أضف سؤال أو موضوع جديد          

نيسان ماكسيما حادث

up 11 down 8
أنس الخالدي -51
قبل 9 سنه و شهر



غيرو الموضوع ابي انسى والله يعوض علي توبه مسرع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا حادثين لكن بفضل الله نجاني منها 

الاول قبل 5سنين كنت راكب مع اثنين من اخوياي وانا على الباب 
في هايلوكس 88 غماره كان خويي الله يشفيه يمشي 140 ويقابلنا 
واحد صاحب كامري 2001 مسرع وكلنا مطفين النور وكان اخر الليل 
وقبل الحادث كنت ادخن ومشغلين الاغاني وطالع من البيت وانا عاق امي وابوي
وكنت اقول بعدين ابرجع وارضي ابوي وامي... المهم وانا راجع البيت ويصير الحادث
وجه بوجه طبعا قبل الحادث كنت رابط حزام الامان عشان نقطة تفتيش وقبل وقوع الحادث بثواني فكيت الحزام
واطير من القزاز الامامي من السياره وجاء الاسعاف شل اخوياي الا انا ما دروا عني ويلقاني واحد 
ويوديني المستشفى ولقوا عندي كسر في الترقوة والكتف والركبة اليسرى واصابع الرجل اليسرى
وبعض الاسنان هذا غير الرضوض والجروح ..... سبحان الله قال لي اخوي لو كنت داخل السياره 
كان تقطعت لكن احمد ربك انك طرت مع القزاز الامامي ...وكنت فرحان ان الله احياني ولاقابلت الله 
بعقوق ودخان واغاني وتقصير في الصلاه وغيرها 

والله اغلب اخوياي الدجه الله يهديهم ما احد زارني ولا وقف معي الا الله ثم امـــي وابوي واخواني
وخاصة الام ياعالم والله انها تهتم فيني اكثر من نفسها والله في كل شيء يشهد الله 7 شهور وهي معي 
وانا في وضع مزري في البيت ..... الحمد لله

وبعدها قمت اواضب على الصلاه وبر الوالدين وكملت دراستي واستمريت كذا يمكن سنتين وبعدها 
تعرفت على ناس الله يهديهم ورجعت الى ما كنت عليه قبل حادثي الاول واردى ...........!!




up 3 down 0
عبدالله 711 791
قبل 9 سنه و شهر



وحادثي الثاني كنت توني قايم من النوم وقابلتني امي وقالت لي صليت المغرب رديت عليها
ونفخت عليها وقلت ايه وقامت تنصحني وانا ابغى اصرف عمري منها وادعي على نفسي 
ان الله يبلاني بحادث اذا ما صليت ...! وانا ما صليت 




وقبل ما اطلع نادتني وتقول اجلس في البيت تراها خيرهـ (( قلب الام دليلها ))
وانا اقفل الباب بقوهـ واقابل 2 من عيال الحاره رايحين المسجد وقت اذان العشاء
واركبوا معي واول ماحركت بموتري وبطلع من الحاره الا وهم يقولون خلاص نزلنا ونتقابل بعدين
سبحان الله ردتهم صلاة ربي وانزلهم وامشي لحالي وانا طالع من الحي واشوف ورع راعي كابرس قديم مسرع
ويبلاني بعمرهـ طبعا ما طلعوني من السياره الا الدفاع المدني بالمنشار وعلى المستشفى لكن والله وقت الحادث
اني تذكرت كل ما صار مع امي من عقوق وقبلها عصيان الخالق ما ادري كيف اوصف لكم كأنها مثل مقطع الفيديو
تشوف نفسك في ثواني ....................

المهم جتني ضربة بمؤخرة الراس وخياطة في الحلق والله رحمني والسبب دعاوي امي ولا كان قصت رقبتي 
الحديده لكن مرة سليمة والحمدلله .

وطلعت من المستشفى وجلست يمكن شهرين علاج طبيعي ونفس الكلام ماوقف معي الا الله ثم امـي



يا اخوان الله الله برضى اللـــه والوالدين ترون الموت يفاجأ الواحد وكلامي للعضة والعبره 
كم من واحد مثل حادثي عاق لله ولوالديه وغيرها ... ما اعطاه الله عمر عشان يصلح غلطاته
ويتمنى الان لو يرجع .... كما قال الله تعالى  { رَبِّ ارْجِعُونِ ،,, لَعَلِّي أَعْمَلُ صالِحاً فِيما تَرَكْتُ ... } 

تحياتي لكم


up 3 down 0
عبدالله 711 791
قبل 9 سنه و شهر