايهنيهم لابالدنيا ولا بالاخرة


up 0 down 0
saleh733 4
قبل 8 سنه و 5 شهر



الله لا يكسب كل الشريطية


up 0 down 0
ابو هدي2222
قبل 5 سنه و 7 شهر



شريت سيارة كامري ٢٠١٨ ادعى صاحبها أنها وكالة وانه المالك الوحيد وسالمة من العيوب والحوادث فشرتها وذهبت اليوم التالي للوكالة عبداللطيف جميل فوجد انها مصدومة والارباك شيلت والحساسات والمكينة مفكوكة والدودة و... وثم تقرير الموجز ( العلم) فوجدناوقع حادثين والمرور يقول صالحة وليس لديها فحص فني فنظام المرور به ثغرة شجع هؤلاء اللصوص على الغش ولم يعد الفحص من أجل سلامة البش ... حسبنا الله ونعم الوكيل


up 0 down 0
عائض العمري22
قبل سنه و 8 شهر



انا شريت كورولا ٢٠١٥ قبل شهرين من الحراج وكان شرطي الفحص قبل نقل الملكية وكان شرط المعرض اكمل المبلغ كامل عشان اخرجها وفحصها وقام بنقل الملكية وخوبرني فيها وطلعت ارباق طالع ومراجعة ابو كلب وبي ارجع حقي كيف أدق على رعيها يقلي انا قلت للمعرض والمعرض يقلي انا مني شغل وابي ارفع علية دعوة غبن وغرر في المحكمة ولا شكوى في وزارة التجارة


up 0 down 0
ا ب ج د ه و ز
قبل سنه و 7 شهر



للاسف لايوجد نظام يحميك من غش المعارض


up 0 down 0
7mooodi 2109
قبل 10 شهر و أسبوع