أضف سؤال أو موضوع جديد          

شخطات بسيطه بسبب حكوك اطفال وبالاخر ايرباقات مفجره وشاص مايل

up 23 down 1



بعض الناس لايتورع ولاتاخذه في الله لومة لائم ويحس انه الضحك على المسلمين شطارة وكسب متناسيا انه سحت ويغذي من يعول على حرام....مواقف كثيرة حصلت معكم قبلي ....اما ماحصل فهو شخص حلف واقسم ايمان انها نظيفه وبدون رش عدى رفرف خلفي بسبب شخطات وحكات اطفال على كلامه وانه رش تجميلي ليس الا لكن بعد الفحص السياره مندمره وغير قابله للاستهلاك الادمي ايرباقات مفجره وملغيه اللمبه من الطبلون+رشوش وسمكره باماكن متفرقه+ميلان الشاص والحمد لله ماعربنته كان لطشه علي اما قيمة الفحص 400 ريال فالله يعوض ولاانغبن بقيمة سياره كامله طبعا انا من بعد ماانغشيت من سياره بناء على ثقه صاحبها لااشتري حتى افحص لاني اشتريت فورد ماشيه 170 الف وصلحت فيها بمبلغ 5 الف تقريبا ثم بعتها اقل من مشتراها ب 3 الف بظرف اسبوعين خساره تقريبا 8 الف كله بسبب الثقه بعدها حرمت الا افحص...للاسف في ناس ماتخاف الله وعلى النقيض فيه ناس طيبه وصادقه ولكنهم قله للاسف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا سلام على السرد الكتابي بذوق ولك مني لايك


مع العلم ان عبارة لا تأخذه في الله لومة لائم عبارة ثناء لمن يوصف بها


انا حصلي موقف زيك اعجبتن سياره بالموقع بالرياض واتصل عليه ونتفق يقولي بوية وكالتها ماانرشت ابد وكل شئ
على الشرط ومسويلها صيانه القطع الاستهلاكيه وكل شئ ماتشتكي من شئ المهم واركب
الطياره واجيله الرياض واركب تاكسي لغاية ماوصلت بيته واركب معاه ونروح نفحص بكارتك فحص شامل 450 بعد الفحص قالي
المهندس السوداني بعد ماكتب كل شئ فيها قالي خذ جريده الشرق الاوسط يقصد ورقة الفحص من كثر ماكتب فيها والطامه الكبرى
طلعت السياره مرشوشه كامل وهو يقول ماانرشت وحسبي الله ونعم الوكيل


up 3 down 1



عبارة لا تأخذه في الله لومة لائم عبارة ثناء
لا يستحقها الشريطية الحرامية   الذكور وليس الرجال فكلمة رجال فيهم كبيرة عليهم

العبارة في من باع دنياه لله في سبيل كلمة الحق ولو خسر الدنيا ومن عليها


up 3 down 1
bdr905 22
قبل 6 سنه



بعض الناس قلوبهم ميته 

الحلف عنده عادي وبسيط 




up 0 down 0
راااضي 2528
قبل 6 سنه



يقول الرسول صلى الله عليه وسلم(ان الله طيب لا يقبل الا طيبا وان الله امر المؤمنين بما امر به المرسلين فقال( ياأيها الرسل كلوا من الطيبات واعملوا صالحا )
وقال تعالى ( ياأيها الذين امنوا كلوا من طيبات ما رزقناكم)ثم ذكر الرجل يطيل السفر اشعث اغبر يمد يديه الى السماء يارب..يا رب ومطعمه حرام ومشربه حرام وملبسه حرام
 وغذي بالحرام فأنى يستجاب له.)


up 1 down 1



فيه حديث عن الرسول اللهم صلي وسلم عليه فيما معناه
ثلاثه لاينظر لهم الله يوم القيامه وذكر منهم رجل يبيع بلحلف ويشترى بالحلف وهو كاذب


up 1 down 1
اسمر عبر 60
قبل 6 سنه



ياكثرهم بهذا الزمان


up 0 down 0



اذا شفت راعي السياره يحلف فاعلم انه نصاب لان الي موتره نضيف مايحتاج يحلف عشان يثبت لك وتلقاه واثق من موتره يقولك تبي تشتري ولا توكل على الله


up 1 down 1
مـح ـمـد 13
قبل 6 سنه



اما اللي صك الاوادم مشاوير وفي النهاية تطلع بلاوي ما اقول غير حسبي الله ونعم الوكيل
اذا قال لك البائع فيها رفرف اعتبره جنب كامل
واذا قال رش تجميلي اعتبرها سكراب
واذا قال لك مشيكها قطع استهلاكيه وغيره اعتبره موديها البنشري ونافخ فلتر الهواء عن الغبار ومغير زيت هذا حد الشريطيه يتخاسر مسمار


up 5 down 0



الزمن هذا الايمان في البيع والشراء ماهو في القلب 


up 1 down 0
العوادي 48
قبل 6 سنه



ابو راكان جبتها ع الجرح انا صكيت مشوار من الدمام للجوف السياره معروضه هنا فالموقع تشوفها بالصوره ورده يوم رحت اشوف السياره ي ولد انفجعت ماهي اللي فالصوره نهائيا وقسسم بالله يا الربع تخيل يمكن 2000 كيلوو مشوار وبالاخير السياره تطلع ماهي اللي بالصورر حسبي الله ونعم الوكيل


up 1 down 0
سع ـيد 325
قبل 6 سنه



ذكرتوني بسالفة واحد شرا كابرس صابونة قبل كم سنة من موقع حراج او مستعمل ماني متذكر ,, الزبدة السيارة نظيفة بالصور مررررره ,,, وتبايعوا بالتليفون وارسل له صورة اثباته وتمت البيعه وعلى اساس السيارة تجي بسطحة , الزبدة , ارسل له سيارة شبه تشليح وماهي هي اللي بالصورة وبها عفطات بكل جهة ,, ويحلف انه من السطحه عالبيت عالتشليح وجلس يدعي عليه


up 0 down 0
YASSER505 4165
قبل 6 سنه



وش رايك ياسعيد باللي يشتري موتر بالقصيم من حراج واتفقنا بالجوال وضربنا له مشوار من تبوك ويوم دخلنا بريده قفل الجوال انتضرناه ثلاث ايام يفتح جواله ولا حياة لمن تنادي خسارة مشوار وتعب وايجارات والله لو لقيناه كان ارتكبنا فيه جريمه


up 1 down 1



هههههههههه راعي الكابرس البائع رايح بخرايطها ومخربها من جد،،،اااه لو الشريطية يزورون المقبرة مرة كل 6 شهور


والله الغشاش مسكين باع ذمته بالفلوس 
اهان لسانه بالحلف عشان الفلوس 
وفي لمح البصر يجيه حادث 
او مرض او مصيبه من حيث لا يحتسب 
ااه والله اني انصح كل من غش ان يراجع نفسه 
قبل ما يندم .·······.وما ينفع الندم


up 0 down 0
لا للغلاء 608
قبل 6 سنه



أنا خالي قرر يشتري سيارة قبل شهر , فـ قالي ياسعود أبيك لاهنت تنزل معي للمعارض بحكم انه نوعا ما عنده خبره كبيرة بالسيارات والاشياء المهمة فيها اذا كان نوى يشتري , المهم انا قلت له بالحرف الواحد " يا خال لاتتعشم واجد بالمعارض ترى والله ان يجيك الصداع من الشريطية وكذبهم بس فدا راسك انا طالع معك وندور "

هو كان يبي جمس ملكي من موديل 94 - 99 .
حصلنا واحد موديل 92 الشكل القديم لكن اعجب فيه بشكل غير طبيعي وجا الشريطي لما شاف اعجاب خالي قال بنفسه " حصلنا صيده " جا عندنا وخليته يبربر يبربر يبربر ويهايط وانا معي معرض بـ 3 ملايين راس ماله وهالجمس انا مانيب متكسب فيه غير شوفة وجيهكم الطيبة ومن هالكلام المعسول .
قلت له بيننا وبينك الفحص قال ابشر بس عطني عربونك قلنا كم قال 1000 ريال قلنا مو مشكلة وانا في قلبي ناوي اذله بهالعربون بعدين لاطلع شي بسيط بالسيارة لان هو يحلف ايمان مغلظة ان السيارة لا تشتكي من شي ابدا ومخزنه وممشاها 110 ألف كيلو فقط .

اول حركات النجاسة انه هو اللي ساق السيارة من المعرض الى الفحص وما خلانا نسوقها قلنا مو مشكلة حبل الكذب قصير مهما كان
جينا عند الفحص حصلنا اول شي طبلون الكيلوات خربان - فضاوة بالقير - تهريبات من كل حدب وصوب - كربون - نتعه بالقير - المكيف خربان .

لما طلعنا البلاوي جيت لمه قلت يابو خالد عطنا عربوننا الله يصلحك وخذ موترك والله يرزقك قال ليش قلت له شوف النشرة الجوية اللي طلعناها من جمسك تخيلو يا اخوان بكل وقاحة شافها قال انا مانيب مقتنع بهالمحل اللي فحصنا عنده خلونا نروح محل ثاني ! قلت لا ثاني ولا ثالث عطنا قروشنا والله يستر عليك قال ما بعطيكم غير 500 ريال بس ! قلت والله انها ترجع ألف كاملة ولا ماترجع انت بكبرك كامل للمحل ! جا قليل الحيا طلعها من جيبه وذبها بالأرض !!

واقوم انا وخالي ونتله مع رقبته ونجبره يجيبها من الأرض ويحطها في جيب خالي مثل الـ *** أعزكم الله .
وفكينا أسره ولا كان بيروح غلطه . وفوق هذا كله حسيت ان توني مابردت حرتي فيه لكن خالي اخيرا اقتنع واخ1 صورة عن أغلب الشريطية ونجاستهم .

عقبها قلت له ياخال ازهل الموضوع ومالك الا اني اجيب لك موتر وانت قاعد في بيتكم .

سبحان الله اليوم اللي بعده حصلت له جمس موديل 94 بهالموقع المبارك .
ورحنا قابلنا الرجال وطلع رجال اجودي ابن حلال ويشهد الله انه سمح لدرجة ان عطانا مفاتيح الموتر قال خلوه عندكم يومين لو تبون قلبوه افحصوه شوفو وش مافيه وخذو راحتكم .

حصلنا اشياء بسيطة استهلاكية تحتاج الى تغيير ومع هذا كله الا وانه نزل لنا عن السعر اللي اتفقنا عليه 1500 ريال !

وهذا هو خالي اللحين ماشاءالله قاعد يتمشى بالسيارة وماخذ راحته من احلى مايكون عسى الله يحفظها له ويهنيه بها .


عموما صدقوني مهما الشخص الصادق رب العالمين يبارك له في بيعته ويرزقك منه دعوة صادقة ويخليك تروح من عنده وانت راضي .

والشخص الكاذب يمحق الله بيعته ويفضحه مهما طال كذبه ولا يبارك له .

اسف على الإطاله لكن غيظ من فيظ فيني على شريطية الوقت الحالي الا من رحم ربي .





up 3 down 0
أبو سـيـف 213
قبل 6 سنه



المفروض تتفقون انو اذا طلع اي مشكله بعد الحفص غير الي ذكر هو الي يدفع 


up 0 down 3
ماشي بدربي 167
قبل 6 سنه



ولا وقت تكثر عليه اسئلة قبل تفحص يزعل !! يعني لسان حاله يقول تكذبني ؟
ووقت تفحص ويطلع كلامه خرطي يقول هاذي السيارة قدامك وفلوسك بجيبك
حلوة ذي والفحص ال 400 ريال ؟والتعب والمشوار وضيعت علي اليوم والكذب حقك
شي مقرف


up 0 down 0
embrator 6
قبل 4 سنه و 9 شهر



الله يستر لاتخوفوني ياجماعة توني ماخذ سيارة من رجال ماقصر قالي كل العيوب اللي بالسيارة وامنت للرجال ولا فحصت السيارة لاني حسيت من كلامه وجلستي معه انه صادق غير انه بشهر رمضان ما ضنيت انه يكذب
مع انه شريطي يصلح السيارات المصدومة صدوم خفيفة ويبيعها والحدالله الله رازقه لامانته فلا تخوفونا عذرك معاك اخوى عيال الحرام استغفر الله ما خلو لعيال الحلال شي ماهمهم الا الفلوس والله يوفقكم ويبعد عنكم الحرام


up 0 down 0
dos2000 1
قبل 4 سنه و 9 شهر