مجرد استفسار ...

اخوي دامك لاقيتها كذا عبي الزيت قبل المكينه تخبط على (تخب) عبيها زيت لين الفل اعتقد علبتين او اقل من كذا لاتمشي فيها عشان لاتخبط هاذا اول شئ
نوع الزيت الي تستخدمه يمكن مايتحمل او صار خفيف  عالمكينه يبغالك اثقل منه تاكد عندك تهريب من تحت المكينه او شئ والحمدلله لحقت عليها ماصارلها شئ تقدر تمشي فيها انتى بامان الله لو المكينه شد بلد وانا انتظر ردك وبرجعلك باسرع وقت
ياليت نوع الزيت وكم ماشي عليه وهل لديك جلد بلوف تشوف دخان بين فتره وفتره وتشوف دخان وقت ماتدعس بقوه

(التاجر الكبير) .. الله يعطيكك العافيه ماقصرت ي بعدي
.. (احمد شريف) .. الزيت اللي اغيره جي تي اكس 10-30والزيت تقريبا كان ماشي 3000 والسياره ماشيه تقريبا 260 الف ميل .. والسياره سليمه مافيها دخان ولا حتى اصوات ولا شي . بس انا وقفتها امس وبعدها قلت بشيك على الزيت وسحب العيار واذا بالعيار مافيه شي وانا بصراحه
تفاجأت
.. ( ابراهيم التركي ) .. شكرا ع الافاده الحلوه .. ماقصرت اخوي,,,,, ماقصرتو للجميع الله يعطيكم العافيه

يمكن من حاجة اسمها بلف التبخير



و الفورد ما ينقص نقطة في الوضع الطبيعي حسب تجربتي





لمعلومات اكثر زور موقع فورد العربية قسم ورشة فورد بتحصل كل شيء عن بلف التبخير و بالصور بعد





هو بلف يركب في اعلى غطى بلوف المكينة وسعره ما يتجاوز خمسين ريال

اخوي ماشيه260الف ميل متاكد من الي كتبته يالهوي السياره ماشيه كثير مره ولساعك تعبيها زيت خفيف 10w30هاذا ماتعبيه بعد 150الف كيلو يعني بعد95ميل تقلب عالزيت الثقيل 20w50حط منه عندك فوكس سوبر جي تي عندك سوبر شل وبرضه عندك زيت بترومين الترا سفن انصحك تحط منه وسيب كاسترول بحاله لان المكينه ماشيه اكثر من الكثير لازم زيت ثقيل بالوقت ده وشيك على2000كيلو متر وشوف فيه نقص ولا لا ماشاء الله الله يحفظها لك المكينه وتدوم معاك باذن الله وانتبهلها وباذن الله تدوم معاك للابد لك مني احلى تحيه يالغلا والله يوفقك 
زود عالزيت الحين لين ماتكمل5000كيلو وغير للثقيل مع تغير الفلتر ترا من دحين بعطيك الكلام عشان لاتنصدم العزم ممكن يضعف عندك ويمكن تزيد الصرفيه بحكم ثقيل الزيت فلا تتربش وتغير الزيت للخفيف مره ثانيه على انه الاحسن المكينه توسعت وصارت اكثر احتكاك يبغالك الزيت الثقيل يقفل التوسع ويلينها
لك مني احلى تحيه

اخوي ابراهيم التركي الله يسعدك ماينقص الزيت الا بمشكله جلد بلوف او شنبر انا معاي فورد وماشي 170 الف واحط زيت خفيف وماشاء الله امشيه على 5 وعلى 7 الاف واغير 
وشوف صاحب الموضوع كم موديله 99 يعني له تقريب 14 سنه ماتبيه ينقص ادا الي عليه وخدم 
صاحب الموضوع شوف شغل السياره وخلها خمس دقايق واعطيها دعسه وخل احد اصحابك واقف ورا هل يطلع دخان اذا طلع دخان هاذي جلد بلوف وتتصلح بواسطة الزرقينه بدون فك الراس اسهل واقل سعر تقريب تكلف 700 او800 ريال 
عندك بلف التبخير في غطا راس المحرك شوف اذا على  اطرافه زيوت ورواسب اعرف انه متقفل ويحتاج تغيير 
الزيت الافضل انك مادام ينقص تغير كل 3 الاف كيلو اذا المكينه تحتاج توضيب لاقدر الله يعني مو جلد بلوف الافضل التغيير ولاتوضب لنه مكلف 
وبقيمة التوضيب تركب مكينة 2011 لنه نفس المكينه وحده ونفسها فقط الثروتل الفرق ويركب الثروتل الي عندك عادي 

مخاوي القايله ... احمد شريف ... برنس ..
الله يعطيكم العافيه والله ما قصرتو .. انا الحين غيرت الزيت لسوبر جتي 20-50 ... وانا اتوقع انه من الزيت لان السياره مافيها كربنه ولا شي .. بس على قولتكم .. السياره قديمه والمكينه كبيره ولا تتحمل زيت خفيف وانا غيرت للزيت الثقيل
وانشالله تتسهل الامور ... الله يجزااااكم خير .. تشكراتي للجمييع

عفوا اخوي الغالي واتمنى نكون ماقصرنا واي خدمه حاضرين وصكيتكم لايك للكل بدون استثناء ولكم مني احلى تحيه